ທີ່ປະເທດຈີນນັ້ນ ມີ 44 ຄົນເສຍຊີວິດ ແລະ 11 ຄົນໄດ້ຮັບ
ບາດເຈັບ ໃນວັນເສົາວານນີ້ ເວລາລົດເມນຳທ່ຽວຄັນນຶ່ງ
ຕຳກັນກັບລົດ 2 ຄັນ ແລ້ວຕົກລົງໜ້າຜາ ຈາກທາງຫລວງ
ສາຍນຶ່ງ ໃນເຂດທິເບດ.
ອົງການຂ່າວຊິນຫົວຂອງທາງການຈີນ ກ່າວໃນວັນອາທິດມື້ນີ້
ວ່າ ອຸບັດເຫດລົດ 3 ຄັນຕຳກັນນັ້ນ ເກີດຂຶ້ນເມື່ອຕອນບ່າຍ
ວັນເສົາວານນີ້ ຢູ່ໃນ ພາກໃຕ້ຂອງເຂດທິເບດ ທີ່ເປັນພູເປັນ
ຜານັ້ນ.
ຊິນຫົວກ່າວອີກວ່າ ລົດເມຄັນນັ້ນບັນທຸກຜູ້ໂດຍສານ 50 ຄົນ
ສ່ວນຫຼາຍແມ່ນນັກທ່ອງທ່ຽວ ຈາກ 4 ແຂວງຂອງຈີນ. ສ່ວນລົດຄັນອື່ນໆນັ້ນ ແມ່ນລົດ
ກິລາສາລະປະໂຍດ ຫຼື SUV ທີ່ມີ 4 ຄົນ ຢູ່ໃນລົດ ແລະ ລົດກະບະ ທີ່ມີແຕ່ຄົນຂັບພຽງ
ຄົນດຽວ. ອາການຂອງພວກເຂົາເຈົ້າຍັງບໍ່ຈະແຈ້ງເທື່ອ.
ອົງການຂ່າວຊິນຫົວ ເວົ້າວ່າ ຕຳຫລວດໄດ້ກັກຕົວບັນດາຜູ້ຈັດການ ບໍລິສັດທ່ອງທ່ຽວ
Feixing ແລະບໍລິສັດລົດທົວ Shengdi ໄວ້ ໃນຂະນະທີ່ລໍຖ້າການສືບສວນສອບສວນ.
