ບັນດາຜູ້ນຳປະເທດໃນກຸ່ມອາຊຽນ ກຳລັງພົບປະກັນຢູ່ທີ່ມຽນມາ
ບ່ອນທີ່ພວກເຂົາເຈົ້າຕັ້ງຄວາມຫວັງວ່າຈະສ້າງຄວາມຄືບໜ້າ
ພໍປານປະມານກ່ຽວກັບການລົດຜ່ອນຄວາມເຄັ່ງຕຶງລົງ ໃນທະ
ເລຈີນໃຕ້ນັ້ນ.
ກອງປະຊຸມສຸດຍອດຄັ້ງທີ 25 ຂອງບັນດາປະເທດໃນພາກພື້ນ
ເອເຊຍຕາເວັນອອກສຽງໃຕ້ ຫຼືກຸ່ມອາຊຽນ ກຳລັງເພ່ງເລັງເຊັ່ນ
ກັນໃສ່ການຂະຫຍາຍການຮວມໂຕເຂົ້າກັນທາງດ້ານເສດຖະກິດ
ໃນບັນດາ 10 ປະເທດສະມາຊິກຂອງກຸ່ມ.
ໃນການໄຂກອງປະຊຸມໃນວັນພຸດມື້ນີ້ ປະທານາທິບໍດີ Thein Sein ແຫ່ງມຽນມາ ກ່າວວ່າ ເປັນສິ່ງສຳຄັນທີ່ສຸດສຳລັບພວກປະເທດສະມາຊິກ ໃຫ້ຮ່ວມສາມັກຄີກັນກ່ອນການເລີ້ມເປີດເຂດການຄ້າເສລີຂອງກຸ່ມ ອາຊຽນໃນປີໜ້ານີ້ ຊຶ່ງທ່ານກ່າວວ່າ
“ອາຊຽນຕ້ອງການຮັກສາໄວ້ແຫ່ງຄວາມແຂງແຮງດ້ານເສດຖະກິດ ໂດຍເພີ້ມ
ການຮວມໂຕກັນຢ່າງເຂັ້ມຂົ້ນ ແລະດຳເນີນຊ່ອງທາງໃນການພັດທະນາທີ່ຍືນຍົງ ຊຶ່ງຈະຮັບປະກັນການພັດທະນາທີ່ຄົບຖ້ວນ ລົດຜ່ອນຄວາມທຸກຈົນ ແລະເຮັດໃຫ້ຊ່ອງຫວ່າງການພັດທະນາແຄບເຂົ້າ.
ເອກະສານທີ່ຮົ່ວໄຫລອອກມາຂອງກຸ່ມອາຊຽນ ທີ່ກຳນົດຈະເປີດເຜີຍໃຫ້ຊາບໃນຕອນທ້າຍການປະຊຸມກັນ ໃຫ້ຂໍ້ສັງເກດກ່ຽວກັບກົດການປະພຶດສຳລັບໃນເຂດທະເລຈີນໃຕ້. ນອກນັ້ນຍັງຮຽກຮ້ອງໃຫ້ພວກປະເທດໃນກຸ່ມອາຊຽນ ແກ້ໄຂບັນຫາຂັດແຍ້ງກັນທາງທະ
ເລກັບຈີນນັ້ນໂດຍສັນຕິວິທີ.
ເປັນເວລາດົນກວ່ານຶ່ງທົດສະວັດຜ່ານມາ ກຸ່ມອາຊຽນໄດ້ດຳເນີນວຽກງານມາກັບຈີນກ່ຽວກັບກົດປະພຶດດັ່ງກ່າວ ແຕ່ຄວາມຄືບໜ້າໄດ້ດຳເນີນໄປຢ່າງຊ້າໆ ພາກສ່ວນນຶ່ງກໍເປັນຍ້ອນຄວາມບໍ່ເຕັມໃຈຂອງຈີນ ເພື່ອແກ້ໄຂບັນຫາຂັດແຍ້ງກັນໃນດ້ານເຂດນ້ຳແດນດິນຕົນແບບຫຼາຍຝ່າຍນັ້ນ.
ລັດຖະມົນຕີຖະແຫຼງຂ່າວມຽນມາ ທ່ານ Ye Htut ໃນວັນອັງຄານວານນີ້ ໄດ້ມີຄວາມເຫັນໃນແງ່ດີ ໂດຍກ່າວຕໍ່ວີໂອເອ ວ່າ ບັດນີ້ມີຄວາມໝັ້ນໝາຍແລ້ວ" ຈາກພວກທີ່ມີສ່ວນໄດ້ສ່ວນເສຍນຳກັນ ເພື່ອເລ່ງລັດການດຳເນີນຂັ້ນຕອນດັ່ງກ່າວ.”
ກອງປະຊຸມ ສຸດຍອດ ອາຊ່ຽນ
