ຄວາມວິຕົກກັງວົນກ່ຽວກັບການຊັກຊ້າລົງຂອງເສດຖະກິດຈີນ
ລາຄານ້ຳມັນທີ່ຫຼຸດລົງຢ່າງໃຫຍ່ແລະລາຍງານທີ່ບໍ່ຄ່ອຍດີປານ
ໃດກ່ຽວກັບການຂາຍຍ່ອຍ ຂອງສະຫະລັດ ແມ່ນມີສ່ວນ ເຮັດ
ໃຫ້ມີການຂາຍຮຸ້ນອອກ ຢູ່ໃນທົ່ວໂລກ ໃນວັນສຸກວານນີ້.
ລາຄານ້ຳມັນດິບໄດ້ຕົກລົງເປັນປະມານ 29 ໂດລາຕໍ່ຖັງ. ພວກ
ນັກວິເຄາະກ່າວວ່າ ນ້ຳມັນທີ່ມີຢູ່ຢ່າງຫຼວງຫຼາຍເກີນຄວາມຕ້ອງ
ການຢູ່ແລ້ວນັ້ນ ແລະອີຣ່ານໄດ້ກະກຽມທີ່ຈະຂາຍນ້ຳມັນດິບຕື່ມ
ອີກ ໃນຂະນະທີ່ມີການຍົກເລີກ ການລົງໂທດທາງດ້ານເສດຖະ
ກິດຕໍ່ອີຣ່ານນັ້ນ.
ທີ່ນະຄອນນິວຢອກ ຮຸ້ນ S&P 500 ໄດ້ຕົກລາຄາ 2.2 ເປີເຊັນ ໃນຕອນອັດຕະຫລາດຂະ
ນະທີ່ຮຸ້ນ Dow ຕົກລາຄາ 2.4 ເປີເຊັນ ແລະຮຸ້ນ NASDAQ ຕົກລາຄາ 3.1 ເປີເຊັນ.
ຮຸ້ນ FTSE ຢູ່ລອນດອນກໍໄດ້ຕົກລາຄາເກືອບ 2 ເປີເຊັນຂະນະທີ່ຮຸ້ນ DAX ຂອງເຢຍຣະ
ມັນ ແລະຮຸ້ນ CAC ຂອງຝຣັ່ງກໍຕົກລາຄາປະມານ 2.4 ເປີເຊັນຫຼືຫລາຍກວ່ານັ້ນ.
ໃນຕອນເຊົ້າ ຂອງວັນສຸກວານນີ້ ຮຸ້ນທີ່ສຳຄັນໆຂອງເອເຊຍ ກໍຕົກລາຄາຢ່າງໃຫຍ່ ຮຸ້ນທີ່ ນະຄອນຊຽງໄຮ້ຕົກລາຄາ 3.5 ເປີເຊັນ. ທີ່ໂຕກຽວ ໂຊລ ແລະຮົງກົງຮຸ້ນຕ່າງກໍຕົກລາຄາໄປຕາມໆກັນ ປະມານ 1 ເປີເຊັນ.
