ລິ້ງ ສຳຫລັບເຂົ້າຫາ

logo-print

ຕະຫຼາດຮຸ້ນ ໃນເຂດເອເຊຍ ມີລາຄາທັງຂຶ້ນແລະລົງ ໃນຊ່ວງເລີ້ມຕົ້ນ ການຊື້ຂາຍ ໃນວັນພະຫັດ


ຊາຍຜູ້ນຶ່ງ ຍ່າງຜ່ານແຜ່ນປ້າຍອີເລັກໂທຣນິກ ທີ່ສະແດງໃຫ້ເຫັນລາຄາຂອງ 225 ຮຸ້ນ ຂອງດັດຊະນີຮຸ້ນ ນິກເກອິ ຂອງຍີ່ປຸ່ນ ແລະດັດຊະນີຮຸ້ນຂອງ Dow ໃນນິວຢອກ ຢູ່ຕະຫຼາດຫຼັກຊັບຂອງໂຕກຽວ, ເມື່ອວັນສຸກ ທີ 27 ມີນາ 2020.

ຕະຫຼາດຮຸ້ນໃນເອເຊຍ ມີລາຄາທັງຂຶ້ນທັງລົງ ໃນຕອນປິດຕະຫລາດ ໃນວັນພະຫັດມື້ນີ້
ໃນຂະນະທີ່ ພວກນັກລົງທຶນ ໄດ້ກຽມຮັບມືກັບຕົວເລກການຫວ່າງງານຫຼ້າສຸດ ຈາກ
ສະຫະລັດ ຊຶ່ງຄາດກັນວ່າ ຈະເປັນຕົວເລກທີ່ສູງເປັນປະຫວັດການ ຍ້ອນການລະບາດ
ຂອງໄວຣັສໂຄໂຣນາໃນທົ່ວໂລກ.

ຕະຫຼາດຮຸ້ນ ນິເກອິ ໃນຍີ່ປຸ່ນ ໄດ້ຕົກລາຄາສະເລ່ຍ 1.3 ເປີເຊັນ ໃນຕອນທ້າຍຂອງ
ການຊື້ຂາຍໃນມື້ນີ້ ໃນຂະນະດຽວກັນ ດັດຊະນີຮຸ້ນ S&P/ASX ຂອງອອສເຕຣເລຍ
ກໍໄດ້ຕົກລາຄາສະເລ່ຍເກືອບ 2 ເປີເຊັນ. ຂ່າວຄາວຈາກຕະຫຼາດຮຸ້ນ ຂອງໂຊລ ຊຽງໄຮ້
ແລະຮົງກົງກໍດີຂຶ້ນ ຊຶ່ງມີລາຄາສູງຂຶ້ນສະເລ່ຍ ແລ້ວ 2.3 1.6 ແລະ 0.5 ເປີເຊັນ
ຕາມລຳດັບ.

ສ່ວນຢູ່ໃນທົ່ວໂລກ ໃນທະວີບຢູໂຣບ ຕະຫຼາດຮຸ້ນ FTSE ຂອງອັງກິດ ຕະຫຼາດຮຸ້ນ
CAC-40 ໃນປາຣີ ແລະດັດຊະນີຮຸ້ນ DAX ຂອງເຢຍຣະມັນ ຕ່າງກໍມີລາຄາສູງຂຶ້ນ
ໃນລະຫວ່າງຕອນເຊົ້າຂອງການຊື້ຂາຍ. ຮຸ້ນໃນອະນາຄົດຂອງສະຫະລັດ ແມ່ນຍັງຢູ່
ໃນຂົງເຂດທີ່ມີທ່າບວກ ໃນຕອນເຊົ້າວັນພະຫັດມື້ນີ້ ໂດຍທີ່ດັດຊະນີຮຸ້ນ Dow Jones,
S&P 500 ແລະ Nasdaq ທັງໝົດນີ້ ແມ່ນຊື້ຂາຍກັນ ຫຼື ລະດັບສະເລ່ຍເກືອບ 2
ເປີເຊັນ. ພວກນັກລົງທຶນປາກົດວ່າ ບໍ່ສົນໃຈເລີຍນຳການສູນເສຍຂະໜາດໃຫຍ່ ຂອງ
ມື້ວັນພຸດວານນີ້ ຢູ່ທີ່ຕະຫຼາດຮຸ້ນ Wall Street ບ່ອນທີ່ດັດຊະນີທັງສາມທີ່ກ່າວໄປນັ້ນ
ໄດ້ຕົກລາ ຄາຫຼາຍເກີນກວ່າ 4 ເປີເຊັນ.

ບັນດານັກວິເຄາະດ້ານການເງິນທັງຫຼາຍ ຄາດໝາຍວ່າ ການຢື່ນເອກະສານຂໍເງິນ
ຫວ່າງງານ ໃນວັນພະຫັດມື້ນີ້ ຈະພຸ່ງສູງຂຶ້ນເກີນຕົວເລກ ທີ່ເປັນປະຫວັດການໃນອາທິດ
ແລ້ວນີ້ ຊຶ່ງສະແດງໃຫ້ເຫັນວ່າ ມີປະຊາຊົນ 3 ລ້ານ 3 ແສນຄົນ ໄດ້ຍື່ນເອກະສານຂໍ ການຊ່ອຍເຫຼືອ ຈາກການຫວ່າງງານ.

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG