ໃນການໃຫ້ສໍາພາດແບບກວມກວ້າງກັບວີໂອເ ເມື່ອໄວໆມານີ້ ດຣ. ນໍລີນ ເຮເຊີ ເລຂາ
ທິການຝ່າຍບໍລິຫານຂອງຄະນະກໍາມາທິການເສດຖະກິດແລະສັງຄົມແຫ່ງຂົງເຂດເອເຊຍ
ປາຊິຟິກຂອງອົງການສະຫະປະຊາຊາດ ຫລື UNESCAP ກ່າວວ່າ ພວກປະເທດຕ່າງໆ
ຈະຕ້ອງພາກັນລົງທຶນໃສ່ ໃນອັນທີ່ທ່ານນາງເອີ້ນວ່າ ການພິທັກປົກປ້ອງສັງຄົມເພື່ອຮັບປະ
ກັນການເຕີບໂຕຂອງເສດຖະກິດໃນຂົງເຂດເອເຊຍ. ທ່ານນາງ ດຣ. Heyzer ກ່າວວ່າ:
“ທ່ານກໍຮູ້ດີວ່າ ບັນຫາຄືການປົກຄອງ ເພາະວ່າ ເວົ້າສຸດໆແລ້ວ ກໍແມ່ນວ່າເຮົາຈໍາເປັນ
ຕ້ອງມີການປົກຄອງທາງດ້ານເສດຖະກິດ ເຮົາຈໍາເປັນຕ້ອງມີການປົກຄອງດ້ານການ
ເມືອງທີ່ດີຂຶ້ນ ເພື່ອທີ່ຈະໃຫ້ສາມາດມີລະບົບຕ່າງໆ ທີ່ລົງທຶນເຂົ້າໃສ່ໃນພື້ນຖານຕ່າງໆ
ທາງສັງຄົມຂອງປະຊາຄົມຂອງພວກເຮົາ ເພື່ອໃຫ້ປະຊາຊົນຊີວິດທີ່ດີ ແລະເປັນທີ່ແຈ່ມ
ແຈ້ງແລ້ວວ່າ ການສໍ້ລາດບັງຫລວງໃນຮູບແບບໃດກໍຕາມ ແມ່ນເປັນພຶດຕິກໍາທີ່ຕໍ່ຕ້ານ ສິ່ງທີ່ກ່າວມານັ້ນ.”
ເມື່ອໝໍ່ໆມານີ້ ທະນາຄານພັທະນາເອເຊຍ ຫລື ADB ໄດ້ຮຽກຮ້ອງໃຫ້ມີການປັບປຸງໃຫ້
ດີຂຶ້ນ ໃນດ້ານຄວາມຮັບຜິດຊອບຂອງລັດຖະບານ ທີ່ຖືວ່າເປັນສິ່ງສໍາຄັນແລະຈໍາເປັນທີ່ສຸດ
ຢູ່ໃນເອເຊຍ ເພື່ອຄຸ້ມຄອງແລະຮັກສາສະຖຽນລະພາບທາງສັງຄົມແລະການເມືອງເອົາໄວ້.
ທະນາຄານ ADB ກ່າວອີກວ່າ ການສໍ້ລາດບັງຫລວງທີ່ກໍາລັງຖີບຕົວສູງຂຶ້ນນັບມື້ນັ້ນ ແມ່ນ
ແລເຫັນໄດ້ ຢູ່ໃນການຊຸດໂຊມລົງໃນຄຸນນະພາບ ແລະຄວາມໜ້າເຊື່ອຖື ຂອງບັນດາສະຖາ
ບັນການເມືອງ ແລະເສດຖະກິດແຫ່ງຊາດຂອງປະເທດຕ່າງໆ.
ລາຍງານສະບັບນຶ່ງຂອງສະຖາບັນທະນາຄານໂລກ ໄດ້ເຕືອນເຖິງການຖອຍຫລັງໃນຄວາມ
ຮັບຜິດຊອບ ແລະສະຖຽນລະພາບທາງການເມືອງໃນຂົງເຂດເອເຊຍໃນລະຫວ່າງປີ 2008
ແລະ 2009. ຕົວຢ່າງຢູ່ໃນປະເທດອິນເດຍ ທະນາຄານໂລກພົບເຫັນວ່າ ໃນຈໍານວນງົບປະ
ມານຂອງລັດຖະບານທີ່ອະນຸມັດໃຫ້ ສໍາລັບໂຄງການຕ່າງໆທີ່ກ່ຽວພັນກັບຄວາມທຸກຈົນນັ້ນ
ແມ່ນມີພຽງ 40 ເປີເຊັນເທົ່ານັ້ນ ທີ່ໄປຮອດໄປເຖິງພວກຄົນທຸກຈົນແທ້ໆ. ສ່ວນທີ່ເຫລືອນັ້ນ
ແມ່ນສູນເສຍໄປ ຍ້ອນການບໍລິຫານທີ່ບໍ່ດີແລະການສໍ້ລາດບັງຫລວງ.
ດຣ ເຮເຊີ ເຕືອນວ່າ ເຖິງແມ່ນໄດ້ມີການກ້າວໜ້າດ້ານເສດຖະກິດຢູ່ໃນຂົງເຂດເມື່ອໝໍ່ໆມານີ້
ກໍຕາມ ແຕ່ພວກລັດຖະບານກໍຈໍາເປັນຕ້ອງໄດ້ຫາທາງແກ້ໄຂບັນຫາຄວາມແຕກໂຕນກັນດ້ານ
ລາຍໄດ້ ທີ່ນັບມື້ຂະຫຍາຍກ້ວາງອອກນັ້ນ ຜ່ານການປັບປຸງພວກໂຄງການພິທັກປົກປ້ອງສັງ
ຄົມໃຫ້ດີຂຶ້ນ. ທ່ານນາງ ດຣ ເຮເຊີ ກ່າວວ່າ:
“ສິ່ງທີ່ພວກເຮົາໄດ້ພົບເຫັນນັ້ນ ກໍແມ່ນວ່າ ຢູ່ໃນຂົງເຂດເອເຊຍ ເຮົາຈະມີການເຕີບໂຕ
ທາງເສດຖະກິດທີ່ສູງ ແຕ່ໃນຂະນະດຽວກັນ ເຮົາກໍມີການເຕີບໂຕໃນດ້ານຄວາມບໍ່ສະ
ເໝີພາບ ແລະຄວາມແຕກໂຕນກັນ ແລະວິທີດຽວ ທີ່ຈະຈັດການກັບສິ່ງນີ້ໄດ້ ກໍຄືຮັບປະ
ກັນການເຕີບໂຕທີ່ລວມເອົາທຸກຄົນ ການລົງທຶນເຂົ້າໃສ່ໃນການພິທັກປົກປ້ອງສັງຄົມໃນ
ການເຮັດໃຫ້ເປັນທີ່ແນ່ໃຈວ່າ ທະວີບນີ້ຈະສາມາດຄິດທົບທວນເບິ່ງຕົນເອງຄືນ ແລະລົງ
ທຶນເຂົ້າໃສ່ໃນຕົນເອງຄືນໃໝ່ໄດ້ ເປັນເທື່ອທໍາອິດ ໃນແງ່ຂອງການແກ້ໄຂ ຄວາມນຶກຄິດ
ຂອງສັງຄົມແລະຄວາມຮ້າຍແຮງທາງບັນຫາຂອງສັງຄົມ.”
ພວກນັກວິເຄາະດ້ານເສດຖະກິດກ່າວວ່າ ຂົງເຂດເອເຊຍປາຊິຟິກ ຖືວ່າເປັນຕົວຂັບດັນການ
ເຕີບໂຕເສດຖະກິດໂລກທີ່ສໍາຄັນ ແຕ່ ດຣ. ເຮເຊີກ່າວວ່າ ຂົງເຂດເອເຊຍຍັງປະເຊີນກັບສິ່ງ
ທ້າທາຍຫລາຍຢ່າງຫລາຍອັນ ໃນການທີ່ຈະຮັບປະກັນໃຫ້ຜົນຮັບຈາກການເຕີບໂຕນັ້ນ ຖືກ
ແບ່ງປັນກັນຢ່າງກວ້າງຂວາງ. ທ່ານນາງ ດຣ ເຮເຊີ ກ່າວວ່າ:
“ການອັດຊ່ອງວ່າງຂອງຄວາມແຕກໂຕນກັນນັ້ນ ຖືວ່າສໍາຄັນທີ່ສຸດ ຄືບັນຫາກໍແມ່ນວ່າ ພວກເຮົາຈະສາມາດເຮັດໃຫ້ການເຕີບໂຕມີຄວາມຍືນຍົງໄດ້ຢ່າງໃດ? ແຕ່ວ່າ ໃນຂະນະ
ດຽວກັນ ພວກເຮົາກໍຈະຮັບປະກັນໃຫ້ການເຕີບໂຕກວມເອົາໝົດທຸກຄົນທຸກຊົນຊັ້ນ ໄດ້
ແນວໃດ? ພວກເຮົາມີການຟື້ນຕົວຄືນທາງເສດຖະກິດ ແຕ່ການຟື້ນຕົວຄືນນີ້ກໍຍັງອ່ອນ
ແອແຕກຫັກໄດ້ງ່າຍຢູ່. ນອກນັ້ນແລ້ວ ກໍຈະມີຄວາມເປັນຫ່ວງຢ່າງໃຫຍ່ຫລວງກ່ຽວກັບ
ສະພາວະເງິນເຟີ້ ກ່ຽວກັບຊັບສິນຟອງສະບູ່ ການໄຫລເຂົ້າມາຂອງເງິນທຶນ ແລະມັນ
ເປັນການສໍາຄັນທີ່ສຸດທີ່ຈະໃຫ້ການເຕີບໂຕນັ້ນ ຍືນຍົງຖາວອນໄດ້.”
ໃນລາຍງານຜົນການສໍາຫລວດເສດຖະກິດທີ່ນໍາອອກເປີດເຜີຍເມື່ອໄວໆມານີ້ ອົງການ
UNESCAP ທໍານາຍວ່າ ບັນດາເສດຖະກິດທີ່ກໍາລັງພັດທະນາແຫ່ງຂົງເຂດເອເຊຍ ຈະ
ເຕີບໂຕຂື້ນຫລາຍກວ່າ 7 ເປີເຊັນໃນປີ 2011 ນໍາໜ້າໂດຍເສດຖະກິດຂອງຈີນແລະອິນ
ເດຍ ທີ່ຄາດວ່າຈະມີການເຕີບໂຕ ໃນອັດຕາເກືອບເຖິງ 9 ເປີເຊັນ ແຕ່ລາຍງານກໍເວົ້າວ່າ
ຍັງມີຄວາມເປັນຫ່ວງເລຶ່ອງສະພາວະເງິນເຟີ້ຢູ່ ຍ້ອນລາຄາອາຫານແລະພະລັງງານ ທີ່ກໍາ
ລັງຖີບຕົວສູງຂຶ້ນນັບມື້ ທີ່ສົ່ງຜົນໃຫ້ພວກຄົນທຸກຈົນຕ້ອງຕົກເປັນຜູ້ທີ່ໄດ້ຮັບຄວາມເດືອດ
ຮ້ອນຫລາຍທີ່ສຸດນັ້ນ.