ໃນຂະນະທີ່ ປະທານາທິບໍດີ ສະຫະລັດ ທ່ານ Barack Obama
ຕ້ອນຮັບບັນດາຜູ້ນຳ 10 ປະເທດຂອງສະມາຊິກສະມາຄົມບັນດາ
ປະເທດຊາດໃນເຂດເອເຊຍອາຄະເນ ຫລືອາຊຽນ ຢູ່ທີ່ບ່ອນຕາກ
ອາກາດ Sunnylands ໃນເຂດ Rancho Mirage ລັດ Cali-
fornia ໃນວັນຈັນວານນີ້ ພວກປະທ້ວງຢູ່ຂ້າງນອກກ່າວວ່າ ເຂົາ
ເຈົ້າຕ້ອງການຢາກໃຫ້ນຳເອົາເລື້ອງສິດທິມະນຸດຂຶ້ນມາເປັນຫົວ
ຂໍ້ຂອງການປະຊຸມ.
ທ່ານ Obama ໄດ້ກ່າວຕໍ່ບັນດາຜູ້ນຳ ທີ່ເຂົ້າຮ່ວມ ກອງປະຊຸມສຸດ
ຍອດເປັນເວລາສອງວັນກ່ຽວກັບເລື້ອງການຄ້າແລະຄວາມໝັ້ນຄົງ
ນັ້ນວ່າລັດຖະບານຂອງທ່ານໄດ້ສ້າງຄວາມກໍ້າເກິ່ງໃນນະໂຍບາຍ
ຕ່າງປະເທດໄປສູ່ເຂດເອເຊຍ ແລະປາຊິຟິກຄືນໃໝ່. ປະທານາທິບໍດີ ໂອບາມາ ກ່າວວ່າ
“ນີ້ແມ່ນຮວມທັງການພົວພັນກັບເຂດເອເຊຍອາຄະເນ ແລະອາຊຽນ ທີ່ເປັນສູນກາງຂອງ
ສັນຕິພາບ ແລະຄວາມອຸດົມຮັ່ງມີຢູ່ໃນຂົງເຂດ. ແລະການມີເປົ້າໝາຍຮ່ວມກັນຂອງພວກ
ເຮົາ ໃນການສ້າງຂົງເຂດໃນການເສີມສ້າງຄວາມເປັນລະບຽບຮຽບຮ້ອຍຢູ່ໃນ ຂົງເຂດ
ບ່ອນທີ່ທຸກໆປະເທດຢູ່ພາຍໃຕ້ກົດລະບຽບອັນດຽວກັນ.”
ຮວມຢູ່ໃນບັນດາພວກປະທ້ວງ ຫລາຍຮ້ອຍຄົນຢູ່ຂ້າງນອກນັ້ນ ຫຼາຍໆຄົນມາຈາກກຳປູ
ເຈຍ ບ່ອນທີ່ນາຍົກລັດຖະມົນຕີ Hun Sen ໄດ້ຄອບງຳການເມືອງ ມາເປັນເວລາ 30 ປີ
ແລ້ວ. ທ່ານ Bona Chhith ຈາກອົງການພັນທະມິດກຳ ປູເຈຍອາເມຣິກັນກ່າວວ່າ “ພວກ
ເຮົາມາໃນມື້ນີ້ ເພື່ອສົ່ງຄຳເຕືອນອັນແຈ້ງຂາວໄປຫາທ່ານ Hun Sen ວ່າ ພວກເຮົາບໍ່ສະ
ໜັບສະໜູນຄອມມິວນິສ ພວກເຮົາບໍ່ສະໜັບສະໜູນຜະເດັດການ ພວກເຮົາບໍ່ສະໜັບສະໜູນຜູ້ປົກຄອງທີ່ໃຊ້ອຳນາດບາດໃຫຍ່ ແລະທ່ານ Hun Sen ຕ້ອງລາອອກ."
ສ່ວນພວກອຶ່ນໆນັ້ນ ໄດ້ຕິຕຽນລັດຖະບານລາວ ແລະຫວຽດນາມ ທີ່ຄອບງໍາປະເທດລາວ
ແລະປະເທດເພື່ອນບ້ານອື່ນໆ. ຜູ້ປະທ້ວງຄົນນຶ່ງກ່າວວ່າ "ຫວຽດນາມ ກັບບ້ານ ປະເທດ
ລາວ ເປັນຂອງລາວ.” ທ່ານອ່າງຄຳ ສີບັງອອນ ຜູ້ປະທ້ວງຄົນນຶ່ງກ່າວວ່າ :
"ພວກເຮົາອອກມາຊ່ອຍ ພວກເຮົາອອກມາສູ້ ອອກມາເຮັດນຳກັນ ເພື່ຄວາມຍຸຕິທຳ ເພື່ອຄວາມຢູ່ລອດ ມີວຽກມີງານເຮັດຢູ່ໃນບ້ານເຮົາ ແລະມີການສຶກສາທີດີ ລະບໍ່ໄດ້
ຂາຍໜ້າໃຜ ເຮົາສູ້ກັນມາ ລະເຮົາຈະສູ້ໄປຕໍ່ຈົນເຮົາໄດ້ເອກກະລາດ ຈົນເຮົາຈະໄດ້
ມີສຽງ ຈະໄດ້ປະຊາຊົນປົກຄອງບ້ານເມືອງຂອງເຮົາ ບໍ່ແມ່ນວ່າ ພັກລັດຈະປົກຄອງ
ປະເທດ ຕ້ອງແມ່ນປະຊາຊົນ ທີຈະປົກຄອງປະເທດຂອງເຮົາ ມັນຈຶ່ງຈະຖືກ ອັນນີ້
ຈຶ່ງແມ່ນ democracy."
