ລິ້ງ ສຳຫລັບເຂົ້າຫາ

ໂຣກອ້ວນພີຢູ່ໃນແຕ່ລະເຂດຂອງເອເຊຍ ມີຄວາມສ່ຽງຕໍ່ ການເສຍຊີວິດຕ່າງກັນ

  • Art Chimes
  • ວັນນະສອນ ແກ້ວດາຣາ

ຄົນເຈັບໄປເຂົ້າຮັບການປິ່ນປົວທີ່ໂຮງໝໍຊ່ວຍລົດນໍ້າໜັກແຫ່ງນຶ່ງ ທີ່ເມືອງ Tianjin ປະເທດຈີນ ເພື່ອຊ່ວຍຫລຸດຄວາມສ່ຽງຕໍ່ການເສຍຊີວິດ ຍ້ອນໂຣກອ້ວນພີຈົນເກີນໄປ ທີ່ເພີ້ມຫລາຍຂຶ້ນນັບມື້.

ການຄົ້ນຄວ້າທີ່​​ມີຫຼາຍກວ່າ 1 ລ້ານ 1 ​ແສນຄົນ​ເຂົ້າຮ່ວມໃນຫົກປະເທດໃນເອເຊຍພົບວ່າ ພວກ​ເຂົາເຈົ້າມີ​ທາງຈະເສຍຊີວິດ ​ໃນ​ຕອນ​ທີ່​ເຂົາ​ເຈົ້າມີນໍ້າໜັກເກີນຫຼືອ້ວນພີເກີນ​ໄປນັ້ນໄວ ​ກ່ວາ​ຕອນ​ທີ່ພວກເຂົາມີນໍ້າໜັກຢູ່ໃນ​ເກນປົກກະຕິ. ແລະອິງຕາມລາຍ​ງານຈາກນາຍ Art Chimes ຜູ້​ສື່ຂ່າວສຸຂະພາບຂອງ​ວີ​ໂອ​ເອນັ້ນ ການຄົ້ນຄວ້າດັ່ງກ່າວ​ຍັງ​ໄດ້​ເນ້ນຄວາມແຕກ ຕ່າງກັນລະຫວ່າງຊາວເອເຊຍໃຕ້ ແລະຊາວເອເຊຍຕະເວັນອອກ.

ການຄົ້ນຄວ້າຫລາຍບັ້ນກ່ອນໜ້ານີ້​ໄດ້ພົບວ່າມີຄວາມສ່ຽງ
ຕໍ່ການ​ເສຍ​ຊີວິດເພີ້ມຂຶ້ນ​ເມື່ອມີດັດສະນີຮ່າງກາຍ-ທຽບ
ໃສ່​ນໍ້າໜັກເພີ້ມຂຶ້ນ. ດັດສະນີຮ່າງກາຍ-ທຽບ​ໃສ່​ນໍ້າໜັກ
ຫຼື Body-mass Index ​ເອີ້ນ​ຫຍໍ້ວ່າ BMI ແມ່ນການວັດ
ແທກໄຂມັນໃນຮ່າງກາຍໂດ​ຍອີງ​ໃສ່ຄວາມສູງ ແລະນໍ້າໜັກ.

ບັນຫາກໍ​ຄື​ວ່າ, ການຄົ້ນຄວ້າເຫຼົ່ານັ້ນສ່ວນໃຫຍ່​ແມ່ນວິເຄາະ
ຊາວຢູໂຣບ ແລະຊາວຕາເວັນຕົກອື່ນໆ. ດັ່ງນັ້ນ ນັກວິທະ
ຍາສາດຈຶ່ງບໍ່ແນ່ໃຈ​ໄດ້ວ່າ ຜົນການຄົ້ນຄວ້າທີ່ໄດ້ມານັ້ນ
ສາມາດໃຊ້ກັບກຸ່ມຄົນ​ໃນ​ພາກອື່ນໆ ໄດ້ຫຼືບໍ່.

ຜູ້ຍິງເກົາຫລີຄົນນຶ່ງທີ່ມີ ນໍ້າໜັກເກີນດັດສະນີ ຮ່າງກາຍທຽບໃສ່ນໍ້າໜັກ
ຜູ້ຍິງເກົາຫລີຄົນນຶ່ງທີ່ມີ ນໍ້າໜັກເກີນດັດສະນີ ຮ່າງກາຍທຽບໃສ່ນໍ້າໜັກ

ເພື່ອຊອກຫາຄໍາຕອບຕໍ່ບັນຫານີ້, ທ່ານ Wei Zheng
(ເວີ້ຍ ຊັງ) ​ແຫ່ງມະຫາວິທະຍາໄລ Vanderbilt ທີ່ສະ
ຫະລັດ ແລະເພື່ອນຮ່ວມງານຂອງ​ເພິ່ນ​ ໄດ້ເກັບກໍາ​ຮວບ
ຮວມ​ເອົາຂໍ້ມູນຈາກປະເທດຈີນ, ໄຕ້ຫວັນ, ເກົາຫຼີ​ໃຕ້, ຍີ່ປຸ່ນ,
ບັງກະລາ​ເທດ, ແລະອິນເດຍ. ​ຈາກການເອົາຕົວເລເຫລົ່າ
ນັ້ນຮວມເຂົ້າກັນໝົດ, ພວກເຂົາ​ເຈົ້າສະຫລຸບວ່າ ການພົວ
ພັນລະຫວ່າງ BMI ແລະອັດຕາການເສຍຊີວິດໃນພວກຄົນ
ເອເຊຍເຫຼົ່ານີ້ ​ໂດຍ​ທົ່ວ​ໄປ​ແລ້ວ ແມ່ນກົງກັນກັບການຄົ້ນ
ຄວ້າຂອງພວກຕາເວັນຕົກ, ດັ່ງ​ທີ່​ທ່ານ Zheng ຊີ້​ແຈງ​ວ່າ:

“ພວກຄົນທີ່ມີອັດຕາການເສຍຊີວິດຕໍ່າ​ທີ່​ສຸດ ໃນບັນດາປະເທດອາເຊຍຕາເວັນ
ອອກນັ້ນ ແມ່ນພວກທີ່ມີນໍ້າໜັກປົກກະຕິ. ແລະ​ສໍາລັບ​ພວກ​ທີ່​ມີດັດ​ສະ​ນີ BMI
ຫລຸດ​ລົງ ແລະພວກ​ທີ່​ມີ BMI ສູງຂຶ້ນນັ້ນ ​ແມ່ນຈະມີຄວາມສ່ຽງຕໍ່ການເສຍຊີ
ວິດ​ເພີ້ມຂຶ້ນ”

ພາກສ່ວນທີ່ກ່ຽວກັບພວກທີ່ມີ “BMI ຫລຸດລົງ” ນັ້ນ ​ແມ່ນມີຄວາມສໍາຄັນ ເພາະວ່າສ່ວນ
ຫຼາຍຄົນໃນເອເຊຍ​ມັນ ຈະຢູ່ໃນສົ້ນລຸ່ມຂອງເຄື່ອງແທກ BMI.

ທ່ານ ZHENG ອະທິບາຍ​ວ່າ “ຕົວຢ່າງ​ເຊັ່ນວ່າ ພວກທີ່ມີ BMI ຕໍ່າກວ່າ 15 ​ເປັນ
ຕົ້ນ, ການຄົ້ນຄວ້ານີ້ສະແດງໃຫ້ເຫັນວ່າພວກທີ່ມີ BMI ທີ່ຕໍ່າຫຼາຍ ກໍ່ມີຄວາມ
ສ່ຽງສູງຕໍ່ການເສຍຊີວິດ. ນີ້ເປັນຂໍ້​ເຕືອນທີ່ຊັດເຈນ​ແກ່ພວກຄົນ​ເຫລົ່າ​ນັ້ນ ຊຶ່ງ​ມີ
ຄວາມຈໍາເປັນທີ່​ຈະຕ້ອງເພີ່ມນໍ້າໜັກຂອງ​ຕົນຂຶ້ນ.”

ການຄົ້ນຄວ້າພົບວ່າ ບັນດາຄົນອ້ວນພີຢູ່ອິນເດຍ ມີຄວາມສ່ຽງຕໍ່ການເສຍຊີວິດຕໍ່າກວ່າພວກຢູ່ເອເຊຍ ຕາເວັນອອກ
ການຄົ້ນຄວ້າພົບວ່າ ບັນດາຄົນອ້ວນພີຢູ່ອິນເດຍ ມີຄວາມສ່ຽງຕໍ່ການເສຍຊີວິດຕໍ່າກວ່າພວກຢູ່ເອເຊຍ ຕາເວັນອອກ

ທັງ​ນີ້ກໍ​ເພາະວ່າ ອັດຕາການ
ເສຍຊີວິດທີ່ສູງທີ່ສຸດບາງ​ອັນ,
ທີ່ຈິງ​ແລ້ວ ​ແມ່ນໄດ້ພົບເຫັນ
ຢູ່ໃນກຸ່ມຄົນທີ່ມີນໍ້າໜັກທີ່ຕໍ່າ
ກວ່າ​ດັດ​ສະ​ນີ BMI ນີ້ຫຼາຍ.

ການຄົ້ນຄວ້ານີ້ໄດ້ເນັ້ນ​ໃຫ້ເຫັນ​
ເຖິງຄວາມແຕກຕ່າງທີ່ໜ້າປະ
ຫຼາດໃຈ​ ລະຫວ່າງຜູ້ຄົນ​ໃນ
ເອເຊຍຕາເວັນອອກແລະເອ
ເຊຍໃຕ້​ເຊັ່ນ​ກັນ. ໃນໝູ່ຊາວ
ອິນເດຍ ແລະບັງກະລາ​ເທດ
ທີ່ມີ BMI ສູງ- ຄືຢູ່ໃນ​ເກນ
ນໍ້າໜັກ​ເກີນແລະອ້ວນ​ພີ​ຈົນ
ເກີນ​ໄປ- ອັດຕາການເສຍ
ຊີວິດກັບ​ບໍ່​ໄດ້​ເພີ້ມສູງຂຶ້ນ
ຫລາຍ​ປານ​ໃດ. ທ່ານ
Zheng ກ່າວວ່າ ມັນອາດ
ເປັນ​ໄປໄດ້ວ່າ ນໍ້າໜັກຂອງພວກເຂົາ​ເຈົ້າສະທ້ອນໃຫ້ເຫັນຄວາມມັ່ງຄັ້ງສົມບູນ ແລະຖານະ
ທີ່ສູງ ໃນກຸ່ມ​ປະຊາ​ຄົມຂອງພວກເຂົາ​ເຈົ້າ. ຊື່​ງທ່ານ​ອະທິບາຍ​ວ່າ ພວກເຂົາເຈົ້າມີຖານະ
ທາງເສດຖະກິດສັງຄົມທີ່ຂ້ອນ​ຂ້າງສູງ ດັ່ງນັ້ນພວກເຂົາ​ເຈົ້າມີຄວາມ​ສາມາດ​ທີ່ຈະ​ໄປຮັບການ
ດູແລສຸຂະພາບທີ່ດີ​ໄດ້.

ທ່າ​ນສາມາດ​ຊອກ​ອ່ານບົດ​ລາຍ​ງານຜົນການຄົ້ນຄວ້າຂອງທ່ານ Wei Zheng ກ່ຽວກັບ ດັດສະນີຮ່າງກາຍ-ທຽບໃສ່ນໍ້າໜັກ ຫລື BMI ແລະຄວາມສ່ຽງຕໍ່ການເສຍຊີວິດໄດ້​ ໃນ
ວາລະສານການ​ແພດ​ຂອງເຂດຕາ​ເວັນ​ອອກສຽງ​ເໜືອຂອງ​ສະຫະລັດ ຫລື “the New
England Journal of Medicine” ​ໄດ້ ຫລືໃນ​ເວັບ​ໄຊ໌ສອງບ່ອນ​ທີ່:

http://www.nejm.org/doi/full/10.1056/NEJMoa1010679 - Zheng paper (NEJM)

ຫລື

http://www.nhlbisupport.com/bmi/bmi-m.htm - BMI calculator (NIH)))

XS
SM
MD
LG