ຈຳນວນຜູ້ເສຍຊີວິດຈາກຝົນຕົກໜັກແລະໄພ ນໍ້າຖ້ວມເປັນເວລາຫຼາຍໆມື້ ໃນຫວຽດນາມ ແລະອິນໂດເນເຊຍ ປັດຈຸບັນນີ້ ມີຢ່າງນ້ອຍ 140 ຄົນແລ້ວ.
ມີຜູ້ເສຍຊີວິດບໍ່ຕໍ່າກວ່າ 48 ຄົນ ຢູ່ໃນເຂດພາກກາງຂອງຫວຽດນາມ ບ່ອນທີ່ປະຊາຊົນຈຳ ນວນຫຼາຍພັນຄົນ ໄດ້ຖືກຕັດຂາດຍ້ອນໄພນໍ້າຖ້ວມ. ຫວຽດນາມໄດ້ສົ່ງເຮືອບິນເຮຣີຄອບເຕີ້ ໄປຢ່ອນອາຫານແລະປັດໄຈທີ່ຈຳເປັນຕ່າງໆໃຫ້ແກ່ພວກທີ່ຕົກຄ້າງໃນເຂດດັ່ງກ່າວ. ເຈົ້າໜ້າ ທີ່ຄຸ້ມຄອງໄພພິບັດ ຂອງຫວຽດນາມເວົ້າວ່າ ມີຜູ້ຫາຍສາບສູນ 10 ກວ່າຄົນ.
ສ່ວນຢູ່ໃນພາກຕາເວັນອອກ ຂອງອິນໂດເນເຊຍນັ້ນ ມີຢ່າງນ້ອຍ 90 ຄົນໄດ້ເສຍຊີວິດຫຼັງ ຈາກໄດ້ເກີດ ດິນຖະຫຼົ່ມຂະໜາດໃຫຍ່ ລົງມາຖົມບ້ານ Wasior ທີ່ຕັ້ງຢູ່ແຄມຝັ່ງທະເລໃນ ແຂວງປາປົວຕາເວັນຕົກ. ໃນມື້ວານນີ້ ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ໄດ້ອອກຖະແຫຼງຂ່າວ ສະບັບນຶ່ງ ສະແດງຄວາມເສົ້າເສຍໃຈ ກ່ຽວກັບ ເຫດຮ້າຍທີ່ວ່ານີ້.
ຂະນະດຽວກັນ ອົງການຂ່າວຊິນຫົວ ຂອງທາງການຈີນ ລາຍງານວ່າ ມີການຍົກຍ້າຍປະຊາ ຊົນ 130,000 ຄົນ ອອກຈາກເກາະໄຮນັງ ໃນພາກໃຕ້ຂອງຈີນ ຫຼັງຈາກຝົນຕົກໜັກເປັນເວ ລາຫຼາຍໆມື້ ໄດ້ພາໃຫ້ເກີດໄພນໍ້າຖ້ວມ ໝູ່ບ້ານຕ່າງໆຫຼາຍກວ່າ 550 ບ້ານ.