ສະຫະລັດສົ່ງພອນອັນປະເສີດໄປຍັງປະຊາຊົນລາວ ກໍາປູເຈຍແລະໄທ ໃນຂະນະທີ່ພວກ
ເຂົາເຈົ້າກໍາລັງກະກຽມເພື່ອສະຫລອງວັນຂຶ້ນປີໃໝ່ຂອງເຂົາເຈົ້າໃນສັບປະດານີ້.
ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດໃນວັນອັງຄານມື້ນີ້
ໄດ້ອວຍພອນອັນປະເສີດໃນນາມປະທານາທິບໍດີບາຣັກໂອບາມາແລະປະຊາຊົນອະເມລິ
ກັນໃນຖະແຫລງການໄປຍັງປະຊາຊົນໃນແຕ່ລະປະເທດເຫລົ່ານີ້.
ປະຊາຊົນໃນ 3 ປະເທດດັ່ງກ່າວພາກັນສະເຫລີມສະຫລອງບຸນປີໃໝ່ຂອງເຂົາເຈົ້າເປັນ
ເວລາຫລາຍມື້ໃນກາງເດືອນເມສານີ້ ຊຶ່ງຕາມທໍາມະດານັ້ນແມ່ນເລີ້ມຂຶ້ນຕັ້ງແຕ່ວັນທີ 13
ເມສາເປັນຕົ້ນໄປ.
ທີ່ກໍາປູເຈຍ ຕາມຮີດຄອງປະເພນີຂອງຊາວພຸດ ແມ່ນຮຽກຮ້ອງໃຫ້ຜູ້ຄົນພາກັນທໍາຄວາມ
ສະອາດໃນບ້ານເຮືອນກ່ອນວັນພັກບຸນປີໃໝ່ ໂດຍພາກັນໄຕ້ທູບໄຕ້ທຽນແລະທໍາການ
ໄຫວ້ວອນພາວະນາ.
ທີ່ໄທ ວັນພັກ ທີ່ຜູ້ຄົນຮູ້ຈັກກັນດີວ່າ ບຸນສົງການ ແມ່ນສະເຫລີມສະຫລອງກັນດ້ວຍການ
ເດີນສວນສະໜາມດ້ວຍສີສັນແລະສະຫລອງກັນໝົດມື້ຢູ່ຕາມຖະໜົນຫົນທາງສາຍຕ່າງໆ.
ຕາມຮີດຄອງປະເພນີນັ້ນແມ່ນຮຽກຮ້ອງໃຫ້ມີການຫົດນໍ້າຫອມໃສ່ກັນ ແຕ່ການສາດນໍ້າ
ໃນຄຸໃສ່ຜູ້ຄົນທີ່ກາຍໄປກາຍມາກໍມີຢ່າງແຜ່ຫລາຍ.
ສໍາລັບປີໃໝ່ລາວ ທີ່ເອີ້ນກັນວ່າບຸນຫົດນໍ້າ ຫລືກຸດສົງການນັ້ນແມ່ນສະຫລອງກັນໃນທໍາ
ນອງຄ້າຍຄືກັນກັບໄທນັ້ນ.
ມຽນມ້າກໍສະຫລອງປີໃໝ່ຄືກັນ ອັນທີ່ເອີ້ນກັນວ່າ ບຸນ Thingyan ນັ້ນ ແຕ່ລັດຖະບານ
ພະຍາຍາມຂັດຂວາງຄວາມມ່ວນຊື່ນທີ່ວ່ານີ້ດ້ວຍການຂົ່ມຂູ່ລົງໂທດຜູ້ຄົນດ້ວຍການຈໍາຄຸກ
ຖ້າບຸກຄົນໃດນຸ່ງເຄື່ອງອັນທີ່ທາງການເອີ້ນວ່າ ເຄື່ອງນຸ່ງທີ່ບໍ່ເໝາະສົມຫລືບໍ່ງາມຕານັ້ນ.
ແຕ່ພວກຫາຄວາມສະໜຸກສະໜານໃນມຽນມາ ກໍຍັງພາກັນຫົດນໍ້າກັນແລະຟ້ອນລໍາຢູ່
ຕາມຖະໜົນຫົນທາງຢູ່ ເຖິງແມ່ນໄດ້ມີການຕັກເຕືອນຂອງທາງການໃນໂອກາດດັ່ງກ່າວ
ກ່ຽວກັບການມີມາລະຍາດທີ່ເໝາະສົມຈາກພວກຜູນໍາທີ່ກົດຂີ່ປາບປາມຂອງເຂົາເຈົ້າກໍ
ຕາມ.
