17 ຄົນ ເສຍຊີວິດ ໃນເຫດຕຶກ 12 ຊັ້ນ ພັງລົງ ໃນປະເທດ Tanzania (ວີດິໂອ/ວີດິໂອ)

ທາງ​ການ Tanzania ​ເວົ້າ​ວ່າ ຈໍານວນ​ຜູ້​ເສຍ​ຊີວິດ​ ​ໃນ​ເຫດ​ຕຶກພັງ​ລົງ​ໃນ ນະ​ຄອນ​ Dar es Salaam ໄດ້​ເພີ່ມ​ຂຶ້ນ​ເປັນ 17 ຄົນ​ແລ້ວ ​ໃນ​ຂະນະ​ທີ່​ການ​ ກູ້​ໄພ​ໄດ້​ດໍາ​ເນີນ​ໄປ ຈົນ​ຮອດ​ວັນ​ເສົາ​ວານ​ນີ້ ​ເພື່ອ​ຄົ້ນ​ຫາ​ຜູ້​ທີ່​ຍັງ​ຫາຍ​ສາບ​ສູນ ອີກຫຼາຍສິບ​ຄົນ.

ຕຶກ​ດັ່ງກ່າວ ​ທີ່ສູງຫຼາຍກວ່າ 12 ຊັ້ນ ກໍາລັງ​ຢູ່​ໃນ​ຂັ້ນ​ກໍ່ສ້າງ​ບັ້ນ​ສຸດທ້າຍ ​ເວລາ​ຕຶກ​ພັງ​ລົງ​ເມື່ອ​ວັນ​ສຸກ​ຕອນ​ເຊົ້າ ຢູ່​ໃກ້​ເດີນຫຼິ້ນ​ແຫ່ງ​ນຶ່ງ.

​ໂຄສົກລັດຖະບານ​ທ່ານ​ນຶ່ງ​ເວົ້າ​ວ່າ ຢ່າງ​ໜ້ອຍ 18 ຄົນ ຖືກ​ຊ່ວຍ​ຊີວິດ​ອອກ​ມາ​ຈາກ​ຊາກຫັກ​ເພ​ພັງ ​ແລະ​ຂະນະ​ນີ້ ກໍາລັງມີ​ການ​ສືບສວນ​ສອບ​ສວນ ​ຫາສາ​ເຫດ​ທີ່​ເຮັດ​ໃຫ້​ຕຶກ​ດັ່ງກ່າວ​ພັງ​ລົງ​ມາ​ນັ້ນ​ຢູ່.

ຕຶກ​ພັງ ​ແມ່ນ​ເປັນ​ເລຶ່ອງທີ່​ຂ້ອນ​ຂ້າງ​ປົກກະຕິ​ຢູ່​ໃນ​ບາງ​ປະ​ເທດໃນຂົງ​ເຂດ​ອາ​ຟຣິກາ ຊຶ່ງ​
ສາ​ເຫດສ່ວນ​ໃຫຍ່ ແມ່ນ​ຍ້ອນມາດຕະຖານ​ການ​ກໍ່ສ້າງຕໍ່າ.

(ເບິ່ງວີດີໂອ)