ຫີນຟູ ປ່ອຍຈາກ ພູເຂົາໄຟ ຢູ່ພື້ນມະຫາສະມຸດ ໃກ້ກັບນີວຊີແລນ

ກອງທັບອາກາດຂອງນີວຊີແລນ
ໄດ້ພົບເຫັນຫີນຈາກພູເຂົາໄຟ
ກ້ອນໃຫຍ່ກ້ອນນຶ່ງທີ່ມີຂະໜາດ
ເກືອບເທົ່າປະເທດເບນຢ້ຽມ
ລ່ອງລອຍຢູ່ໃນມະຫາສະມຸດປາ
ຊີຟິກ ປະມານ 1 ພັນກິໂລແມັດ
ຫ່າງຈາກນະຄອນ Auckland
ໄປທາງພາກຕາເວັນອອກສຽງ
ເໜືອ.

ພວກເຫັນເຫດການເວົ້າວ່າ ເຫດ
ການທີ່ແປກປະຫລາດດັ່ງກ່າວນີ້
ທີ່ຖືກພົບເຫັນຄັ້ງທໍາອິດໃນວັນ
ພະຫັດຜ່ານມາ ມີຮູບຄ້າຍຄືກັບ
ຊັ້ນນໍ້າກ້ອນຂົ້ວ​ໂລກທີ່ແຂງ ແລະ
ປະກອບດ້ວຍຫີນໃສທີ່ເບົາຄືຟອງນໍ້າ ຂະໜາດໜ່ວຍລູກກັອຟ ຊຶ່ງປ່ອຍຂຶ້ນມາຈາກພູເຂົາ ໄຟ
ໜ່ວຍນຶ່ງຢູ່ພື້ນນໍ້າ.

ພວກເຈົ້າໜ້າທີ່ຍັງເວົ້າອີກວ່າ ພາບຖ່າຍທາງອາກາດ ໄດ້ເປັນສັນຍານເຕືອນໃຫ້ເຮືອລົບ
ຂອງ​ກອງທັບ​ເຮືອນີວຊີແລນໃຫ້​ແລ່ນ​ຫ່າງ​ອອກ​ໄປຈາກເສດກ້ອນຫີນດັ່ງກ່າວ. ແຕ່ແນວໃດ
ກໍຕາມ ພວກເຈົ້າໜ້າທີ່ກ່າວໃນພາຍຫລັງວ່າ ຫີນໃສດັ່ງກ່າວ ບໍ່ໄດ້ເປັນໄພອັນຕະລາຍ
ນາບ​ຂູ່ໃດໆຕໍ່ການເດີນເຮືອ.

ໂຄສົກຂອງກອງທັບ​ເຮືອເວົ້າວ່າ ເຮືອລໍານຶ່ງໄດ້ລໍາລຽງເອົາພວກນັກວິທະຍາສາດໄປຍັງ
​ບໍລິ​ເວນ​ໃກ້ໆກ້ອນຫີນຟູ ທີ່ມີເນື້ອທີ່ 26 ພັນກິໄລແມັດມົນທົນ ໃນຄືນວັນພະຫັດທີ່ຜ່ານ
ມາ ແລະເວົ້າວ່າ ກ້ອນຫີນດັ່ງກ່າວມີສີຂາວໃສໆ ເມື່ອຖືກແສງ​ໄຟສະປັອດໄລເຍືອງໃສ່.

ພວກນັກວິທະຍາສາດທີ່ຢູ່ເທິງເຮືອເວົ້າວ່າ ເສດຫີນທີ່ໄຫລມານັ້ນ ບໍ່ມີຫຍັງກ່ຽວຂ້ອງກັບ ການລະເບີດຂອງພູເຂົາໄຟທີ່ເກີດຂຶ້ນໃນອາທິດນີ້ ທີ່ພູ Tongariro ທີ່ ໄດ້ສົ່ງຂີ້​ເຖົ່າຂຶ້ນສູ່
ບັນຍາກາດ ທີ່ສູງເຖິງຫົກກິໂລແມັດ.