ບັນດາຜູ້ນຳປະເທດໃນເຂດເອເຊຍອາຄະເນກ່າວວ່າ ຄວາມ
ພະຍາຍາມກໍ່ສ້າງ ເກາະດອນຂອງຈີນ ທີ່ທະເລຈີນໃຕ້ນັ້ນ
ເປັນໄພຂົ່ມຂູ່ ທີ່ຈະບ່ອນທຳລາຍ ຕໍ່ “ສັນຕິພາບ ຄວາມໝັ້ນ
ຄົງ ແລະສະຖຽນລະພາບ” ຂອງຂົງເຂດທັງໝົດ.
ຖະແຫລງສະບັບນຶ່ງ ທີ່ໄດ້ນຳອອກເຜີຍແຜ່ ຫລັງຈາກກອງ
ປະຊຸມສຸດຍອດຂອງສະມາຄົມບັນດາປະເທດຊາດໃນເຂດ
ເອເຊຍອາຄະເນຫລືອາຊຽນ ທີ່ມາເລເຊຍ ໃຫ້ຂໍ້ສັງເກດເຖິງ
“ຄວາມເປັນຫ່ວງຢ່າງແຮງ” ທີ່ຈີນໄດ້ຖົມເກາະດອນຢູ່ທະເລ
ຈີນໃຕ້ໂດຍຮຽກຮ້ອງ “ໃຫ້ໃຊ້ຄວາມຢັບຢັ້ງໃນການປະຕິບັດ
ກິດຈະການຕ່າງໆ.”
ໂຄສົກກະຊວງຕ່າງປະເທດຈີນ ທ່ານ Hong Lei ໄດ້ປ້ອງກັນບົດບາດ ປະເທດຂອງຕົນ ໂດຍກ່າວວ່າ ການກໍ່ສ້າງຂອງຈິນ ຢູ່ບັນດາໝູ່ເກາະ ແລະເກາະຫີນປະກາລັງ ໃນທະເລຈີນ ໃຕ້ທັງໝົດ ແມ່ນຢູ່ໃນເຂດແດນທີ່ເປັນອະທິປະໄຕ ຂອງຈີນ ມັນທ່ຽງທຳ ແລະມີເຫດຜົນ ແລະຖືກຕ້ອງຕາມກົດໝາຍ ແລະມັນບໍ່ເປັນຜົນກະທົບ ແກ່ປະເທດອຶ່ນໃດໆ.
ນາຍົກລັດຖະມົນຕີ ມາເລເຊຍ ທ່ານ Najib Razak ໄດ້ເປີດກອງປະຊຸມໃນວັນຈັນວານນີ້
ໂດຍຮຽກຮ໊ອງໃຫ້ບັນດາເກົ້າ ຜູ້ນຳອາຊຽນອຶ່ນໆ ຈົ່ງແກ້ໄຂບັນຫາຂັດແຍ້ງເລື້ອງເຂດນຳ້ ແດນດິນ ຢ່າງສັນຕິກັບຈີນ ເພື່ອບໍ່ໃຫ້ເກີດຄວາມເຄັ່ງຕືງຢູ່ໃນຂົງເຂດ.
ຈີນໄດ້ຖົມດິນ ແລະສ້າງເດີ່ນເຮືອບິນ ແລະໂຄງລາງພຶ້ນຖານ ຢູ່ໃນເຂດໝູ່ເກາະ Spratly ທີ່ຍັງອ້າງເອົາກຳມະສິດໂດຍ ຟິລິບປີນ ຫວຽດນາມ ມາເລເຊຍ ບຣູນາຍ ແລະໄຕ້ຫວັນ.
ຂົງເຂດນີ້ແມ່ນ ອຸດົມສົມບຸນໄດດ້ວຍສັບພະຍາກອນທຳມະຊາດ ແລະເສັ້ນທາງການ ຄ້າທີ່ສຳຄັນ.
