ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານ Carter ກ່າວວ່າ ການໃຫ້ຄວາມເຫັນ ຂອງ ປ. ຟີລິບປິນ ເປັນທີ່ໜັກໃຈ


ລັດຖະມົນຕີປ້ອງກັນປະເທດສະຫະລັດ ທ່ານ Ash Carter ກ່າວໃນລະຫວ່າງ ການຖະແຫຼງຂ່າວ ກ່ຽວກັບກອງປະຊຸມ ລມຕ ປ້ອງກັນປະເທດອາຊ່ຽນ ທີ່ລັດຮາວາຍ. (30 ກັນຍາ 2016)
ລັດຖະມົນຕີປ້ອງກັນປະເທດສະຫະລັດ ທ່ານ Ash Carter ກ່າວໃນລະຫວ່າງ ການຖະແຫຼງຂ່າວ ກ່ຽວກັບກອງປະຊຸມ ລມຕ ປ້ອງກັນປະເທດອາຊ່ຽນ ທີ່ລັດຮາວາຍ. (30 ກັນຍາ 2016)

ລັດຖະມົນ​ຕີ​ກະຊວງ​ປ້ອງ​ກັນ​ປະ​ເທດສະຫະ​ລັດ ທ່ານ Ash Carter ກ່າວ​ວ່າ ທ່ານ​ຮູ້ສຶກ​ວ່າ ການ​ໃຫ້​ຄວາມ​ເຫັນ​ຂອງ​ປະທານາທິບໍດີ​ຟີ​ລິບ​ປິນທີ່​ປຽບທຽບ​ທ່ານໃສ່​ຜູ້ນຳ​ນາ​ຊີ​ເຢຍ ຣະມັນ ທ່ານ Adolf Hitler ນັ້ນ ​ແມ່ນ “ໜ້າ​ໜັກ​ໃຈ​ທີ່​ສຸດ”

​ໃນ​ການ​ຖະ​ແຫຼງຕໍ່​ພວກ​ນັກ​ຂ່າວ ​ທີ່​ລັດ​ຮາ​ວາຍ ຫລັງ​ຈາກ​ໄດ້​ພົບ​ປະ​ກັບ​ບັນດາລັດຖະມົນ ຕີ​ກະຊວງ​ປ້ອງ​ກັນ​ປະ​ເທດ​ຂອງ​ອາ​ຊ່ຽນ​ແລ້ວ ທ່ານ Carter ກ່າວ​ວ່າ ການ​ໃຫ້​ຄວາມ​ເຫັນ​ ຂອງ​ປະທານາທິບໍດີຟີ​ລິບ​ປິນ ທ່ານ Rodrigo Duterte ​ເມື່ອ​ໄວໆ​ມານີ້ ​ແລະ​ການ​ປະຕິ ບັດ​ການ​ພາຍ​ໃນ ບໍ່​ໄດ້​ຖືກ​ຍົກ​ຂຶ້ນມາ​ຫາລື​ກັນ​ ໃນລະຫວ່າງ​ກອງ​ປະຊຸມ​ໃນ​ມື້ວັນ​ສຸກ​ວານ​ນີ້ ດັ່ງ​ນັ້ນ ທ່ານ​ຈຶ່ງ​ຂໍ​ໃຫ້​ຄວາມ​ເຫັນ​ສ່ວນໂຕ​ຂອງ​ທ່ານ.

​ໃນ​ວັນ​ສຸກ​ວານ​ນີ້ ທ່ານ Duterte ​ໄດ້​ປຽບທຽບ​ທ່ານ​ເອງ ໃສ່​ຜູ້ນຳ​ ຂອງ​ນາ​ຊີ​ເຢຍຣະມັນ ​ໂດຍ​ກ່າວ​ວ່າ “Hitler ​ໄດ້​ສັງຫານ​ໝູ່​ຊາວ​ຢິວ 3 ລ້ານ​ຄົນ. ​ເວລາ​ນີ້ມີຜູ້​ຕິດ​ຢາ 3 ລ້ານ​ຄົນ... ຂ້າພະ​ເຈົ້າຍິນ​ດີ​ທີ່​ຈະ​ສັງຫານ​ພວກ​ເຂົາ.”

ຕຳຫຼວດຟີ​ລິບ​ປິນ ​ແລະ​ພວກ​ຕໍ່ຕ້ານ​ອາ​ຊະ​ຍາ​ກຳ​ພົນລະ​ເຮືອນ​ໄດ້​ສັງຫານ​ຢ່າງ​ໜ້ອຍ 3 ພັນ​ຄົນ ທີ່​ໃຊ້ແລະ​ຂາຍ​ຢາ​ເສບ​ຕິດນັບແຕ່​ທ່ານ Duterte ​ໄດ້ເຂົ້າຮັບ​ຕຳ​ແໜ່ງເມື່ອ​ທ້າຍ​ ເດືອນ​ມິຖຸນາ​ຜ່ານ​ມາ.

ການ​ໃຫ້​ຄວາມ​ເຫັນ​ຂອງ​ທ່ານ ​ໄດ້​ຖືກ​ປະນາມ​ໂດຍ​ກຸ່ມ​ຊາວ​ຢິວ​ຢູ່ໃນ​ສະຫະລັດວ່າ ​ເປັນ​ເລື້ອງທີ່​ບໍ່​ເໝາະ​ສົມ​ແລະ​ສ້າງ​ຄວາມ​ເຈັບ​ປວດ.

​ໂຄສົກ​ຂອງ​ທ່ານ Duterte ​ໄດ້​ປະຕິ​ເສດ ຕໍ່​ການ​ປຽບທຽບ​ໃສ່ Hitler ​ໃນ​ວັນ​ເສົາ​ມື້ນີ້ໂດຍ​ກ່າວ​ວ່າ “ພວກ​ເຮົາ​ບໍ່​ປະສົງ ​ທີ່​ຈະຫລຸດຜ່ອນ ​ຕໍ່​ການ​ສູນ​ເສຍຂອງຊາວ​ຢິວ 6 ລ້ານ​ຄົນ​ໃນ​ການ​ຂ້າ​ລ້າ​ງ​ເຊື້ອຊາດ​ເຜົ່າ​ພັນ Holocaust.....ການກ່າວ​ອ້າງ​ ຂອງ​ປະທານາທິບໍດີ ​ເຖິງ​ການ​ສັງຫານ​ດັ່ງກ່າວ ແມ່ນພຽງ​ພ້ຽນ​ໄປຈາກວິທີ​ທາງ ​ທີ່​ທ່ານ​ໄດ້​ຖືກ​ວາດ​ພາບວ່າ ​ເປັນ​ຜູ້​ສັງຫານ​ໝູ່ Hitler ຊຶ່ງ​ເປັນ​ເຄື່ອງ ໝາຍ​ທີ່​ທ່ານ​ໄດ້​ປະຕິ​ເສດ.”

​ໃນ​ອີກ​ດ້ານ​ນຶ່ງ​ນັ້ນ ທ່ານ Carter ໄດ້ກ່າວ​ໃນ​ວັນ​ພະຫັດ​ຜ່ານ​ມານີ້ວ່າ ຄວາມສຳພັນ​ທາງ ດ້ານທະຫານ ລະຫວ່າງສະຫະລັດ ​ແລະຟິລິບ​ປີນ ແມ່ນ​ຍັງ “​ມີ​ຄວາມ​ແໜ້ນ​ແຟ້ນ” ​ເຖິງ ແມ່ນ​ຫວ່າງ​ບໍ່ດົນ​ມານີ້ ປະທານາທິບໍດີ​ຟິລິບ​ປີນ ​ໄດ້​ກ່າ​ວວ່າ ກຳລັງ​ພິ​ເສດ​ສະຫະລັດຢູ່​ໃນ​ຖ​ານທັບຟິລິບ​ປີນ​ແຫ່ງ​ຕ່າງໆນັ້ນ ຄວນ​ຈະຖອນ​ອອກ​ໄປ.

ອ່ານຂ່າວນີ້ີ້ຕື່ມເປັນພາສາອັງກິດ

Philippines Duterte
please wait
Embed

No media source currently available

0:00 0:01:00 0:00

XS
SM
MD
LG