ພາຍຸທີ່ຮ້າຍແຮງຫຼາຍຫົວ ໄດ້ສັງຫານຢ່າງໜ້ອຍ 15 ຄົນ, ອີກຫຼາຍຮ້ອຍຄົນໄດ້ຮັບບາດເຈັບ ແລະປະຮ່ອງຮອຍຂອງຄວາມເສຍຫາຍໄວ້ທົ່ວລັດເທັກຊັສ, ລັດໂອກລາໂຮມາ ແລະລັດອາແຄນຊໍ ອີງຕາມລາຍງານຂອງອົງການຂ່າວເອພີ.
ພາຍຸຫຼາຍຫົວເຫລົ່ານີ້ ໄດ້ພັດເຮັດໃຫ້ບ້ານເຮືອນຫຼາຍຫຼັງພັງພິນາດ ແລະໄດ້ທຳລາຍສະຖານທີ່ຈອດພັກຂອງລົດບັນທຸກແຫ່ງນຶ່ງ ທີ່ພວກຄົນຂັບລົດພາກັນໄປຫລົບໄພ ໃນລະຫວ່າງສະພາບອາກາດທີ່ຮ້າຍແຮງຄັ້ງຫຼ້າສຸດທີ່ໄດ້ກະທົບຕໍ່ພາກກາງຂອງສະຫະລັດ.
ມີລາຍງານຜູ້ເສຍຊີວິດ 7 ຄົນ ຢູ່ໃນ ຄຸກ ເຄົາຕີ (Cooke County) ຂອງລັດເທັກຊັສ, ເຊິ່ງຢູ່ໃກ້ຊາຍແດນກັບລັດໂອກລາໂຮມາ ບ່ອນທີ່ພາຍຸທໍເນໂດ ໄດ້ພັດຜ່ານບໍລິເວນຊານເມືອງໃກ້ກັບສະຖານທີ່ຈອດບ້ານເຄື່ອນທີ່ ໃນຄືນວັນເສົາຜ່ານມານີ້.
ພາຍຸຫຼາຍຫົວ ຍັງໄດ້ສ້າງຄວາມເສຍຫາຍໃນລັດໂອກລາໂຮມາ ບ່ອນທີ່ບັນດາແຂກທີ່ຖືກຮັບເຊີນ ໃນງານແຕ່ງດອງກາງແຈ້ງ ໄດ້ຮັບບາດເຈັບຫຼາຍຄົນ.
ພົນລະເມືອງຫຼາຍສິບພັນຄົນ ບໍ່ມີໄຟຟ້າໃຊ້ໃນທົ່ວຂົງເຂດດັ່ງກ່າວ.
Powerful storms have killed at least 15 people, injured hundreds and left a wide trail of destruction across Texas, Oklahoma and Arkansas.
The storms obliterated homes and destroyed a truck stop where drivers took shelter during the latest deadly weather to strike the central U.S.
Seven deaths were reported in Cooke County, Texas, near the Oklahoma border, where a tornado Saturday night plowed through a rural area near a mobile home park.
Storms also caused damage in Oklahoma, where guests at an outdoor wedding were injured. Tens of thousands of residents were without power across the region.
ຟໍຣັມສະແດງຄວາມຄິດເຫັນ