ລະເບີດ 2 ລູກໄດ້ແຕກຂຶ້ນທີ່ວັດແຫ່ງນຶ່ງຂອງສາສະໜາອິສລາມນິກາຍຊີໄອໃນ ເຂດຊານເມືອງຂອງນະຄອນຫລວງຊີເຣຍເຮັດໃຫ້ມີຜູ້ເສຍຊີວິດຢ່າງໜ້ອຍ 8 ຄົນແລະອີກ ຈຳນວນນຶ່ງໄດ້ຮັບບາດເຈັບ.
ສື່ມວນຊົນຂອງທາງການຊີເຣຍລາຍງານວ່າ ລະເບີດລູກທຳອິດຜູ້ໂຈມຕີສະຫຼະຊີບ ໄດ້ບີບຄະນວນໃຫ້ແຕກຂຶ້ນ ຢູ່ປະຕູທາງເຂົ້າ ຂອງວັດ Sayyida Zainab ໃນເຂດ ໃຈກາງຂ້ອນຂ້າງໄປທາງໃຕ້ຂອງນະຄອນຫລວງດາມັສກັສ. ສ່ວນລູກທີສອງທີ່ຫ້າງ ໃສ່ລົດໄດ້ແຕກຂຶ້ນ ໃນເຂດທີ່ມີການຍາມ ຮັກສາການ ຢ່າງເຂັ້ມງວດ ຢູ່ທີ່ວັດຊຶ່ງມີ ຄວາມສຳຄັນເປັນຢ່າງຍິ່ງສຳລັບຊາວຊີໄອໃນທົ່ວໂລກ.
ກຸ່ມສິ້ງຊອມສິດທິມະນຸດໃນຊີເຣຍ ທີ່ມີສຳນັກງານຢູ່ອັງກິດ ລາຍງານກ່ຽວກັບຈຳ ນວນຜູ້ເສຍຊີວິດ ທີ່ສູງກວ່າໂຕເລກຂອງເຈົ້າໜ້າທີ່ຊີເຣຍ ໂດຍກ່າວວ່າ ມີຜູ້ເສຍຊີວິດຢ່າງ ໜ້ອຍ 12 ຄົນ ແລະບາດເຈັບອີກຈຳນວນນຶ່ງ.
ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບເທື່ອໃນການໂຈມຕີທັງສອງ ຊຶ່ງມີຂຶ້ນໃນ ບໍລິເວນບ່ອນທີ່ລະເບີດຫລາຍໆລູກ ເຄີຍແຕກມາແລ້ວ ໃນໄລຍະຜ່ານມາ ແລະກໍໄດ້ ອ້າງເອົາຄວາມຮັບຜິດຊອບໂດຍກຸ່ມລັດອິສລາມ.
