ພວກມືປືນ al-Shabab ກຸ່ມໜຶ່ງໄດ້ທຳການໂຈມຕີມະຫາວິທະ
ຍາໄລ Garissa ໃນພາກຕາເວັນອອກສຽງເໜືອຂອງເຄັນຢາ
ໃກ້ກັບຊາຍແດນຂອງໂຊມາລີ ໂດຍໄດ້ສັງຫານປະຊາຊົນຢ່າງ
ໜ້ອຍ 14 ຄົນ ແລະໄດ້ຮັບບາດເຈັບຕື່ມອີກຢ່າງໜ້ອຍ 60 ຄົນ.
ກຸ່ມຫົວຮຸນແຮງ al-Shabab ໄດ້ອ້າງເອົາຄວາມຮັບຜິດຊອບ
ໃນການໂຈມຕີດັ່ງກ່າວ ໃນເວລາພຽງບໍ່ເທົ່າໃດຊົ່ວໂມງຫຼັງຈາກ
ການໂຈມຕີໄດ້ເລີ້ມຂຶ້ນໃນວັນພະຫັດມື້ນີ້. ຢູ່ໃນຖະແຫຼງການ
ສະບັບໜຶ່ງ ກຸ່ມ al-Shabab ກ່າວວ່າ ການໂຈມຕີຄັ້ງນີ້ ເປັນ
ການແກ້ແຄ້ນສຳລັບການສູ້ລົບຂອງພວກທະຫານເຄັນຢາ ໃນ
ໂຊມາລີ.
ມືປືນກຸ່ມ al-shabab ໂຈມຕີ ມະຫາວິທະຍາໄລ ເຄັນຢາ
ໂຄສົກຂອງກຸ່ມຫົວຮຸນແຮງກ່າວຕໍ່ພະແນກຂ່າວອົງການຂ່າວ Reuters ວ່າ ພວກນັກ
ຕໍ່ສູ້ຂອງຕົນກຳລັງຈັບພວກຊາວຄຣິສຕຽນຈຸໜຶ່ງໄວ້ເປັນໂຕປະກັນ ຢູ່ທີ່ບ້ານພັກຂອງມະ
ຫາວິທະຍາໄລ ແຕ່ໄດ້ປ່ອຍໂຕພວກຊາວມຸສລິມໄປໝົດແລ້ວ. ໂຄສົກອີກຄົນໜຶ່ງ ກ່າວຕໍ່ອົງການຂ່າວຝຣັ່ງວ່າ ພາລະກິດຂອງກຸ່ມດັ່ງກ່າວ ແມ່ນ “ສັງຫານພວກທີ່ຕໍ່ຕ້ານກັບກຸ່ມ Shabab ນັ້ນ.”
ລາຍງານເວົ້າວ່າ ການໂຈມຕີມະຫາວິທະຍາໄລ ເລີ້ມຂຶ້ນຫຼັງຈາກ 5:00 ໂມງເຊົ້າ ດ້ວຍການວາງລະເບີດ ທີ່ທາງເຂົ້າຫາບໍລິເວນ ມະຫາວິທະຍາໄລ ແລະມີລາຍງານວ່າ ພວກ
ນາຍຍາມປະຕູ 2 ຄົນເສຍຊີວິດ.
ສະພາກາແດງເຄັນຢາ ກ່າວວ່າ ພວກທີ່ໄດ້ຮັບບາດເຈັບຈາກລູກປືນສ່ວນຫຼາຍຖືກນຳໄປປິ່ນປົວຢູ່ທີ່ໂຮງໝໍທ້ອງຖິ່ນແຫ່ງໜຶ່ງແລະ 4 ຄົນມີອາການສາຫັດ. ສະພາກາແດງເວົ້າຕື່ມວ່າ ທະຫານ 2 ຄົນ ແລະພົນລະເຮືອນຄົນໜຶ່ງ ໄດ້ຖືກສົ່ງທາງເຮືອ
ບິນໄປຍັງນະຄອນຫຼວງ Nairobi.
ພວກທີ່ເຫັນເຫດການເກີດຂຶ້ນ ກ່າວວ່າ ພວກນັກສຶກສາທີ່ພັກຢູ່
ໃນຫ້ອງພັກໃນບໍລິເວນມະຫາວິທະຍາໄລ ໄດ້ພາກັນຕື່ນຫຼັງຈາກໄດ້ຍິນສຽງປືນຍິງກັນດັງຂຶ້ນ. ນາງ Marcy Chebet ນັກສຶກສາໃນມະຫາວິທະຍາໄລ ກ່າວຕໍ່ວີໂອເອວ່າ ນາງແລະພວກນັກສຶກສາອື່ນໆ ໄດ້ພາກັນຫລົບ ໜີຈາກຫໍພັກ ຂະນະທີ່ພວກມືປືນຫຍັບໃກ້ເຂົ້າມາ. ນາງກ່າວວ່າ “ການໂຈມຕີໄດ້ເລີ້ມຂຶ້ນໃນຫ້ອງຮຽນ ແລະພວກເຮົາກຳລັງນອນຫຼັບຝັນຢູ່ໃນຫໍພັກ ເວລາພວກເຮົາໄດ້ສຽງປືນ ພວກເຮົາກໍຟ້າວພາກັນອອກຈາກຫໍພັກ ແລະແລ່ນໄປກາງເດີ່ນ. ເວລາພວກເຮົາຢູ່ໃນເດີ່ນ ພວກມືປືນໄດ້ເຂົ້າໄປໃນພວກຫໍພັກ ແລະພວກເຂົາໄດ້ຍິງປືນໄປໃສ່ ບ່ອນທີ່ພວກ ນອນຢູ່ຫັ້ນ.”
ທ່ານ Joseph Boinnet ຜູ້ກວດກາທົ່ວໄປຂອງຕຳຫຼວດ ກ່າວຕໍ່ບັນດານັກຂ່າວວ່າ ພວກໂຈມຕີ “ໄດ້ຍິງປືນສາດອອກໄປຢ່າງບໍ່ເລືອກໜ້າ” ຢູ່ໃນບໍລິເວນມະຫາວິທະຍາໄລນັ້ນ.
