ປະທານາທິບໍດີຊີເຣຍ ທ່ານ Bashar al-Assad ໄດ້ກ່າວວ່າ ລັດຖະບານຂອງທ່ານ ໄດ້ຮັບຂໍ້ມູນກ່ຽວກັບການໂຈມຕີທາງອາກາດທີ່ນຳພາໂດຍສະຫະລັດ ຕໍ່ພວກຫົວຮຸນແຮງຂອງກຸ່ມລັດອີສລາມ ໃນຊີເຣຍ ແຕ່ທ່ານໄດ້ເນັ້ນວ່າ ມັນບໍ່ແມ່ນການປະກອບສວນໂດຍຕົງ.
ທ່ານ Assad ໄດ້ບອກກັບ BBC ໃນ Damascus ວ່າ ໄດ້ມີການແລກປ່ຽນຂໍ້ມູນ ຜ່ານທາງກຸ່ມທີ 3 ເຊັ່ນ: ອີຣັກ ແຕວ່າ ມັນບໍ່ໄດ້ຮວມນຳ ຂໍ້ມູນການວາງແຜນຍຸດທະສາດ ແຕ່ຢ່າງໃດ.
ປະທານາທິບໍດີ ໄດ້ກ່າວວ່າ ຊີເຣຍ ຈະບໍ່ປະກອບສ່ວນ ປະສານງານກັບ ສະຫະລັດ.
ທ່ານກ່າວວ່າ “ບໍ່, ແນ່ນອນ ພວກເຮົາຈະບໍ່ເຂົາຮ່ວມ ແລະພວກເຮົາກໍບໍ່ມີຄວາມປະສົງແບບນັ້ນ ແລະພວກເຮົາກໍບໍ່ຕ້ອງການແບບນັ້ນ ດ້ວຍເຫດຜົນຢ່າງດຽວກໍຄື ເພາະວ່າ ພວກເຮົາບໍ່ສາມາດເປັນ ເຂົ້າຮ່ວມກັບປະເທດທີ່ໃຫ້ການສະໜັບສະໜຸນ ຕໍ່ກຸ່ມກໍ່ການຮ້າຍ.”
ລັດຖະບານຊີເຣຍ ໄດ້ອະທິບາຍເຖິງກອງກຳລັງທີ່ເປັນປໍລະປັກຕໍ່ທ່ານ Assad ນັ້ນແມ່ນ
ເປັນ “ພວກກໍ່ການຮ້າຍ” ຄຽງຂ້າງກັບກຸ່ມ ຕົວຢ່າງເຊັ່ນກຸ່ມລັດອີສລາມ ແລະກຸ່ມແນວໜ້າ Nusra ຫຼື Nusra Front ທີ່ພົວພັນກັບກຸ່ມກໍ່ການຮ້າຍ al-Qaida. ປະທານາທິບໍດີ Assad ໄດ້ກ່າວວ່າ ບັນດາປະເທດທີ່ປະສານງານຮວ່ມນັ້ນ ແມ່ນສົ່ງເສີມ ສະໜັບສະໜຸນ ພວກກໍ່ການຮ້າຍ.
