ບັນດາເຈົ້າໜ້າທີ່ໄນຈີເຣຍ ໄດ້ໃຊ້ເວລາໃນວັນພະຫັດວານນີ້
ມ້ຽນຊາກສົບຢູ່ພາກຕາເວັນອອກສຽງເໜືອຂອງປະເທດບ່ອນ
ທີ່ພວກຫົວຮຸນແຮງ ອິສລາມ Boko Haram ໄດ້ສັງຫານຢ່າງ
ໜ້ອຍ 87 ຄົນໃນລະຫວ່າງ ການໂຈມຕີ ໃນຕົ້ນອາທິດນີ້.
ພວກກະບົດທີ່ປອມໂຕ ໃສ່ເຄື່ອງແບບທະຫານ ໄດ້ຈູດເຜົາ
ເຮືອນຊານຫລາຍຫລັງແລະຕຶກອາຄານຕ່າງໆ ໃນລະຫວ່າງທີ່
ມີການບຸກໂຈມຕີ ໃນຕອນແລງວັນອັງຄານຜ່ານມາ.
ທ່ານ Saidu Yakuba ແຫ່ງອົງການປົກປ້ອງສິ່ງແວດລ້ອມຢູ່
ໃນລັດ Borno ກ່າວໃນວັນພະຫັດວານນີ້ວ່າ ມາຈົນຮອດເວ
ລານີ້ ມີການພົບເຫັນແລ້ວ 87 ສົບແລະເຈົ້າໜ້າທີ່ຍັງຊອກຫາ
ພວກທີ່ເສຍຊີວິດຕື່ມອີກ. ສ່ວນເຈົ້າໜ້າທີ່ອີກຄົນນຶ່ງ ຂອງອົງ
ການດັ່ງກ່າວເວົ້າວ່າ ໄດ້ມີການພົບ ເຫັນແລ້ວ 143 ສົບ.
ບັນດາເຈົ້າໜ້າທີ່ກ່າວວ່າ ພວກຫົວຮຸນແຮງ Boko Haram
ໄດ້ຕັ້ງດ່ານກວດ ແລະຍິງພວກພົນລະເຮືອນທີ່ພະຍາຍາມ
ຫລົບໜີໄປສູ່ຄວາມປອດໄພ.
ກຸ່ມ Boko Haram ກ່າວວ່າ ຕົນທໍາການຕໍ່ສູ້ ເພື່ອໃຫ້ມີການນຳໃຊ້ ກົດໝາຍອິສລາມທີ່
ເຄັ່ງຄັດ ຢູ່ໃນເຂດພາກເໜືອຂອງໄນຈີເຣຍ ບ່ອນທີ່ປະຊາຊົນສ່ວນໃຫຍ່ນັບຖືສາສະໜາ
ອິສລາມ. ມີການຖິ້ມໂທດໃສ່ວ່າ ກຸ່ມດັ່ງກ່າວນີ້ ເຮັດໃຫ້ຫລາຍພັນຄົນເສຍຊີວິດ ນັບຕັ້ງແຕ່
ໄດ້ເລີ້ມການລຸກຮືຂື້ນຕໍ່ຕ້ານລັດຖະບານ ໃນປີ 2009.
Borno ແມ່ນນຶ່ງໃນຈຳນວນສາມລັດຢູ່ໃນພາກຕາເວັນອອກເໜືອຂອງ ປະເທດ ບ່ອນທີ່
ປະທານາທິບໍດີ Goodluck Jonathan ໄດ້ປະກາດພາວະສຸກເສີນ ແລະສົ່ງທະຫານ
ເພີ້ມເຕີມ ໃນເດືອນພຶດສະພາຜ່ານມາ ເພື່ອ ຕໍ່ສູ້ກັບກຸ່ມຫົວຮຸນແຮງ Boko Haram.
ບັນດາກຸ່ມປົກປ້ອງສິດ ທິມະນຸດໄດ້ຕິຕຽນທະຫານວ່າ ປະຕິບັດງານແບບເຂັ້ມງວດເກີນ
ໄປຊຶ່ງ ເຂົາເຈົ້າກ່າວວ່າ ເຮັດໃຫ້ມີຜູ້ເສຍຊີວິດຫລາຍຮ້ອຍຄົນຕື່ມອີກນັ້ນ.
ມ້ຽນຊາກສົບຢູ່ພາກຕາເວັນອອກສຽງເໜືອຂອງປະເທດບ່ອນ
ທີ່ພວກຫົວຮຸນແຮງ ອິສລາມ Boko Haram ໄດ້ສັງຫານຢ່າງ
ໜ້ອຍ 87 ຄົນໃນລະຫວ່າງ ການໂຈມຕີ ໃນຕົ້ນອາທິດນີ້.
ພວກກະບົດທີ່ປອມໂຕ ໃສ່ເຄື່ອງແບບທະຫານ ໄດ້ຈູດເຜົາ
ເຮືອນຊານຫລາຍຫລັງແລະຕຶກອາຄານຕ່າງໆ ໃນລະຫວ່າງທີ່
ມີການບຸກໂຈມຕີ ໃນຕອນແລງວັນອັງຄານຜ່ານມາ.
ທ່ານ Saidu Yakuba ແຫ່ງອົງການປົກປ້ອງສິ່ງແວດລ້ອມຢູ່
ໃນລັດ Borno ກ່າວໃນວັນພະຫັດວານນີ້ວ່າ ມາຈົນຮອດເວ
ລານີ້ ມີການພົບເຫັນແລ້ວ 87 ສົບແລະເຈົ້າໜ້າທີ່ຍັງຊອກຫາ
ພວກທີ່ເສຍຊີວິດຕື່ມອີກ. ສ່ວນເຈົ້າໜ້າທີ່ອີກຄົນນຶ່ງ ຂອງອົງ
ການດັ່ງກ່າວເວົ້າວ່າ ໄດ້ມີການພົບ ເຫັນແລ້ວ 143 ສົບ.
ບັນດາເຈົ້າໜ້າທີ່ກ່າວວ່າ ພວກຫົວຮຸນແຮງ Boko Haram
ໄດ້ຕັ້ງດ່ານກວດ ແລະຍິງພວກພົນລະເຮືອນທີ່ພະຍາຍາມ
ຫລົບໜີໄປສູ່ຄວາມປອດໄພ.
ກຸ່ມ Boko Haram ກ່າວວ່າ ຕົນທໍາການຕໍ່ສູ້ ເພື່ອໃຫ້ມີການນຳໃຊ້ ກົດໝາຍອິສລາມທີ່
ເຄັ່ງຄັດ ຢູ່ໃນເຂດພາກເໜືອຂອງໄນຈີເຣຍ ບ່ອນທີ່ປະຊາຊົນສ່ວນໃຫຍ່ນັບຖືສາສະໜາ
ອິສລາມ. ມີການຖິ້ມໂທດໃສ່ວ່າ ກຸ່ມດັ່ງກ່າວນີ້ ເຮັດໃຫ້ຫລາຍພັນຄົນເສຍຊີວິດ ນັບຕັ້ງແຕ່
ໄດ້ເລີ້ມການລຸກຮືຂື້ນຕໍ່ຕ້ານລັດຖະບານ ໃນປີ 2009.
Borno ແມ່ນນຶ່ງໃນຈຳນວນສາມລັດຢູ່ໃນພາກຕາເວັນອອກເໜືອຂອງ ປະເທດ ບ່ອນທີ່
ປະທານາທິບໍດີ Goodluck Jonathan ໄດ້ປະກາດພາວະສຸກເສີນ ແລະສົ່ງທະຫານ
ເພີ້ມເຕີມ ໃນເດືອນພຶດສະພາຜ່ານມາ ເພື່ອ ຕໍ່ສູ້ກັບກຸ່ມຫົວຮຸນແຮງ Boko Haram.
ບັນດາກຸ່ມປົກປ້ອງສິດ ທິມະນຸດໄດ້ຕິຕຽນທະຫານວ່າ ປະຕິບັດງານແບບເຂັ້ມງວດເກີນ
ໄປຊຶ່ງ ເຂົາເຈົ້າກ່າວວ່າ ເຮັດໃຫ້ມີຜູ້ເສຍຊີວິດຫລາຍຮ້ອຍຄົນຕື່ມອີກນັ້ນ.