MANILA —
ເຈົ້າໜ້າທີ່ທະຫານຈາກ 11 ປະເທດໃນເຂດເອເຊຍ-
ປາຊີຟິກ ປະຊຸມກັນ ຢູ່ນະຄອນຫລວງມະນີລາ ຂອງຟີລິບປິນ
ເມື່ອວັນຈັນຜ່ານມານີ້ ເພື່ອພະຍາຍາມຫາທາງເສີມຂະຫຍາຍ
ການຮ່ວມມືກັນ ເວລາເກີດໄພຫາຍະນະທາງທະເລ ຢູ່ໃນເຂດ
ນ່ານນໍ້າສາກົນ. ຜູ້ເຂົ້າຮ່ວມປະຊຸມ ມີໂຮມທັງຜູ້ແທນຈາກຈີນ
ແລະອີກຫລາຍໆປະເທດ ທີ່ຍາດກັນອ້າງເອົາກໍາມະສິດໃນ
ດິນດອນ ຢູ່ໃນເຂດນໍ້າໃກ້ໆນັ້ນ. ຜູ້ສື່ຂ່າວ ວີໂອເອ Simone
Orendain ມີລາຍງານມາຈາກມະນີລາ ຊຶ່ງດາຣາຈະນໍາມາ
ສະເໜີທ່ານ.
ບັນດາເຈົ້າໜ້າທີ່ທະຫານຟີລິບປິນ ກ່າວວ່າ ນີ້ເປັນເທື່ອທໍາອິດ
ທີ່ມີປະເທດຕ່າງໆໃນຈໍານວນຫລາຍແບບນີ້ ມາເຝິກແອບຮ່ວມ
ກັນ ກ່ຽວກັບວິທີການຮັບມືກັບໄພຫາຍະນະທາງທະເລ ພາຍໃຕ້
ສະຖານະການຈໍາລອງ ຂອງເຫດການໂຕຈິງ.
ນາຍທະຫານລະດັບປານກາງຈາກປະເທດຕ່າງໆ ອັນໂຮມທັງປະເທດເຈົ້າພາບ ກໍຄືຟີລິບ
ປິນ ກັບ ສະຫະລັດ ຈີນ ຫວຽດນາມ ອິນໂດເນເຊຍ ໄທ ຍີ່ປຸ່ນແລະ ເກົາຫລີໃຕ້ ໄດ້ຮ່ວມ
ກັນເຝິກແອບຂັ້ນຕອນຕ່າງໆ ສໍາລັບຮັບມືກັບໄພຫາຍະນະ ໃນສະຖານະການຈໍາລອງ
ຫລາຍໆຢ່າງ ອັນໂຮມທັງພາຍຸໄຕ້ຝຸ່ນ ແລະແຜ່ນດິນໄຫວ.
ຫລາຍໆປະເທດໃນນັ້ນ ແມ່ນມີບັນຫາຂັດແຍ້ງເລື້ອງດິນດອນນໍາກັນ ແລະກັບປະເທດຈີນ ຍ້ອນການຍາດກັນອ້າງເອົາ ກໍາມະສິດໃນດິນດອນໃນເຂດທະເລຈີນໃຕ້ ແລະທະເລຈີນ
ຕາເວັນອອກ.
ອຸບປະທູດທະຫານຫວຽດນາມປະຈໍານະຄອນຫລວງມະນີລາ ພັນເອກອາວຸໂສ ຮວງ ກິມ ຟຸງ ກ່າວວ່າ ການຜິດຖຽງກັນ ຍ້ອນການຍາດກັນ ອ້າງເອົາດິນດອນນັ້ນ ແມ່ນບໍ່ກ່ຽວກັບການເຝິກແອບດັ່ງກ່າວນີ້. ພັນເອກ ຮວງ ເວົ້າວ່າ:
ແຜ່ນທີ່ເຂດທະເລຈີນໃຕ້ ບ່ອນທີ່ຫລາຍໆປະເທດຍາດກັນ ອ້າງເອົາ ກໍາມະສິດໃນເກາະດອນຕ່າງໆ (ຂລິກຮູບເພື່ອຂະຫຍາຍໃຫ້ໃຫຍ່)
“ພວກເຮົາ ຍາມໃດ ກໍສະໜັບສະໜຸນກັນແລະຊ່ວຍເຫລືອ
ເຮືອຫາປາຂອງກັນລະກັນ ບໍ່ວ່າເຮືອຫາປາ ຈາກຟີລິບປິນ
ຈາກຈີນ ແລະປະເທດອື່ນໆ ໃນກໍລະນີທີ່ເກີດເຫດການສຸກ
ເສີນ. ພວກເຮົາຖືວ່າ ມັນເປັນການກະທໍາທີ່ມີກຽດ.”
ເມື່ອນຶ່ງປີກ່ອນນີ້ ຟີລິບປີນແລະຈີນ ໄດ້ຕົກຢູ່ໃນສະພາບຈຶ້ງທ່າ
ໃສ່ກັນ ຢູ່ເກາະຫິນ Scarborough ໃນເຂດທະເລຈີນໃຕ້.
ຟີລິບປີນພະຍາຍາມຈະຈັບຊາວປະມົງຈີນ ຍ້ອນ ຕາມການກ່າວ
ຫາຂອງຟີລິບປີນນັ້ນກໍແມ່ນວ່າ ເຂົາເຈົ້າໄດ້ເຂົ້າໄປລັກລອບເອົາ
ສັດທະເລທີ່ໃກ້ຈະສູນພັນ ຢູ່ໃນເຂດທີ່ຟີລິບປີນກ່າວວ່າ ເປັນຂອງ
ຕົນ ຕາມທີ່ລະບຸໄວ້ຢູ່ໃນສົນທິສັນຍາວ່າດ້ວຍກົດໝາຍທາງທະເລ ຂອງສະຫະປະຊາ
ຊາດນັ້ນ.
ໂຄສົກກອງທັບຟີລິບປີນ ພັນຕີ Emmanuel Garcia ກ່າວວ່າ ເລື້ອງການຜິດຖຽງກັນ
ກ່ຽວກັບດິນດອນນັ້ນ ແມ່ນສາມາດແຍກອອກໄວ້ຕ່າງຫາກໄດ້ ເວລາທີ່ຈໍາເປັນຕ້ອງຮັບມືກັບໄພຫາຍະນະ. ພັນຕີ Garcia ເວົ້າວ່າ:
“ບັນຫາເຫລົ່ານັ້ນທັງໝົດແມ່ນເປັນເລື້ອງຊົ່ວຄາວ ແຕ່ສິ່ງທີ່ເປັນເລື້ອງ
ຖາວອນ ກໍຄື ພວກເຮົາທັງໝົດແມ່ນເປັນມະນຸດ ແລະພວກເຮົາທັງໝົດ
ກໍປະເຊີນກັບໄພຫາຍະນະແລະໄພທໍາມະຊາດນໍາກັນ ສະນັ້ນ ພວກ
ເຮົາຕ້ອງຮັບມືກັບໄພທໍາມະຊາດເຫລົ່ານັ້ນ ຮ່ວມກັນ.”
ໃນໄລຍະບໍ່ເທົ່າໃດປີຜ່ານມານີ້ ທັງຫວຽດນາມແລະຟີລິບປີນ ຕ່າງກໍໄດ້ຈົ່ມວ່າ ກ່ຽວກັບ
ການອ້າງເອົາກໍາມະສິດ ໃນເຂດທະເລຈີນໃຕ້ທັງໝົດ ຂອງຈີນ. ທັງສອງປະເທດກ່າວ
ຫາວ່າ ຊາວປະມົງທ້ອງຖິ່ນຂອງພວກຕົນໄດ້ຖືກຮາວີລົບກວນ ໂດຍກໍາປັ່ນຂອງຈີນ
ເປັນປະຈໍາ ຊຶ່ງເປັນການກ່າວຫາ ທີ່ປັກກິ່ງປະຕິເສດ.
ການເຝິກແອບໃນມື້ວັນຈັນຜ່ານມານັ້ນ ແມ່ນພາກສ່ວນນຶ່ງຂອງການຊ້ອມລົບປະຈໍາ
ປີຮ່ວມກັນ ລະຫວ່າງຟີລິບປິນກັບສະຫະລັດ ທີ່ມີສົນທິສັນຍາຮ່ວມປ້ອງກັນ ນໍາກັນ.
ປາຊີຟິກ ປະຊຸມກັນ ຢູ່ນະຄອນຫລວງມະນີລາ ຂອງຟີລິບປິນ
ເມື່ອວັນຈັນຜ່ານມານີ້ ເພື່ອພະຍາຍາມຫາທາງເສີມຂະຫຍາຍ
ການຮ່ວມມືກັນ ເວລາເກີດໄພຫາຍະນະທາງທະເລ ຢູ່ໃນເຂດ
ນ່ານນໍ້າສາກົນ. ຜູ້ເຂົ້າຮ່ວມປະຊຸມ ມີໂຮມທັງຜູ້ແທນຈາກຈີນ
ແລະອີກຫລາຍໆປະເທດ ທີ່ຍາດກັນອ້າງເອົາກໍາມະສິດໃນ
ດິນດອນ ຢູ່ໃນເຂດນໍ້າໃກ້ໆນັ້ນ. ຜູ້ສື່ຂ່າວ ວີໂອເອ Simone
Orendain ມີລາຍງານມາຈາກມະນີລາ ຊຶ່ງດາຣາຈະນໍາມາ
ສະເໜີທ່ານ.
ບັນດາເຈົ້າໜ້າທີ່ທະຫານຟີລິບປິນ ກ່າວວ່າ ນີ້ເປັນເທື່ອທໍາອິດ
ທີ່ມີປະເທດຕ່າງໆໃນຈໍານວນຫລາຍແບບນີ້ ມາເຝິກແອບຮ່ວມ
ກັນ ກ່ຽວກັບວິທີການຮັບມືກັບໄພຫາຍະນະທາງທະເລ ພາຍໃຕ້
ສະຖານະການຈໍາລອງ ຂອງເຫດການໂຕຈິງ.
ນາຍທະຫານລະດັບປານກາງຈາກປະເທດຕ່າງໆ ອັນໂຮມທັງປະເທດເຈົ້າພາບ ກໍຄືຟີລິບ
ປິນ ກັບ ສະຫະລັດ ຈີນ ຫວຽດນາມ ອິນໂດເນເຊຍ ໄທ ຍີ່ປຸ່ນແລະ ເກົາຫລີໃຕ້ ໄດ້ຮ່ວມ
ກັນເຝິກແອບຂັ້ນຕອນຕ່າງໆ ສໍາລັບຮັບມືກັບໄພຫາຍະນະ ໃນສະຖານະການຈໍາລອງ
ຫລາຍໆຢ່າງ ອັນໂຮມທັງພາຍຸໄຕ້ຝຸ່ນ ແລະແຜ່ນດິນໄຫວ.
ຫລາຍໆປະເທດໃນນັ້ນ ແມ່ນມີບັນຫາຂັດແຍ້ງເລື້ອງດິນດອນນໍາກັນ ແລະກັບປະເທດຈີນ ຍ້ອນການຍາດກັນອ້າງເອົາ ກໍາມະສິດໃນດິນດອນໃນເຂດທະເລຈີນໃຕ້ ແລະທະເລຈີນ
ຕາເວັນອອກ.
ອຸບປະທູດທະຫານຫວຽດນາມປະຈໍານະຄອນຫລວງມະນີລາ ພັນເອກອາວຸໂສ ຮວງ ກິມ ຟຸງ ກ່າວວ່າ ການຜິດຖຽງກັນ ຍ້ອນການຍາດກັນ ອ້າງເອົາດິນດອນນັ້ນ ແມ່ນບໍ່ກ່ຽວກັບການເຝິກແອບດັ່ງກ່າວນີ້. ພັນເອກ ຮວງ ເວົ້າວ່າ:
“ພວກເຮົາ ຍາມໃດ ກໍສະໜັບສະໜຸນກັນແລະຊ່ວຍເຫລືອ
ເຮືອຫາປາຂອງກັນລະກັນ ບໍ່ວ່າເຮືອຫາປາ ຈາກຟີລິບປິນ
ຈາກຈີນ ແລະປະເທດອື່ນໆ ໃນກໍລະນີທີ່ເກີດເຫດການສຸກ
ເສີນ. ພວກເຮົາຖືວ່າ ມັນເປັນການກະທໍາທີ່ມີກຽດ.”
ເມື່ອນຶ່ງປີກ່ອນນີ້ ຟີລິບປີນແລະຈີນ ໄດ້ຕົກຢູ່ໃນສະພາບຈຶ້ງທ່າ
ໃສ່ກັນ ຢູ່ເກາະຫິນ Scarborough ໃນເຂດທະເລຈີນໃຕ້.
ຟີລິບປີນພະຍາຍາມຈະຈັບຊາວປະມົງຈີນ ຍ້ອນ ຕາມການກ່າວ
ຫາຂອງຟີລິບປີນນັ້ນກໍແມ່ນວ່າ ເຂົາເຈົ້າໄດ້ເຂົ້າໄປລັກລອບເອົາ
ສັດທະເລທີ່ໃກ້ຈະສູນພັນ ຢູ່ໃນເຂດທີ່ຟີລິບປີນກ່າວວ່າ ເປັນຂອງ
ຕົນ ຕາມທີ່ລະບຸໄວ້ຢູ່ໃນສົນທິສັນຍາວ່າດ້ວຍກົດໝາຍທາງທະເລ ຂອງສະຫະປະຊາ
ຊາດນັ້ນ.
ໂຄສົກກອງທັບຟີລິບປີນ ພັນຕີ Emmanuel Garcia ກ່າວວ່າ ເລື້ອງການຜິດຖຽງກັນ
ກ່ຽວກັບດິນດອນນັ້ນ ແມ່ນສາມາດແຍກອອກໄວ້ຕ່າງຫາກໄດ້ ເວລາທີ່ຈໍາເປັນຕ້ອງຮັບມືກັບໄພຫາຍະນະ. ພັນຕີ Garcia ເວົ້າວ່າ:
“ບັນຫາເຫລົ່ານັ້ນທັງໝົດແມ່ນເປັນເລື້ອງຊົ່ວຄາວ ແຕ່ສິ່ງທີ່ເປັນເລື້ອງ
ຖາວອນ ກໍຄື ພວກເຮົາທັງໝົດແມ່ນເປັນມະນຸດ ແລະພວກເຮົາທັງໝົດ
ກໍປະເຊີນກັບໄພຫາຍະນະແລະໄພທໍາມະຊາດນໍາກັນ ສະນັ້ນ ພວກ
ເຮົາຕ້ອງຮັບມືກັບໄພທໍາມະຊາດເຫລົ່ານັ້ນ ຮ່ວມກັນ.”
ໃນໄລຍະບໍ່ເທົ່າໃດປີຜ່ານມານີ້ ທັງຫວຽດນາມແລະຟີລິບປີນ ຕ່າງກໍໄດ້ຈົ່ມວ່າ ກ່ຽວກັບ
ການອ້າງເອົາກໍາມະສິດ ໃນເຂດທະເລຈີນໃຕ້ທັງໝົດ ຂອງຈີນ. ທັງສອງປະເທດກ່າວ
ຫາວ່າ ຊາວປະມົງທ້ອງຖິ່ນຂອງພວກຕົນໄດ້ຖືກຮາວີລົບກວນ ໂດຍກໍາປັ່ນຂອງຈີນ
ເປັນປະຈໍາ ຊຶ່ງເປັນການກ່າວຫາ ທີ່ປັກກິ່ງປະຕິເສດ.
ການເຝິກແອບໃນມື້ວັນຈັນຜ່ານມານັ້ນ ແມ່ນພາກສ່ວນນຶ່ງຂອງການຊ້ອມລົບປະຈໍາ
ປີຮ່ວມກັນ ລະຫວ່າງຟີລິບປິນກັບສະຫະລັດ ທີ່ມີສົນທິສັນຍາຮ່ວມປ້ອງກັນ ນໍາກັນ.
