ພວກພະນັກງານຮັບມືກັບເຫດການສຸກເສີນ ໄດ້ກູ້ເອົາຊາກສົບຢ່າງໜ້ອຍ 25 ຄົນ ໃນວັນຈັນວານນີ້ ຫຼັງຈາກເຮືອໂດຍສານຂ້າມຟາກຫຼົ້ມ ໃນບັງກລາແດັສ.
ທ່ານມັສແຕງ ບິລລາ ຜູ້ປົກຄອງເຂດນາຣາຢານການ ກ່າວວ່າ “ສ່ວນໃຫ່ຍ ຂອງຊາກສົບ
ໄດ້ພົບເຫັນຢູ່ໃນເຮືອທີ່ຫຼົ້ມ ຫຼັງຈາກໄດ້ແກ່ເຂົ້າມາຕະຝັ່ງ.”
ເຮືອຂ້າມຟາກສອງຊັ້ນ ບັນທຸກຜູ້ໂດຍສານຫຼາຍກວ່າ 50 ຄົນ ໄດ້ຖືກກໍາປັ່ນຂົນສົ່ງຕຳ ແລະຫຼົ້ມລົງທັນທີຢູ່ແມ່ນໍ້າຊີຕາລັກຊີຢາ ໃກ້ກັບນະຄອນຫຼວງດາກາ.
ເຮືອເຕັມໄປດ້ວຍຄົນຟ້າວອອກເດີນທາງຈາກເມືອງດັ່ງກ່າວ ຫຼັງຈາກໄດ້ມີການປະກາດວ່າ
ຈະເລີ້ມປິເມືອງ ເປັນເວລາດົນເຖິງນຶ່ງອາທິດ ໃນວັນຈັນວານນີ້ ເພື່ອຮັບມືກັບການເພີ້ມຂຶ້ນ
ຂອງກໍລະນີໂຄວິດ-19 ຫວ່າງມໍ່ໆມານີ້. ໃນວັນອາທິດທີ່ຜ່ານມານີ້ ບັງກລາແດັສໄດ້ລາຍ
ງານການຕິດເຊື້ອໄວຣັສປະຈຳ ວັນທີ່ໂດດຂຶ້ນສູງເຖິງ 7,087 ຄົນ ຊຶ່ງພາໃຫ້ມີຜູ້ຕິດເຊື້ອ
ໄວຣັສໂຄໂຣນາ ທັງ ໝົດເປັນ 644,439 ຄົນ ພ້ອມການເສຍຊີວິດ9,318 ຄົນ ອີງຕາມ
ມະຫາວິ ທະຍາໄລຈອນສ໌ ຮັອຟກິນສ໌.
ຜູ້ຄົນແມ່ນກາງຕໍ່ເຮືອຂ້າມນໍ້າ ເປັນພາຫານະ ຢູ່ໃນບັງກລາແດັສ ຊຶ່ງເປັນປະ ເທດທີ່ເຕັມ
ໄປດ້ວຍແມ່ນໍ້າຫຼາຍຮ້ອຍສາຍ. ອຸປະຕິເຫດມັກເກີດຂຶ້ນ ຍ້ອນເຮືອ ບັນຈຸຄົນແອອັດເກີນ
ຂອບເຂດ ການຮັກສາເຮືອກໍບໍ່ດີ ແລະມາດຕະການຮັກສາຄວາມປອດໄພກໍບໍ່ມີ.
