ລິ້ງ ສຳຫລັບເຂົ້າຫາ

ເອ​ເຊຍ​ປາຊີ​ຟິກເປັນ​ຂົງ​ເຂດ ທີ່​​ປະ​ສົບ​ກັບ ​ໄພພິບັດ ທໍາມະຊາດ ຫລາຍ​ທີ່​ສຸດ​ (ເບິ່ງວີດິໂອ)

  • ທອງປານ ເທບວົງສາ

ສ່ວນນຶ່ງຂອງຄວາມເສຍຫາຍ ທີ່ເກີດຈາກຟອງຍັກສຸນາມິ ໃນແຂວງ Miyagi ທາງພາກເໜືອຂອງປະເທດຍີ່ປຸ່ນ ລຸນຫຼັງທີ່ໄດ້ເກີດແຜ່ນດິນໄຫວຂະໜາດແຮງ ໃນວັນທີ 11 ມີນາ 2011 ທີ່ຜ່ານມານີ້.

ອົງການສະຫະ​ປະຊາ​ຊາດ​​ໄດ້ຂະຫຍາຍ​ຂອບ​ເຂດ​ຂອງ​ກອງ​ທຶນ​ເຕືອນ​ໄພ​ຄື້ນຟອງ​ຍັກ​ ສຸ​ນະ​ມີ​ສໍາລັບ​ເອ​ເຊຍ ອອກ​ໄປ​ກວມ​ເອົາໂຄງ ການກະກຽມ​ຮັບ​ມື​ກັບ​ໄພ​ພິບັດ ​ແລະ​ການ​ປ່ຽນ​ແປງ​ຂອງ​ດິນ​ຟ້າ​ອາກາດນໍາ.

ພາກ​ພື້ນ​ເອ​ເຊຍ​ປາຊີ​ຟິກ​ເປັນ​ຂົງ​ເຂດ​ທີ່​ມັກ​ປະ​ເຊີນ​ກັບ​ໄພ
ພິບັດ ຫລາຍ​ທີ່​ສຸດ​ຂອງ​ໂລກ ​ແລະ​ອົງການສະຫະ​ປະຊາ​
ຊາດ​ກ່າວ​ວ່າ ມີ​ຄວາມຕ້ອງການ​ເງິນທຶນ​ຕື່ມ​ອີກ​ ເພື່ອ​ກະ
ກຽມ​ພວກ​ປະ​ເທດ​ເຫລົ່າ​ນີ້ ​ໂດຍ​ສະ​ເພາະພວກ​ປະ​ເທດ
ທຸກ​ຍາກຫລາຍ​ນັ້ນ ​ໃຫ້​ຮັບ​ມື​ກັບ​ໄພພິບັດ​ດັ່ງກ່າວ.

ຄະນະ​ກໍາມະການ​ດ້ານເສດຖະກິດ​ແລະ​ສັງຄົມ​ສໍາລັບພາກ
ພື້ນ​ເອ​ເຊຍ​ແລະ​ປາຊີ​ຟິກຂອງສະຫະ​ປະຊາ​ຊາດ ຫລື
UNESCAP ​ໄດ້​ປະກາດ​ໃຫ້​ຮູ້​ໃນ​ວັນ​ຈັນ​ອາທິດ​ແລ້ວນີ້
ກ່ອນ​ເກີດ​ໄພພິບັດ​ແຜ່ນດິນ​ໄຫວ​ແລະ​ຟອງ​ຍັກ​ສຸ​ນາ​ມິ​ທີ່
ຍີ່​ປຸ່ນນັ້ນວ່າ ຕົນ​ຈະຂະຫຍາຍວຽກ​ງານຂອງກອງ​ທຶນ​ດັ່ງ
ກ່າວ​ ທີ່ໄດ້​ຊ່ອຍ​ສ້າງລະ​ບົບ​ເຕືອນ​ໄພ​ຄື້ນຟອງ​ສຸ​ນາ​ມິປະ
ຈໍາ​ຂົງ​ເຂດ​ມາ​ແລ້​ວນັ້ນ. ບັດ​ນີ້​ ກອງ​ທຶນ​ດັ່ງກ່າວ​ຈະ​ກວມ
ເອົາ​ໂຄງການ​ຕ່າງໆ​ສໍາລັບ​ການ​ກະກຽມຮັບ​ມື​ກັບ​ໄພພິບັດ ​ແລະ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ນໍາ.

ຄລິກຢູ່ບ່ອນຈໍ ເພື່ອເບິ່ງວີດິອຄວາມເສຍຫາຍ ຍ້ອນໄພແຜ່ນດິນໄຫວແລະສຸນາມິ ທີ່ຍີ່ປຸ່ນ

ທ່ານ​ນາງ Noeleen Heyzur ຫົວໜ້າ​ບໍລິ​ຫານ​ອົງການ ESCAP ກ່າວ​ວ່າ ມີ​ຄວາມ
ຕ້ອງການ​ຢ່າງ​ຮີບ​ດ່ວນ ສໍາລັບ​ພວກ​ປະ​ເທດ​ທີ່​ຮັ່ງມີແລະມີຄວາມກຽມ​ພ້ອມຫລາຍ​ກວ່າ
ໃນ​ຂົງ​ເຂດ ທີ່​ຈະ​ຕ້ອງ​ຊ່ອຍເຫລືອພວກ​ປະ​ເທດ​ທີ່​ທຸກ​ຈົນ​ກວ່າ ໃຫ້​ກຽມພ້ອມ​ເພື່ອ​ຮັບ​ມື
ກັບ​ໄພພິບັດ​ທໍາ​ມະ​ຊາດ​ຕ່າງໆ​ແລະພາວະ​ສຸກ​ເສີນອື່ນໆ ຊຶ່ງ​ທ່ານ​ນາງ Heyzer ກ່າວ​ວ່າ:

“ຫລາຍໆປະເທດໃນຂົງເຂດບໍ່ມີສະມັດຖະພາບ ຫລືຊັບພະຍາກອນທີ່ຈໍາເປັນ
ສໍາລັບການກະກຽມເພື່ອຮັບມືກັບໄພພິບັດດ້ວຍຕົນເອງ. ພວກປະເທດເຫລົ່ານີ້
ຈະໄດ້ຮັບຜົນປະໂຫຍດຈາກຊັບພະຍາກອນທີ່​ເອົາ​ມາ​ລວມ​ເຂົ້າກັນນັ້ນ ຈະ​ສາມາດ
ເຂົ້າຫາ​ເຂົ້າ​ເຖິງເທັກໂນໂລຈີໃໝ່ໆ ​ເຂົ້າ​ເຖິງ​ການ​ພັດທະນາ​ດ້ານວິຊາຄວາມຮູ້ ແລະ ພາກປະຕິບັດທີ່ດີທີ່ສຸດຈາກທົ່ວພາກພື້ນ. ສິ່ງເຫລົ່ານີ້ ແມ່ນຜົນປະໂຫຍດທີ່
ທາງກອງທຶນນີ້ຕັ້ງວັດຖຸປະສົງເອົາໄວ້.”

ກອງທຶນລະບົບເຕືອນໄພສຸນາມິ ຖືກຈັດຕັ້ງຂຶ້ນມາຫລັງຈາກເກີດຄື້ນຟອງຍັກສຸນາມິຖະຫລົ່ມ
ໃນປີ 2004 ທີ່ມະຫາສະໝຸດອິນເດຍຊຶ່ງໄດ້ປະທະ 12 ປະເທດເປັນຢ່າງໜ້ອຍ ແລະເຮັດ
ໃຫ້ຜູ້ຄົນເສຍຊີວິດໄປຫລາຍກວ່າ 2 ແສນຄົນ.

ເງິນບໍລິຈາກສ່ວນໃຫຍ່​ໃສ່ກອງທຶນດັ່ງກ່າວ ​ແມ່ນ​ມາ​ຈາກປະ​ເທດໄທ ແລະ Sweden ຊຶ່ງຕໍ່
ມາກໍ​ໄດ້ຮັບການບໍລິຈາກທຶນສົມທົບຈາກ Bangladesh, ເນປານ ເຕີກກີ ແລະ Netherlands..

ເວລານີ້ ພວກປະເທດຕ່າງໆ​ພວມທົບທວນຄືນ​ເບິ່ງຄໍາໜັ້ນສັນຍາສໍາລັບເງິນທີ່​ຕົນ​ຈະບໍລິຈາກ
ໃຫ້​ແກ່ກອງທຶນທີ່ຖືກຂະຫຍາຍອອກນີ້.

ທ່ານກະສິດ ພີຣົມ ລັດຖະມົນຕີຕ່າງປະເທດໄທກ່າວວ່າ ພວກເຂົາເຈົ້າໄດ້ຮຽກຮ້ອງໄປຍັງ
ປະເທດອື່ນໆ ໃຫ້ຮັບປາກ​ທີ່​ຈະບໍລິຈາກເງິນ ແລະໃຫ້ການສະໜັບສະໜຸນ​ແກ່​ກອງ​ທຶນ​ນີ້
ຊຶ່ງທ່ານກະສິດ ພິຣົມ ອະທິບາຍ​ວ່າ:

"ໃນປັດຈຸບັນນີ້ ມີພຽງແຕ່ 5 ຫລື 6 ປະເທດເທົ່ານັ້ນ. ດັ່ງນີ້ ຂ້າພະເຈົ້າຈຶ່ງຄຶດວ່າ
ພວກເຮົາຕ້ອງການເງິນຕື່ມອີກ ເພື່ອວ່າພວກເຮົາຈະສາມາດດໍາເນີນກິດຈະ​ກໍາ
ຢ່າງຮອບດ້ານໄດ້ຫລາຍຂຶ້ນ ແຕ່​ເລື້ອງນີ້ ມັນກໍເປັນຄວາມຮັບຜິດຊອບຮ່ວມກັນ​
ແນວ​ນຶ່ງສໍາລັບໝົດທຸກປະເທດ."

ທຸກໆປີ ພາກພື້ນເອເຊຍປາຊີຟິກໄດ້ປະທະກັບໄພແຜ່ນດິນໄຫວ ພາຍຸລະດູຮ້ອນ ນໍ້າຖວ້ມ
ຈາກລົມພາຍຸມໍລະສຸມ ແລະດິນເຈື່ອນຫລາຍໆ​ຄັ້ງ.

ພວກເດັກນ້ອຍທີ່ໄດ້ຮັບເຄາະຮ້າຍຈາກລົມພາຍຸ Cyclone Nagis ທີ່ປະທະມຽນມາໃນປີ 2008.
ພວກເດັກນ້ອຍທີ່ໄດ້ຮັບເຄາະຮ້າຍຈາກລົມພາຍຸ Cyclone Nagis ທີ່ປະທະມຽນມາໃນປີ 2008.

ຄວາມເສຍຫາຍຈາກ​ໄພ​ທໍາ​ມະ​
ຊາດ​ເຫລົ່າ​ນີ້ເພິ່ມທະວີຄວາມ​
ຮ້າຍ​ແຮງ​ຂຶ້ນ ຍ້ອນ​ວ່າຂົງເຂດ
ດັ່ງກ່າວມີປະຊາກອນຢ່າງ
ຫລວງຫລາຍ ຮວມທັງມີເຂດ
ສອກຫລີກຫ່າງໄກໃນຫລາຍ
ພື້ນ​ທີ່ ເຊ່ນພວກປະເທດເກາະ
ບາງແຫ່ງໃນມະຫາສະໝຸດ
ປາຊີຟິກ ແລະພວກປະເທດ
ທີ່ທຸກຈົນທີ່ສຸດ ເຊ່ນ ມຽນມາ
ແລະ Bangladesh ເປັນຕົ້ນ.
ຍົກໂຕຢ່າງ ໃນປີ 2008 ມຽນມາກໍໄດ້ຮັບ​ຄວາມ​ເສຍ​ຫາຍຢ່າງຮ້າຍແຮງ ຈາກລົມພາຍຸ
Cyclone Nargis ຊຶ່ງໄດ້ເອົາຊີວິດຜູ້ຄົນໄປ 140 ພັນຄົນ ແລະປະຊາຊົນຫລາຍໝື່ນຄົນ ບໍ່ມີບ່ອນພັກພາອາໄສ.

ອົງການສະຫະປະຊາຊາດກ່າວວ່າ ນັບແຕ່ປີ 2000 ຫາ 2008 80% ຂອງພວກທີ່ໄດ້ ຮັບເຄາະຮ້າຍຈາກໄພພິບັດທໍາມະຊາດຂອງໂລກ ແມ່ນຢູ່ໃນພາກພື້ນເອເຊຍປາຊີຟິກ.

ຫລ້າ​ສຸດ​ກໍ​ຄື​ປະ​ເທດ​ຍີ່​ປຸ່ນທີ່​ໄດ້​ປະສົບ​ກັບ​ໄພ​ແຜ່ນດິນ​ໄຫວ​ແລະຄຶ້ນ​ຟອງ​ຍັກ​ສຸ​ນາ​ມິທີ່ຮ້າຍ
ແຮງ ​ເມື່ອ​ວັນ​ສຸກ​ ທີ 11 ມີນາ​ ​ນີ້​ເອງ.

XS
SM
MD
LG