ລິ້ງ ສຳຫລັບເຂົ້າຫາ

ມົນລະພິດອາກາດໃນເອເຊຍ ຮ້າຍແຮງທີ່ສຸດ (ເບິ່ງວີດີໂອ)

  • ດາຣາ ບັກຄໍາ

ໝອກຄວັນມົນລະພິດອາກາດ ທີ່ປົກຄຸມຮ່ອງ​ກົງ ເປັນປະຈໍາທຸກມື້.

ການ​ເຕີບ​ໂຕ​ທາງເສດ​ຖະກິດ​ຢ່າງ​ໄວ​ຂອງ​ຂົ​ງ​ເຂດ​ເອ​ເຊຍ​ໃນ​ບໍ່​ເທົ່າ​ໃດ​ປີຜ່ານມານັ້ນ ​ແມ່ນໄດ້​ ນໍາ​ເອົາ​ຄວາມ​ເສຍ​ຫາຍ​ມາສູ່ສະພາບ​ແວດ​ລ້ອມ ທີ່​ສາມາດ​ບັ່ນ​ທອນສຸຂະພາບ​ຂອງ​ປະຊາ ຊົນຢ່າງ​ໃຫຍ່ຫລວງ​ໄດ້. ຜູ້​ສື່​ຂ່າວວີ​ໂອ​ເອ Pros Laput ລາຍງານ​ວ່າ ​​ໃນ​ຂະນະ​ທີ່ຜູ້​ຄົນ​ສ່ວນ​ໃຫຍ່​ພາກັນ​ຖື​ວ່າ ມົນລະ​​ພິດ​ອາກາດ​ທີ່ເກີດຈາກ​ໂຮງ​ຈັກຮງງານ​ຕ່າງໆ​ ແລະຍວດຍານ ພາຫາ​ນະ​ທີ່ແອອັດຢູ່ຕາມຖະໜົນຫົນທາງນັ້ນເປັນພາກສ່ວນນຶ່ງຂອງບັນຫາ ແຕ່ນອກນີ້ແລ້ວ ກໍຍັງມີຄວາມເປັນຫ່ວງກ່ຽວກັບຄຸນນະພາບຂອງອາກາດຢູ່ຕາມຊົນນະບົດນໍາອີກ. ດາຣາມີ ເລຶ່ອງນີ້ມາສະເໜີທ່ານ.

ຄືກັບຫລາຍໆຫົວເມືອງໃຫຍ່ໃນຂົງເຂດເອເຊຍນັ້ນ ຮ່ອງ​ກົງ​ແມ່ນ​ປົກ​ຄຸມ​ໄປ​ດ້ວຍໝອກຄວັນ
ອັນໜາແໜ້ນຈາກ​ໂຮງ​ຈັກ​ໂຮງງານ​ແລະ​ຄວັນ​ອາຍ​ເສຍ​ຈາກຍວດ​ຍານ​ພາຫາ​ນະ ທີ່ເປັນຕົວ
ການ​ເຮັດ​ໃຫ້ເປັນໂຣກຫົວໃຈ ແລະອາ ການເຈັບປ່ວຍທາງລະບົບຫາຍໃຈ.

ສາສະດາຈານ ຊີ​ແອັມ ວອງ(CM Wong) ປະ​ຈໍາ​ສະ​ຖາ​ບັນ​ສາທາລະນະ​ສຸກ​ຂອງມະຫາ
ວິທະຍາ​ໄລ​ຮ່ອງ​ກົງ​ ກ່າວ​ວ່າ:

“ມົນ​ລະພິດ​ອາກາດ​ໃນ​ຂົງ​ເຂດ​ເອ​ເຊຍ​ແມ່ນ​ ຖື​ວ່າ​ເປັນ​ເລຶ່ອງໜັກໜ່ວງ​ຫລາຍ​ກວ່າ
ເຂດ​ອື່ນ​ໃດ ​ເນຶ່ອງຈາກ​ການ​ເຕີບ​ໂຕ​ທາງເສດຖະກິດ ​ແລະ​ການ​ປ່ອຍມົນ​ລະພິດ
ເຂົ້າ​ສູ່ອາກາດ​ ​ແມ່ນມີ​ຢ່າງ​ຫລວງຫລາຍ​ໃນ​ຂົງ​ເຂດເອ​ເຊຍ.”


ສາສະດາຈານ CM Wong ກ່າວ​ຕໍ່​ໄປວ່າ ທ່ານ​ພົບ​ເຫັນ​ຄວາມ​ກ່ຽວ​ພັນ​ກັນຢ່າງ​ໃກ້​ຊິດ ລະ
ຫວ່າງ​ມົນລະ​ພິດ​ອາກາດ ​ແລະ​ອັດຕາ​ການ​ເສຍ​ຊີວິດ​ຢູ່​ໃນ​ເຂດ​ສູນ​ກາງ​ອຸດສາຫະກໍາ​ຂອງ​ຈີນ
ກໍ​ຄືເມືອງ Wuhan, Hongkong ​ແລະ Shianghai ນັ້ນ ພ້ອມ​ກັບ​ເມືອງ​ຫລວງ​ບາງກອກ​
ຂອງ​ໄທ​ ນໍາ ຊຶ່ງທ່ານກ່າວວ່າ:

“ຫລັກ​ຖານ​ຂອງ​ພວກ​ເຮົາ​ແມ່ນ​ສອດຄ່ອງ​ກັນ ໃນ​ພວກ​ສີ່​ຕົວ​ເມືອງນີ້.”

ການຂະຫຍາຍໂຕທາງເສດຖະກິດຢ່າງວ່ອງໄວຂອງ ຂົງເຂດເອເຊຍໄດ້ສົ່ງຜົນກະທົບຕໍ່ສະພາບແວດລ້ອມ ແລະສຸຂະພາບຂອງປະຊາຊົນ ຢ່າງໃຫຍ່ ໃນບໍ່ເທົ່າ ໃດປີມານີ້.
ການຂະຫຍາຍໂຕທາງເສດຖະກິດຢ່າງວ່ອງໄວຂອງ ຂົງເຂດເອເຊຍໄດ້ສົ່ງຜົນກະທົບຕໍ່ສະພາບແວດລ້ອມ ແລະສຸຂະພາບຂອງປະຊາຊົນ ຢ່າງໃຫຍ່ ໃນບໍ່ເທົ່າ ໃດປີມານີ້.


ທີ່ຮ່ອງ​ກົງນັ້ນ ສະພາບ​ອາກາດ
ເປື້ອນ​ເປີະ ຮອດໄດ້​ເລີ່​ມສົ່ງ​ຜົນ​
ກະທົບ​ຕໍ່​ຊື່​ສຽງ​ຂອງ​ເມືອງ​ ໃນ​
ຖານະ​ເປັນ​ສູນ​ກາງ​ການ​ເງິນ​
ລະຫວ່າງ​ຊາດ. ພວກ​ທຸລະ​ກິດ
ໃນ​ພາກສ່ວນການ​ເງິນ​ກ່າວ​ວ່າ
ດຽວ​ນີ້ ມັນ​ລໍາບາກ​ຂຶ້ນຫລາຍ
ກວ່າ​ເກົ່າ​ທີ່​ຈະດຶງ​ດູດ​ເອົາ​ຄວາມ
ສາມາດ​ພິ​ເສດ​ຈາກ​ປະ​ເທດ​ອື່ນໆ
ເຂົ້າມາໄດ້ ຍ້ອນຄຸນ​ນະພາ​ບ ຂອງອາ​ ກາດ.

ເຄິ່ງນຶ່ງ​ຂອງ​ອາກາດ​ເປື້ອນ​ເປີະ
ຂອງຮ່ອງ​ກົງ ​ແມ່ນ​ມາ​ຈາກ​ການ​
ຂົນ​ສົ່ງ​ຢູ່​ຕາມ​ເຂດເມືອງ ​ເຊັ່ນລົດ
ເມ ​ເຮືອ​ບັກ ທີ່​ປ່ອຍແກ​ສ
nitrogen dioxide ອອກ​ມາ
ຊຶ່ງ​ແກ​ສດັ່ງກ່າວ​ເປັນຕົວ​ສ້າງ​ມົນ​ລະ​ພິດ​ທີ່​ພວກ​ນັກ​ວິທະຍາ​ສາດ​ກ່າວ​ວ່າ ສາມາດສ້າງ​ບັນ​ຫາ
ແຊກ​ຊ້ອນໃຫ້​ແກ່ພວກ​ເດັກນ້ອຍ​ທີ່​ເປັນ​ໂຣກ ຫື​ດໄດ້.

ອົງການ​ອະນາ​ໄມ​ໂລກ ປະ​ເມີນ​ວ່າ ລະດັບ​ທີ່​ວ່າ​ປອດ​ໄພຂອງ​ແກ​ສ nitrogen dioxide
ຫລື N-O-2 ນັ້ນ ຄວນ​ຈະ​ຢູ່ໃນ​ປະ​ລິ​ມານ​ໂດຍສະ ​ເລ່ຍ ບໍ່​ໃຫ້​ເກີນ 40 micrograms
ຕໍ່​ນຶ່ງ​ເມັດ​ກ້ອນ​ຕໍ່​ປີ. ທ່ານ ວອງ ກ່າວ​ວ່າ:

“ພວກ​ເຮົາ​ ສາມາດສະ​ແດງ​ໃຫ້ເຫັນໄດ້ວ່າ ​ໃນ​ມື້​ນຶ່ງ​ໆນັ້ນ ລະດັບຂອງ​ແກ​ສ nitrogen dioxide ສາມາດ​ສູງຮອດ 130, 140 ກໍ​ມີ.”

ທ່ານ ທີ​ຄິວ ທັກ ນັກ​ຄົ້ນຄວ້າປະ​ຈໍາ​ມະຫາວິທະຍາ​ໄລ​ຮ່ອງ​ກົງ ​ໄດ້​ສຶກສາ​ລະດັບ​ແກ​ສ
nitrogen dioxide ​ມາເປັນ​ເວລາ 11 ປີ. ຜົນການ​ສຶກສາ​ຂອງ​ທ່ານພົບວ່າ ມີ​ຄວາມ
ກ່ຽວພັນ​ກັນ​ລະຫວ່າງ​ຄວາມ​ສາມາດ​ໃນ​ການ​ມອງ​ເຫັນ​ທີ່ຕໍ່າລົງ ​ແລະ​ອັດຕາ​ການ​ເສຍ​ຊີ
ວິດ​ທີ່ສູງ​ຂຶ້ນກວ່າ ຊື່ງທ່ານກ່າວວ່າ:

“ຈາກ​ທີ່​ຂ້າພະ​ເຈົ້າ​ສາມາດ​ມອງເຫັນ​ໄດ້​ຢູ່​ທີ່ນີ້ ກໍ​ຄື​ໄລຍະ​ທີ່​ມອງ​ເຫັນ​ໄດ້ ​ແມ່ນ
ບໍ່​ເກີນ​ກວ່າຫ້າຫລັກ​ກິ​ໂລແມັດ. ພວກ​ເຮົາໄດ້​ຄົ້ນພົບ​ວ່າ ສໍາລັບ​ຄວາມ​ສາມາດ​
ມອງເຫັນໄດ້ທີ່​ລົດ​ຕໍ່​າລົງ​ ​ໃນທຸກໆ 6 ກິ​ໂລແມັດ​ເຄິ່ງ ​ເຮົາ​ກໍ​ຈະ​ເຫັນ​ອັດຕາ​
ການ​ເສຍ​ຊີ​ວິດ ​ເພີ່ມ​ຂື້ນ 1.13 ​ເປີ​ເຊັນ.”


ໃນ​ຊຸມ​ປີ 1990 ນັ້ນ ຮ່ອງ​ກົງ​ສາມາດ​ປັບປຸງ​ຄຸນ​ນະພາ​ບອາກາດ​ຂອງ​ຕົນ ​ໄດ້ ໂດຍ​ການ
ວາງ​ຂໍ້​ຈໍາກັດຕໍ່​ການ​ປ່ອຍ​ສານ sulfur dioxide ຊຶ່ງເປັນສານ​ທີ່​ກໍ່​ໃຫ້ເກີດ​ພະຍາດ​ຫລອດ
ລົມ​ຫາຍ​ໃຈ​ໃນ​ພວກ​ເດັກນ້ອຍ​ຫລາຍ​ຂຶ້ນ ​ແລະ​ການ​ເສຍ​ຊີວິດ​ໃນ​ພວກ​ຄົນ​ເຖົ້າ.

ທ່ານ ຄາລສັນ ​ແຈນ(Carlson Chan) ຜູ້​ຮັບ​ຜິດ​ຊອບນະ​ໂຍບາຍກ່ຽວ​ກັບຄຸນ​ນະພາ​ບ
ຂອງອາກາດ​ປະຈໍາ​ກົມ​ປົກ​ປ້ອງສະພາບ​ແວດ​ລ້ອມ​ຂອງ​ຮ່ອງ​ກົງ ກ່າວ​ວ່າ ບັນດາ​ບໍລິສັດ​
ທັງຫລາຍ​ສາມາດພົບ​ ວິທີ​ການຫລົບຫລີກຂໍ້​ຈໍາກັດ​ທີ່​ເຄັ່ງ​ຄັດຂຶ້ນກ່ວາ​ເກົ່ານັ້ນ​ໄດ້ ຊຶ່ງທ່ານ ກ່າວ​ວ່າ:

“ເວລາ​ພວກ​ເຮົາ​ຮັດເຄັ່ງ​ສ່ວນ​ປະກອບຂອງ​ສານ sulfur ຢູ່​ໃນນໍ້າມັນກາຊ່ວນ
ອຸດສາຫະກໍາ ຂຶ້ນຈາກ 0.5 ​ເປີ​ເຊັນ ເປັນ 0.005 ​ເປີ​ເຊັນ​ໃນ​ປີ 1998 ​ນັ້ນ
ການ​ຕ້ານທານ​ໃດໆ​ໃນ​ເວລາ​ນັ້ນ​ບໍ່​ ຫລາຍ​ປານ​ໃດ ສ່ວນໃຫຍ່​ກໍແມ່ນ​ເນຶ່ອງ
ຈາກ​ວ່າ ພວກບໍລິສັດຜະລິດ​ທັງ ຫລາຍ​ໄດ້​ຍ້າຍໂຮງ​ຈັກ​ໂຮງງານ​ຂອງ​ພວກ​
ເຂົາ​ເຈົ້າ ໜີຂ້າມ​ໄປ​ຕັ້ງຢູ່​ອີກ ຟາກ​ນຶ່ງຊາຍ​ແດນ.”


ຄົນ​ລະ​ຟາກ​ກັບຊາຍ​ແດນ​ຮ່ອງ​ກົງນັ້ນ ກໍ​ຄື​ແຂວງ​ກວາງ​ຕຸ້ງ ສູນ​ກາງ​ອຸດສາຫະກໍາ​ສົ່ງ​
ອອກ​ຂອງ​ຈີນ ​ແຕ່​ວ່າ ເມື່ອ​ໂຮງ​ຈັກ​ໂຮງງານ​ຢູ່​ທີ່​ນັ້ນເພີ່ມ​ທະວີ​ຂຶ້ນ ​ມົນລະ​ພິດ​ອາກາດ
ກໍກັບ​ຄືນ ​ເຂົ້າມາ​ຍັງ​ຮ່ອງ​ກົງອີກ.

ບັນຫາ​ທີ່​ວ່າ​ນີ້​ບໍ່​ໄດ້​ມີ​ສະ​ເພາະແຕ່ຢູ່​ຕາມ​ຫົວ​ເມືອງ​ຕ່າງໆ​ຂອງ​ຂົງ​ເຂດ​ເອ​ເຊຍເທົ່າ​ນັ້ນ.
ໃນ​ເຂດ​ພາກ​ເໜືອ​ຂອງ​ໄທ ໝອກຄວັນຈາກ​ໄຟ​ປ່າ ຈະ​ປົກ​ຄຸມບໍລິ​ເວນພູ​ເຂົາ ​ໂດຍ​ສະ
ເພາະ​ໃນ​ລະດູ​ແລ້ງ ເວລາ​ພວກ​ຊາວສວນ​ພາກັນ​ຖາງ​ໄຮ່ປູກ​ພືດ​ພັນ​ຂອງພວກ​ເຂົາ​ເຈົ້າ.

ຊາວສວນ​ເຮັ​ດໄຮ່ຄົນ​ນຶ່ງ​ກ່າວ​ປ້ອງ​ກັນ​ປະ​ເພນີ​ທີ່​ປະຕິບັດ​ກັນມາ​ຂອງ​ພວກ​ເຂົາ​ເຈົ້າ ຄືການ
ຈູດ​ໄຮ່​ກ່ອນ​ຈະປູກຝັງ​ນັ້ນ ວ່າ​ດັ່ງນີ້:

// ສຽງພາສາໄທ //

ລາວ​ເວົ້າ​ວ່າ ​“ຖ້າ​ຫາກ​ແມ່ນ​ໄຟ​ປ່າ ມັນ​ກໍຈະ​ສ້າງ​ຜົນ​ກະທົບ​ຕໍ່​ອາ​ກາດ​ ​ແຕ່​ວ່າ ຂ້ອຍ
ຈູດ​ແຕ່​ພຽງ​ໜ້ອຍ​ດຽວ​ເທົ່າ​ນັ້ນ.”

ແນວ​ໃດ​ກໍ​ດີ ສາ​ສະ​ດາ​ຈານ​ທິບ​ພະວັນ ປຣາປະ​ມົນທົນ ປະ​ຈໍາ​ມະຫາວິທະຍາ​ໄລ​ຊຽງ​ໃໝ່
ແລະ​ທີ​ມງານ​ຂອງ​ທ່ານ​ນາງ ພົບ​ເຫັນ​ສານ​ທີ່​ເປັນຕົວສ້າງມົນ​ລະ​ພິດ ທີ່​ເອີ້ນ​ວ່າສານ​ກິ່ນ​ຫອມ
ຄາບ​ອນກັບ​ໄຮ​ໂດ​ຣ​ເຈັນ ຫລື polycyclic aromatic hydrobarbons ຫລື P-A-H
ນັ້ນ ​ໃນລະດັບ​ສູງ ຢູ່​ໃນ​ໝູ່ພວກ​ຊາວ​ເຂົາ ຊຶ່ງ​ປາກົດ​ວ່າ​ ​ສູງ​ກວ່າ​ລະດັບທີ່​ພົບ​ເຫັນ​ຢູ່​ໃນ​ພວກ
ຄົນ​ທີ່​ອາ​ໃສ​ຢູ່​ຕາມຕົວ​ເມືອງນັ້ນ​ອີກ.

ທ່ານ​ນາງທິບ​ພະວັນ​ເວົ້າວ່າ “ຢູ່​ໃນ​ເຂດ​ຕົວ​ເມືອງ​ໃນ​ແຂວງ​ນີ້ ມັນ​ມີ​ລະດັບສໍ່າ​ນີ້ ​ແຕ່​ຢູ່​
ເຂດ​ຊົນນະບົດ ກັບມີ​ລະດັບ​ສູງສໍ່າ​ນີ້.”

P-A-H ​ເປັນສານ​ທີ່​ພົບ​ເຫັນ​ຢູ່​ຕາມ​ທໍ່​ອາຍ​ເສຍ​ຂອງ​ລົດຍົນ ​ແລະ​ຢູ່​ຕາມ​ຢາງມະ​ຕອຍທີ່​ໃຊ້​ປູ
ຖະໜົນ​ຫົນທາງ ຕະຫລອດ​ທັງຢູ່​ຕາມ​ໂຮງງານ​ທີ່​ຈູດ​ເຜົາ​ໄຟ ​ແລະ​ຕາມຂີ້​ເຫຍື້ອ ເປັນ​ຕົ້ນ. ​
ເຈົ້າໜ້າ​ທີ່ປົກ​ປ້ອງ​ສະພາບ​ແວດ​ລ້ອມ​ສະຫະລັດ​ກ່າວ​ວ່າ ການ​ຖືກເຜີຍ​ແບ​ໃສ່ສານ P-A-H
ຢ່າງ​ໜັກ​ນັ້ນ ສາມາດ​ລະງັບ​ລະບົບພູມ​ຕ້ານທານຂອງ​ຄົນເຮົາ​ໄດ້. ທ່ານ​ນາງ​ທິບ​ພະວັນ​ກ່າວ​ວ່າ:

“ມັນ​ເປັນ​ການ​ຍາກ​ຫລາຍທີ່​ຈະ​ບອກ​ພວກ​ຄົນເຫລົ່າ​ນັ້ນວ່າ ທ່ານ​ອາດບໍ່​ມີ​ບັນຫາ​
ຫຍັງ​ໃນເວລາ​ນີ້ ​ແຕ່​ທ່ານຈະ​ມີ​ບັນຫາ​ແນ່​ນອນໃນ​ອະນາຄົດ.”

ພວກ​ຊ່ຽວຊານໄດ້​ຮຽກຮ້ອງ​ໃຫ້​ລັດ​ຖະບານ​ທັງຫລາຍ ​ອອກ​ນະ​ໂຍບາຍທີ່​ເຄັ່ງ​ຄັດ​ຫລາຍ​ຂຶ້ນ
ກວ່າເກົ່າ ​ເພື່ອ​ປັບປຸງ​ຄຸນ​ນະພາ​ບອາກາດ ​ແຕ່​ເຖິງ​ແມ່ນ​ວ່າ​ພວກ​ເຈົ້າໜ້າ​ທີ່​ຈະ​ປະຕິບັດ​ຕາມ
ເປົ້າໝາຍ​ຂອງລະດັບ​ມົນ​ລະພິດ​ຂອງ​ອົງການອະນາ​ໄມ​ໂລກ​ ສໍ​າລັບ​ຫົວ​ເມືອງ​ໃຫຍ່​ຕ່າງໆ
ເຊັ່ນຮ່ອງ​ກົງ​ນັ້ນກໍ​ຕາມ ມັນ​ກໍ​ຈະ​ໃຊ້​ເວລາ​ຫລາຍ​ສິບ​ປີກ​ວ່າ​ທີ່​ຈະ​ນໍາ​ເອົາ​ຄຸນ​ນະພາ​ບອາກາດ​
ກັບ​ຄືນ​ມາ​ຢູ່​ໃນລະດັບ​ທີ່​ປອດ​ໄພ​ກວ່າ​ເກົ່າໄດ້.

ເບິ່ງວີດີໂອ ພາສາອັງກິດ

XS
SM
MD
LG