ຈຳນວນຜູ້ເສຍຊີວິດຍ້ອນພາຍຸ Cyclone ຮ້າຍແຮງ ທີ່ພັດເຂົ້າ
ຖະຫລົ່ມປະເທດເກາະດອນ Fiji ໃນເຂດມະຫາສະມຸດປາຊິຟິກ
ຕອນໃຕ້ ໃນມື້ວັນເສົາຜ່ານມານີ້ ໄດ້ເພີ້ມຂື້ນເຖິງ 29 ຄົນ ໃນ
ຂະນະທີ່ພວກເຈົ້າໜ້າທີ່ ຈັດສົ່ງການຊ່ວຍເຫລືອ ຢ່າງຮີບຮ້ອນ
ໄປໃຫ້ບັນດາຜູ້ລອດຊີວິດມາໄດ້.
ພາບຖ່າຍທາງອາກາດຂອງເກາະ Fiji ຫລັງຈາກການພັດເຂົ້າ
ຖະຫລົ່ມ ຂອງພາຍຸ Cyclone Winston ສະແດງໃຫ້ເຫັນຮູບ
ພາບຄວາມເສຍຫາຍທີ່ຮ້າຍແຮງ ຄືສະຖານທີ່ແຫ່ງໜຶ່ງທີ່ເຕັມ
ໄປດ້ວຍເຮືອນຊານ ຫຼັງຈາກພາຍຸພັດຖະຫຼົ່ມ ແລ້ວ ໄດ້ເຫັນແຕ່
ຊາກເພພັງ ນໍ້າຖ້ວມຖະໜົນຫົນທາງ ຕົ້ນໄມ້ໂຄ່ນແລະຊາກຫັກ
ພັງຢັ່ງຢາຍກັນຢູ່ຢ່າງກະຈັດກະຈາຍ. ພາຍຸຍັງໄດ້ເຮັດໃຫ້ເສົາໄຟຟ້າຫັກຢູ່ ທົ່ວເກາະດອນ
ດັ່ງກ່າວ ປ່ອຍໃຫ້ພວກຊາວບ້ານ ໃນບ່ອນໂດດດ່ຽວຂອງເກາະ Fiji ຖືກຕັດຂາດຈາກທາງດ້ານໂທລະຄົມມະນາຄົມ.
ໂຄສົກລັດຖະບານ ທ່ານ Ewan Perrin ກ່າວວ່າ ເກາະ Koro ໄດ້ຢູ່ໃນສະພາບທີ່ໄດ້
ຮັບຄວາມເສຍຫາຍ “ຮາບເປັນໜ້າກອງ.”
ພາຍຸທີ່ມີຄວາມແຮງປະເພດຫ້າ ໄດ້ພັດຂຶ້ນຝັ່ງທີ່ Viti Levu ຂອງເກາະໃຫຍ່ Fiji ໂດຍ
ນຳເອົາລົມແຮງເຖິງ 300 ກິໂລແມັດຕໍ່ຊົວໂມງມາພ້ອມ ເຮັດໃຫ້ພາ ຍຸດັ່ງກ່າວ ເປັນພາຍຸ
Cyclone ໃຫຍ່ສຸດ ເທົ່າທີ່ເຄີຍບັນທຶກໄວ້ ຢູ່ໃນຊິກໂລກໃຕ້.
ພວກເຈົ້າໜ໊າທີ່ໄດ້ຍົກເລີກ ການຫ້າມອອກນອກເຮືອນ ໃນວັນຈັນວານນີ້ ແຕ່ວ່າ ເກາະ
Fiji ຍັງສືບຕໍ່ຢູ່ພາຍໃຕ້ ພາວະສຸກເສີນຍ້ອນໄພທຳມະຊາດເປັນເວ ລານຶ່ງເດືອນ ແລະ
ບັນດາໂຮງຮຽນຈະປິດຈົນຮອດວັນຈັນໜ້າ. ປະຊາຊົນຫຼາຍ ພັນຄົນ ຍັງພາກັນອາໄສຢູ່
ຕາມສູນຫລົບໄພຕ່າງໆ ທີ່ໄດ້ຈັດຕັ້ງຢູ່ທົ່ວ 300 ໝູ່ເກາະ.
ພາຍຸ Cyclone ໄດ້ເປັນຜົນກະທົບຢ່າງໜັກ ໃຫ້ແກ່ບ່ອນທ່ອງທ່ຽວທີ່ຜູ້ຄົນນິ ຍົມ ໃນ
ເຂດ Viti Levu ຕາເວັນຕົກຕັ້ງຢູ່ໃກ້ກັບຈຸດໃຈກາງທີ່ພາຍຸ Cyclone ພັດຖະຫຼົ່ມ. ສາຍການບິນທ້ອງຖິ່ນ ແລະສາກົນ ທີ່ໄດ້ຍົກເລີກກ່ອນໜ້າພາຍຸ ໄປເຖິງນັ້ນ ໄດ້ເລິ້ມໃຫ້ບໍລິ
ການຄືນແລ້ວ ໂດຍນຳເອົາບັນດານັກທ່ອງທ່ຽວອອກໄປຈາກເກາະດອນທີ່ໄດ້ຮັບຄວາມ
ເສຍຫາຍ.
New Zealand ໄດ້ສົ່ງເຮືອບິນທະຫານ ໄປ Fiji ເພື່ອສັ່ງຊາເບິ່ງຄວາມເສຍຫາຍ ໃນເຂດ
ປະຊາຄົມ ທີ່ຫ່າງໄກສອກຫລີກ ແລະນຳເອົາປັດໄຈບັນເທົາທຸກຕ່າງໆໄປໃຫ້.
