ນັກບິນອະວະກາດຂອງສະຫະລັດຄົນນຶ່ງ ແລະຂອງຣັດເຊຍຄົນນຶ່ງ ມີຄວາມປອດໄພ
ພາຍຫລັງທີ່ໄດ້ມີການກັບຄືນສູ່ໂລກແບບສຸກເສີນ ບໍ່ເທົ່າໃດນາທີຫລັງຈາກມີການ
ສົ່ງຍານອະວະກາດ ທີ່ຄິດວ່າຈະເດີນທາງໄປສູ່ສະຖານີອະວະກາດສາກົນ.
ອົງການຄຸ້ມຄອງການບິນ ແລະອະວະກາດ ແຫ່ງຊາດສະຫະລັດ ຫລື NASA ກ່າວວ່າ
ຈະຫຼວດສົ່ງຍານອະວະກາດໂຊຢຸດ (Soyuz) ໄດ້ປະສົບບັນຫາພາຍຫລັງທີ່ມັນໄດ້ທະ
ຍານຂຶ້ນຈາກຖານຍິງອະວະກາດສະໄໝໂຊຫວຽດ ໃນເມືອງ ໄບໂຄເນີ ຂອງກາຊັກສະ
ຖານ ໃນວັນພະຫັດວານນີ້.
ທ່ານເຄນນີ ທອດ (Kenny Todd) ຜູ້ຈັດການຮ່ວມ ໃນການປະຕິບັດງານຂອງສະຖານີ
ອະວະກາດສາກົນ ກ່າວຕໍ່ພວກນັກຂ່າວວ່າ "ຢູ່ໃນຈຸດນັ້ນ, ອີງ ຕາມຂັ້ນຕອນແບບມາດ
ຕະຖານແລ້ວ, ຕ້ອງມີການຍົກເລີກ.”
"ຫົວໃຈຂ້ອຍເຕັ້ນແຮງ" ນັ້ນຄືຄຳເວົ້າຂອງທ່ານ ໄຣດ໌ ໄວສ໌ແມນ ທີ່ກ່າວໃນຂະນະທີ່ທ່ານ
ໄດ້ຍິນສຽງທີ່ສັນຍານໃຫ້ຮູ້ວ່າ ຈະຫຼວດໄດ້ປະສົບບັນຫາ ໃນເວລາທີ່ມີການສົ່ງຍານອະ
ວະກາດຂອງເພື່ອນຮ່ວມງານ ຂອງລາວ ຂຶ້ນໄປ.
ມັນເປັນການຫລົ້ມແຫລວ ຄັ້ງຫລ້າສຸດ ໃນຫລາຍໆຄັ້ງເມື່ອມໍ່ໆມານີ້ສຳລັບໂຄງການອະ
ວະກາດຂອງຣັດເຊຍ ທີ່ໄດ້ນຳເອົາ ພວກນັກບິນອະວະກາດອາເມຣິກັນ ຫລາຍຄົນ ຂຶ້ນ
ໄປສະຖານີອະວະກາດແຫ່ງນັ້ນ ເຊັ່ນກັນ.
ພວກເຈົ້າໜ້າທີ່ຣັດເຊຍເວົ້າວ່າ ພວກເຂົາເຈົ້າກຳລັງສອບສວນເບິ່ງເຫດການດັ່ງກ່າວນັ້ນ
ຊຶ່ງໄດ້ກ່າວເພີ້ມອີກວ່າ ການບິນຂອງຍານອະວະກາດທີ່ຄົນເຮັດຂຶ້ນມາ ທຸກອັນຕ້ອງໄດ້
ຍຸຕິໄວ້ກ່ອນ ຈົນກວ່າພວກນັກສອບສວນຈະຄົ້ນພົບວ່າ ມີຫຍັງເຮັດໃຫ້ມີການຜິດພາດດັ່ງ
ກ່າວນັ້ນ.
ແຕ່ວ່າ ທ່ານ ດມິດເຕີ ໂຣໂກຊິນ (Dmityr Rogozin), ຫົວໜ້າອົງການອະວະກາດຣົສ
ກົສມົສ (ROSCOSMOS) ຂອງຣັດເຊຍ ກ່າວໃນວັນສຸກມື້ນີ້ວ່າ ພວກນັກບິນອະວະ
ກາດ ຈະມີໂອກາດເດີນທາງໄປຍັງສະຖານີດັ່ງກ່າວ ອີກຄັ້ງນຶ່ງ ໃນຊ່ວງເວລາໃດນຶ່ງ ຢູ່
ໃນເຄິ່ງປີທຳອິດ ຂອງປີໜ້ານີ້.
ພວກເຈົ້າໜ້າທີ່ເວົ້າອີກວ່າ ນັກບິນອະວະກາດນິກ ເຮກ (Nick Hague) ແລະ ທ່ານ
ອາເລັກໄຊ ອົຟຈິນນິນ (Alexei Ovchinin) ຈາກອົງການອະວະກາດ ຣົສກົສມົສ
(Roscosmos) ໄດ້ປະສົບກັບແຮງດຶງດູດຂອງໜ່ວຍໂລກ ລະຫວ່າງ 6 ຫາ 7 ເທື່ອ,
ຕິດຕາມມາດ້ວຍຄວາມຮູ້ສຶກວ່າ ບໍ່ມີນ້ຳໜັກເລີຍໃນຊົ່ວວູບນຶ່ງ ໃນຂະນະທີ່ພວກ
ເຂົາເຈົ້າໄດ້ແຍກອອກໄປ ຈາກຈະຫຼວດສົ່ງຍານອະວະກາດ ກ່ອນຈະຕົກລົງມາສູ່
ໜ້າດິນ.
ພວກນັກກູ້ໄພພາກັນຟ້າວໄປຫາພວກນັກບິນດັ່ງກ່າວ ພາຍຫລັງທີ່ພວກເຂົາເຈົ້າ
ພາກັນລົງຈອດຢູ່ກາຊັກສະຖານ ແລະທັງສອງຄົນກໍຢູ່ໃນສະພາບທີ່ດີ. ດຽວນີ້
ພວກເຂົາເຈົ້າກໍໄດ້ໄປຫາຄອບຄົວ ຂອງພວກເຂົາເຈົ້າແລ້ວ.
