ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ຕະຫຼາດຮຸ້ນເອເຊຍ ເລີ້ມຕົ້ນເດືອນເມສາ ດ້ວຍການຕົກລາຄາ ຍ້ອນຍັງມີການລະບາດ ຂອງໂຄວິດ-19 ຢູ່


ນັກລົງທຶນກຳລັງສັງເກດເບິ່ງລາຄາການຊື້ຂາຍຮຸ້ນ ທີ່ປັກກິ່ງ ວັນທີ 16 ມັງກອນ 2020.
ນັກລົງທຶນກຳລັງສັງເກດເບິ່ງລາຄາການຊື້ຂາຍຮຸ້ນ ທີ່ປັກກິ່ງ ວັນທີ 16 ມັງກອນ 2020.

ຕະຫຼາດຮຸ້ນສ່ວນໃຫຍ່ໃນເອເຊຍ ຕົກລາຄາ ໃນວັນພຸດມື້ນີ້ວ່າ ຍ້ອນໄດ້ຮັບຂ່າວ ທີ່ບໍ່ດີ
ເນື່ອງຈາກການແຜ່ລະບາດຂອງໄວຣັສໂຄໂຣນາ ຍັງດໍາເນີນຢູ່ຕໍ່ໄປ.

ດັດຊະນີຮຸ້ນ Nikkei ຂອງຍີ່ປຸ່ນ ຕົກລາຄາ 850 ຈຸດ ຫຼື 4.5 ເປີເຊັນໃນຕອນ ປິດຕະຫຼາດ
ໃນຂະນະທີ່ນັກລົງທຶນໄດ້ມີຄວາມເປັນຫ່ວງ ກັບການເພີ້ມຈຳນວນ ຂຶ້ນໃນການຕິດແປດຂອງ COVID-19 ຢູ່ໃນປະເທດ ທີ່ຈະບັງຄັບໃຫ້ ລັດຖະ ບານປິດນະຄອນຫຼວງໂຕກຽວ.

ສຳລັບແຫ່ງອື່ນໆໃນເອເຊຍນັ້ນ ດັດຊະນີຮຸ້ນ Hang Seng ໃນຮົງກົງ ຕົກລາ ຄາຫຼາຍ
ກວ່າ 2.5 ເປີເຊັນ ໃນຕອນທ່ຽງວັນພຸດມື້ນີ້ ໃນຂະນະທີ່ດັດຊະນີຮຸ້ນ Shanghai ຢູ່ຈີນ
ແຜ່ນດີນໃຫຍ່ ຕົກລາຄາຫຼາຍກວ່າເຄິ່ງເປີເຊັນ.

ສ່ຍນດັດຊະນີຮຸ້ນ S&P/ASX ຂອງອອສເຕຣເລຍ ແມ່ນດັດຊະນີຮຸ້ນດຽວໃນຂົງເຂດ ທີ່
ມີລາຄາສູງຂຶ້ນ 3.5 ເປີເຊັນ ໃນມື້ນີ້.

ມື້ທີ່ບໍ່ດີຢູ່ໃນເອເຊຍ ໄດ້ລາມມາຈາກການຕົກລາຄາໃນວັນອັງຄານວານນີ້ຢູ່ຕະຫຼາດຮຸ້ນ
Wall Street ຊຶ່ງດັດຊະນີຮຸ້ນ Dow Jones S&P 500 ແລະ Nasdaq ຕ່າງກໍໄດ້ມີລາ
ຄາຫລຸດລົງນຶ່ງເປີເຊັນ ຫຼືຫຼາຍກວ່ານັ້ນ. ການຕົກລາ ຄາເຫຼົ່ານີ້ ໄດ້ພາໃຫ້ມີການສິ້ນສຸດ
ລົງທີ່ຂີ້ຮ້າຍຂອງໄລຍະສາມເດືອນ ນັບແຕ່ປີ 1987 ເປັນຕົ້ນມາ ທີ່ມີການຕົກລາຄາ 23
ເປີເຊັນຂອງມູນຄ່າ ໃນລະຫວ່ງນຶ່ງ ໄຕມາດ. ດັດຊະນີຮຸ້ນ S&P ຕົກລາຄາກວ່າ 20 ເປີ
ເຊັນ ໃນໄລຍະໄຕມາດ

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG