ທະນາຄານພັດທະນາເອເຊຍ ຫລື ADB ເວົ້າວ່າ ວິກິດການທາງດ້ານການເງິນ ໃນຢູໂຣບ ແລະການຟື້ນໂຕຄືນທາງເສດຖະກິດທີ່ຝືດເຄືອງຢູ່ໃນສະຫະລັດແມ່ນ ໄດ້ສົ່ງຜົນກະທົບ ຕໍ່ການຂະຫຍາຍໂຕຂອງເສດຖະກິດປະເທດກໍາລັງພັດທະນາຢູ່ ເຂດເອເຊຍ.
ໃນບົດລາຍງານທີ່ນໍາອອກເຜີຍແຜ່ໃນວັນພະຫັດມື້ນີ້ ADB ເວົ້າວ່າ ການຂະຫຍາຍໂຕ
ຢູ່ເອເຊຍແມ່ນຊັກຊ້າ ໃນໄລຍະຫົກເດືອນທໍາອິດຂອງປີນີ້ ຍ້ອນຄວາມຫຍຸ້ງຍາກທາງ
ເສດຖະກິດຢູ່ໃນຢູໂຣບ ແລະສະຫະລັດ ທີ່ໄດ້ຕັດຮອນຄວາມຕ້ອງການສິນຄ້າສົ່ງອອກ
ຈາກເຂດເອເຊຍລົງ.
ນອກນັ້ນ ບົດລາຍງານຍັງໄດ້ກ່າວເຖິງການຊັກຊ້າລົງຂອງເສດຖະກິດຈີນແລະອິນເດຍນັ້ນ
ວ່າ ສົ່ງຜົນກະທົບໃສ່ເສດຖະກິດຂອງປະເທດທີ່ກໍາລັງພັດທະນາ.
ດ້ວຍເຫດນີ້ ທະນາຄານດັ່ງກ່າວ ຈຶ່ງໄດ້ຫລຸດອັດຕາການຂະຫຍາຍຕົວທີ່ຄາດຄະເນສຳ
ຫຼັບຂົງເຂດລົງ ໃນປີ 2012 ແລະ 2013.
ແຕ່ທະນາຄານນີ້ ກໍໄດ້ເວົ້າວ່າ ການຫລຸດຄວາມຕ້ອງການລົງ ແມ່ນໄດ້ຊ່ວຍເຮັດໃຫ້
ລາຄາອາຫານ ແລະນໍ້າມັນຖືກລົງ ແລະໄດ້ເຮັດໃຫ້ສະພາບເງິນເຟີ້ ຢູ່ໃນຂົງເຂດຜ່ອນ
ຄາຍລົງນຳດ້ວຍ.
