ລິ້ງ ສຳຫລັບເຂົ້າຫາ

logo-print

ຄົນເອເຊຍ ຢູ່ຕ່າງປະເທດ ສົ່ງເງິນກັບເມືອບ້ານ ຫລາຍກວ່າ ຄົນຈາກເຂດອື່ນ (ວີດິໂອ)


ພະນັກງານຜູ້ນຶ່ງກວດເບິ່ງເງິນໂດລາ ທີ່ສົ່ງມາຈາກຕ່າງປະເທດ ຢູ່ບ່ອນປ່ຽນເງິນ ທີ່ກຸງມະນີລາ ໃນວັນທີ 28 ມີນາ 2012.
ປີກາຍນີ້ ຊາວເອເຊຍທີ່​ໄປເຮັດວຽກຢູ່ຕ່າງປະເທດໄດ້ສົ່ງ
ເງິນໄປໃຫ້ຄອບຄົວຂອງ​ເຂົາ​ເຈົ້າຢູ່ບ້ານ ລວມກັນທັງໝົດ
ເປັນ 260 ພັນລ້ານໂດລາ ຊຶ່ງເປັນຈໍານວນຫຼາຍກວ່າເງິນ
ຂອງພວກຄົນງານຈາກຂົງເຂດອື່ນ​ໃດ​ທັງໝົດ ໃນໂລກທີ່
ສົ່ງ​ເມືອບ້ານ ​ແລະເປັນຈໍານວນ​ທີ່​ຫລາຍ​ກວ່າເງິນຊ່ວຍເຫລືອ
ໃນການພັດທະນາ​ເຖິງ 5 ເທົ່າ. ແຕ່ນັກຊ່ຽວຊານເວົ້າວ່າ ຄ່າ​
ໃຊ້​ຈ່າຍໃນການ ສົ່ງ​ແລະ​ຮັບເງິນດັ່ງກ່າວ ແມ່ນ​ແພງ​ເກີນ​ໄປ ແລະຖ້າມີການຫລຸດຄ່າສົ່ງ​ໃຫ້ ຖືກລົງ ກໍຈະພາໃຫ້ມີການກະຕຸ້ນ​ໃຫ້​ເສດຖະກິດເຕີບ​ໂຕຫຼາຍຂຶ້ນກວ່າ​ນີ້. Daniel Schearf ຜູ້ສື່ຂ່າວວີໂອເອ ມີລາຍງານມາ​ຈາກບາງກອກ ຊຶ່ງບົວສະຫວັນ ຈະນໍາມາສະເໜີທ່ານ ໃນອັນດັບຕໍ່ໄປ.

ຟັງຂ່າວຝາກເງິນໄປເອເຊຍ

ມີຄົນງານຊາວເອເຊຍ​ໄປເຮັດວຽກງານ ຢູ່ປະເທດຕ່າງໆໃນໂລກ 60 ລ້ານຄົນ. ແລະ
ພວກເຂົາເຈົ້າໄດ້ສົ່ງເງິນໄປໃຫ້ຄອບຄົວຢູ່ບ້ານຫລາຍກວ່າ ຄົນງານ​ທີ່ໄປ​ເຮັດ​ວຽກ​ຢູ່​ຕ່າງປະ​ເທດຈາກຂົງເຂດອາຟຣິກາ, ອາເມຣິກາລາຕິນ ແລະຢູໂຣບຕາເວັນອອກ ລວມ
ເຂົ້າກັນ.

ຫລາຍກວ່າ 60 ເປີເຊັນຂອງເງິນຈຳນວນ​ທັງ​ໝົດ 410 ພັນລ້ານໂດລາທີ່ສົ່ງກັບຄືນ
ປະເທດໃນປີກາຍນີ້ ແມ່ນສົ່ງໄປຍັງຂົງເຂດເອເຊຍຊຶ່ງເປັນບ່ອນ ທີ່ວ່າ 10 ຄົວເຮືອນ
ໃດ ແມ່ນມີຄົວນຶ່ງ ໄດ້ຮັບເງິນຈາກຕ່າງປະເທດ. ປະ ທດທີ່ໄດ້ຮັບເງິນຫຼາຍກວ່າໝູ່
ແມ່ນອິນເດຍ, ຈີນ, ຟີລິບປິນ, ປາກິສຖານ, ບັງກລາແດັສ, ຫວຽດນາມ ແລະສີລັງກາ
ຕາມລໍາດັບ.

ບົດລາຍງານຂອງອົງການສະຫະປະຊາຊາດ ສະບັບນຶ່ງທີ່ເຜີຍແຜ່ອອກ ໃນວັນຈັນ
ອາທິດ​ແລ້ວເວົ້າວ່າ ເງິນທີ່ພວກເຂົາເຈົ້າສົ່ງ​ກັບ​ຄືນບ້ານນັ້ນ ໄດ້ຊ່ວຍຫລຸດຜ່ອນຄວາມ
ທຸກຈົນ ຫລາຍກວ່າຍອດ​ເງິນ​ຊ່ວຍ​ເຫຼືອທັງໝົດ ທີ່ສາກົນ​ໃຫ້​ເພື່ອ​ການ​ພັດທະນາ.

ແຕ່ວ່າບົດລາຍງານ ທີ່ມີຫົວຂໍ້ວ່າ “ສົ່ງເງິນກັບບ້ານຢູ່ເອເຊຍ” ສະຫລຸບວ່າ ຂັ້ນຕອນ
ການໂອນ ແມ່ນເສຍຄ່າທໍານຽມຫລາຍໂພດ ຊຶ່ງໄລ່ສະເລ່ຍແລ້ວ ປະມານ 9 ເປີເຊັນ ແລະທາງເລືອກໃນການໃຊ້ເງິນນີ້ລົງທຶນ ກໍມີໜ້ອຍໂພດ.

ທ່ານ Kevin Cleaver ຊຶ່ງເປັນຮອງປະທານອາວຸໂສ ຂອງອົງການກອງທຶນສາກົນ
ຂອງສະຫະປະຊາຊາດ ເພື່ອການພັດທະນາດ້ານກະສິກໍາ ຫລື (IFAD) ເວົ້າວ່າ ຖ້າ
ຫາກຄ່າສົ່ງຖືກລົງ ມັນຈະເຮັດໃຫ້ມີເງິນຫຼາຍຂຶ້ນ ລັ່ງ​ໄຫຼໄປສູ່​ການ​ລົງທຶນໂດຍກົງ.

ທ່ານ Cleaver ກ່າວວ່າ ເບິ່ງຕົວເລກນີ້ແມ໋. 260 ພັນລ້ານໂດລາ ຢູ່ໃນ ປີ
ດຽວເທົ່ານັ້ນ
ທີ່ໄດ້ສົ່ງກັບໄປເອເຊຍ. ຖ້າໃຊ້ພຽງແຕ່ 10 ເປີເຊັນຂອງເງິນ
ຈໍານວນນັ້ນ
ເຂົ້າໃສ່ຈຸດປະສົງ​ໃນການລົງທຶນ ແລະເຄິ່ງນຶ່ງຂອງ 10 ເປີເຊັນ
ນັ້ນ
ເຂົ້າໃນການພັດທະນາເຂດຊົນນະບົດ ແລະເຄິ່ງນຶ່ງຂອງ 10 ເປີເຊັນ
ແມ່ນປະມານ
13 ພັນລ້ານໂດລາ, ຊຶ່ງເງິນກ້ອນນັ້ນ ແມ່ນຫລາຍກວ່າເງິນ
ຊ່ວຍເຫລືອ
ໃນການພັດທະນາທີ່ເປັນທາງການ ໃນປີ 2012 ສໍາລັບດ້ານ
ກະສິກໍາ
.”

ທ່ານ Cleaver ເວົ້າອີກວ່າ ມີລັດຖະບານຂອງຫລາຍປະເທດໂພດໃນເອເຊຍທີ່ອະນຸ
ຍາດໃຫ້ມີການແຂ່ງຂັນໜ້ອຍຫລາຍ ສໍາລັບການ ບໍລິການດ້ານໂອນເງິນ ຊຶ່ງສົ່ງຜົນ
ໃຫ້ມີການຜູກຂາດ ທີ່ສາມາດຕັ້ງຄ່າໂອນສູງ.

ໃນຂະນະທີ່ຄ່າໂອນ​ເງິນຢູ່ບາງປະເທດໃນເຂດເອເຊຍກາງແມ່ນຕໍ່າກວ່າ 7 ເປີເຊັນ
ຊຶ່ງເປັນອັດຕາສະເລ່ຍຂອງໂລກ ແຕ່ວ່າຄ່າໂອນໃນປະເທດຕ່າງໆ ໃນເຂດເອເຊຍ
ປາຊີຟິກ ເຊັ່ນຈີນ ແມ່ນ 10 ເປີເຊັນ ຫລືຫລາຍກວ່ານັ້ນ.

ບົດລາຍງານ ທີ່ໄດ້ເຮັດຂຶ້ນມາຮ່ວມກັນລະຫວ່າງອົງການ IFAD ແລະທະນາຄານໂລກ
ເວົ້າວ່າ ຄວນມີການບໍລິການດ້ານການເງິນຫລາຍຂຶ້ນ ຄຽງຄູ່ກັນກັບການສົ່ງເງິນກັບ
ປະເທດ.

ທ່ານມາຊິໂມະ ເຊຍອະຊິໂນະ (Massimo Cirassino) ຜູ້ຈັດການໂຄງສ້າງດ້ານການ
ເງິນ ແລະການສົ່ງເງິນກັບປະເທດທີ່ທະນາຄານໂລກເວົ້າວ່າຄົນງານທີ່​ໄປ​ເຮັດວຽກ​ຢູ່​
ຕ່າງປະ​ເທດຫລາຍຄົນແລະຄອບຄົວຂອງເຂົາ ເຈົ້າ ບໍ່ມີບັນຊີທະນາຄານ ແລະມີພຽງ
ປະມານ 1 ສ່ວນ 4 ຂອງເງິນທີ່ໄດ້ຮັບຈາກການສົ່ງກັບປະເທດນັ້ນ ​ໄດ້​ມີການເກັບອອມ
ໄວ້ຫລືໃຊ້ເຂົ້າໃນການລົງທຶນ.

ທ່ານ Massimo ເວົ້າວ່າ ພວກເຂົາເຈົ້າຫາກໍ່ໄດ້ເຂົ້າໄປສໍາຜັດກັບຂະແໜງ
ການເງິນ
ເມື່ອເຂົາເຈົ້າໄດ້ຮັບເງິນ. ແລະ ປົກກະຕິ ມັນແມ່ນເງິນສົດ ແລະ
ສະນັ້ນ
ກໍຈ່າຍເປັນເງິນສົດ. ເພາະສະນັ້ນ ຖ້າພວກເຮົາສາມາດເຮັດໃຫ້ ການບໍລິການເຫລົ່ານັ້ນ ມີອໍານາດໃນ ການເພີ້ມຈໍານວນການບໍລິການດ້ານ
ການເງິນທີ່ສະໜອງໃຫ້ແກ່ປະຊາຄົມ
ເຫລົ່ານີ້ຂຶ້ນ ບໍ່ແມ່ນແຕ່ວ່າ ຈະເປັນ
ເລື້ອງໂອກາດເກັບເງິນປະຢັດໄວ້
, ການໃຫ້ສິນເຊື່ອ, ຫລື ສິນເຊື່ອຂະໜາດ
ນ້ອຍ
, ຫລືປະກັນໄພຂະໜາດນ້ອຍ ຂ້າພະເຈົ້າຄິດວ່າ ນີ້ຄືວຽກງານທີ່ຕ້ອງ
ເຮັດ
ອັນສໍາຄັນ.”

ທ່ານ Massimo ຍັງເວົ້າອີກວ່າ ຄົນງານທີ່​ໄປ​ເຮັດ​ວຽກ​ຢູ່​ຕ່າງປະ​ເທດ ຊຶ່ງສ່ວນຫລາຍ
ມັກຈະບໍ່ມີເອກະສານຖືກຕ້ອງນັ້ນ ຍັງຕ້ອງການການສຶກສາ ແລະການຍື່ນມືເຂົ້າ​ໄປ​ຊ່ວຍອີກ ເພື່ອຫລີກລ່ຽງການຖືກຂູດຮີດ.

ບົດລາຍງານດັ່ງກ່າວ ​ໄດ້​ພິມ​ເຜີຍແຜ່ໃນ​ຕອນເລີ້ມຕົ້ນກອງປະຊຸມໂລກຄັ້ງທີ 4 ກ່ຽວກັບ
ການສົ່ງເງິນກັບປະເທດ ທີ່ຈັດຂຶ້ນຢູ່ບາງກອກ. ເຫດການທີ່ດໍາເນີນໄປເປັນເວລາສາມ
ວັນນັ້ນ ໄດ້ດຶງດູດເອົາຜູ້ອອກນະໂຍບາຍທັງຫລາຍ, ຜູ້ໃຫ້ການບໍລິການ, ຜູ້ໃຫ້ຢືມເງິນ
ແລະພວກນັກເຄື່ອນໄຫວມາອະພິປາຍ ແລະສົນທະນາກັນກ່ຽວກັບບັນຫາດັ່ງກ່າວ.

ບັນດາປະເທດທີ່ຮັ່ງມີທີ່ສຸດຂອງໂລກ ກໍຄືກຸ່ມ G-8 ໄດ້ຕັ້ງເປົ້າໝາຍໄວ້ ​ໃນປີ 2009
ວ່າຈະຫລຸດຄ່າໃຊ້ຈ່າຍໃນການສົ່ງເງິນກັບຄືນປະເທດຂອງ​ໂລກ ລົງ 5 ເປີເຊັນ ພາຍ
ໃນປີ 2014.

ເບິ່ງວີດິໂອກ່ຽວກັບລາຍງານນີ້:

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG