ພວກທະຫານແລະພວກຂ້າລາດຊະການໄທທີ່ບາງກອກກໍາລັງດຳເນີນການຢ່າງຂຸ້ນ
ຂ້ຽວເພື່ອປ້ອງກັນໄພນໍ້າຖ້ວມໂດຍການເສີມຄູກັ້ນນໍ້າທາງກໍ້າເໜືອຂອງນະຄອນ
ຫລວງບາງກອກ ດ້ວຍຖົງຂີ້ຊາຍຫລາຍກວ່າ 1 ລ້ານຖົງ.
ບັນດາເຈົ້າໜ້າທີ່ກ່າວໃນເຊົ້າວັນຈັນວານນີ້ວ່າ ໄພຄຸກຄາມນໍ້າຖ້ວມທີ່ຈະໄຫລເຂົ້າ
ໂຕເມືອງນັ້ນໄດ້ຜ່ານພົ້ນໄປແລ້ວ ແຕ່ທາງການໄທໄດ້ພົບເຫັນຈຸດອ່ອນໃໝ່ໃນການ
ປ້ານຄູກັ້ນນໍ້າໃນພາກເໜືອຂອງນະຄອນຫລວງ ບ່ອນທີ່ສູນອຸດສາຫະກໍາແຫ່ງນຶ່ງ
ໄດ້ຖືກນໍ້າຖ້ວມໃນວັນຈັນວານນີ້. ພວກເຈົ້າໜ້າທີ່ເຫລົ່ານີ້ກ່າວວ່າ ພວກເຂົາເຈົ້າມີ
ເວລາຮອດຕອນແລງວັນພຸດມື້ອື່ນນີ້ ເພື່ອສ້າງຄູກັ້ນນໍ້ານັ້ນ.
ໄພນໍ້າຖ້ວມຍັງໄດ້ສ້າງຄວາມເດືອດຮ້ອນໃຫ້ປະຊາຊົນຫລາຍລ້ານຄົນເຊ່ນກັນໃນ
ກໍາປູເຈຍ ສປປ ລາວ ແລະຫວຽດນາມ. ປະຊາຊົນຈໍານວນຫລາຍກວ່າ 300 ຄົນ
ເສຍຊີວິດທີ່ໄທ ບ່ອນທີ່ມີການບັນລະຍາຍກັນວ່າ ເປັນໄພນໍ້າຖ້ວມຄັ້ງຮ້າຍແຮງທີ່
ສຸດໃນປະວັດສາດໃນຮອບ 50 ປີຜ່ານມາ. ໃນວັນອັງຄານມື້ນີ້ ຫວຽດນາມກ່າວວ່າ
ຈໍານວນຄົນເສຍຊີວິດໄດ້ເພີ່ມຂຶ້ນເປັນ 55 ຄົນແລ້ວ.
ບັນດາເຈົ້າໜ້າທີ່ລັດຖະບານໄທໃນເຂດແນວໜ້າທາງກໍ້າເໜືອຂອງບາງ ກອກໃນ
ວັນອັງຄານມື້ນີ້ຮຽກຮ້ອງໃຫ້ພວກທະຫານແລະຂ້າລາດຊະການດຳເນີນຄວາມພະ
ຍາຍາມຂອງເຂົາເຈົ້າເພີ່ມຕື່ມໃນການຮັບມືກັບໄພນໍ້າຖ້ວມນັ້ນ.
