​ລະເບີດແຕກ​ ຢູ່ກອງ​ບັນຊາ​ການ ​ສືບ​ລັບ​ ອີຈິບ​ ເຂດ​ໄຊ​ນາຍ

ບັນດາ​ເຈົ້າ​ໜ້າ​ທີ່ອີ​ຈິບ ກ່າວ​ວ່າ ​ລ​ະ​ເບີດ​ລົດໄດ້​ແຕກ​ຂື້ນ ຢູ່​ກອງ
​ບັນຊາ​ການ​ສືບ​ລັບ​ທະຫານ​ແຫ່ງ​ນຶ່ງ ​ໃນເຂດ​ແຫລມ​ໄຊ​ນາຍ ທີ່​
ວຸ້ນວາຍ ​ເຮັດ​ໃຫ້​ທະຫານ​ເສຍ​ຊີວິດຢ່າງ​ໜ້ອຍສາມ​ຄົນ ​ແລະ​
ໄດ້​ຮັບ​ບາດ​ເຈັບອີກ 10 ຄົນ.

​ເຫດລະ​ເບີດ​ແຕກ​ໃນ​ວັນ​ພຸດ​ມື້​ນີ້ ເກີດ​ຂື້ນ​ຢູ່ທີ່​ເມືອງ Rafah ຕັ້ງ
​ຢູ່ໃນບໍ ລິ​ເວນຊາຍ​ແດນທີ່​ຕິດ​ກັບ​ເຂດ Gaza.

​ໃນ​ເວລາ​ບໍ່​ດົນ​ຕໍ່​ມາ ພວກ​ຫົວ​ຮຸນ​ແຮງ​ກໍໄດ້​ຍິງຈະ​ຫລວດ​ໝາກປີ RPG ​ເຂົ້າ​ໃສ່​ດ່ານ​ກວດ​ທະຫານ​ແຫ່ງ​ນຶ່ງ ທີ່​ຕັ້ງຢູ່​ໃກ້​ຄຽງ.

ເຂດໄຊ​ນາຍ ເປັນ​ເຂດ​ທີ່​ມີ​ການເຄື່ອນ​ໄຫວຫລາຍ​ຂຶ້ນຂອງພວກ
​ຫົວ​ຮຸນ ​ແຮງ ນັບ​ຕັ້​ງ​ແຕ່ອະດີດ​ປະທານາທິບໍດີ Hosni Mubarak ​ໄດ້​ຖືກ​ຂັບ​ໄລ່​ອອກ​ຈາກ​ອຳນາດ ໃນ​ປີ 2011 ​ແລະເປັນ​ເຂດ​ທີ່​ມີ​ຄວາມ​ວຸ້ນວາຍ​ເພີ້ມຂຶ້ນ ນັບ​ຕັ້ງ​ແຕ່ພວກ​ທະຫານ ​ໄດ້​ໂຄ່ນ​ລົ້ມ ປະທານາທິບໍດີ Mo-hammed Morsi ​ໃນ​ເດືອນ​ກໍລະກົດ​ ທີ່​ຜ່ານ​ມາ.