ລິ້ງ ສຳຫລັບເຂົ້າຫາ

logo-print

ກອງປະຊຸມ ສຸດຍອດ ອາຊ່ຽນ ໄຂຂຶ້ນ ທີ່ Bandar Seri Begawan (ວີດີໂອ)


ກອງປະຊຸມສຸດຍອດອາຊ່ຽນ ທີ່ນະຄອນ Bandar Seri Begawan ປະເທດບຣູນາຍ (9 ຕຸລາ 2013)
ບັນດາຜູ້ນຳ 10 ປະເທດສະມາຊິກ ຂອງສະມາຄົມບັນດາປະຊາ
ຊາດ ໃນເຂດເອເຊຍຕາເວັນອອກສຽງໃຕ້ຫຼືອາຊ່ຽນ ເລີ້ມປະຊຸມ
ປະຈຳປີໃນວັນພຸດມື້ນີ້ ສ່ວນຜູ້ນຳລັດຖະບານຈາກປະເທດອື່ນໆ
ເຊັ່ນຈີນ ຍີ່ປຸ່ນ ແລະເກົາຫລີໃຕ້ ຈະເຂົ້າຮ່ວມປະຊຸມໃນມື້ຕໍ່ໄປຢູ່
ໃນກອງປະຊຸມສຸດຍອດ ຂອງເຂດເອເຊຍຕາເວັນອອກ ແຕ່ຢູ່ໃນ
ກອງປະຊຸມປີນີ້ຈະບໍ່ມີປະທານາທິບໍດີສະຫະລັດທ່ານບາຣັກ ໂອ
ບາມາ ທີ່ໄດ້ຍົກເລີກການເດີນທາງ ທ່າມກາງການປະເຊີນໜ້າທີ່
ຍັງດຳເນີນຢູ່ຕໍ່ມາ ກ່ຽວກັບ ເລື່ອງງົບປະມານ ທີ່ກຸງວໍຊິງຕັນ. ຜູ້ສື່
ຂ່າວວີໂອເອ Steve Herman ມີລາຍງານກ່ຽວກັບເລື່ອງນີ້ຈາກ
ບຣູນາຍ ດັ່ງໄພສານ ຈະນຳເອົາລາຍລະອຽດມາສະເໜີທ່ານ ໃນ
ອັນດັບຕໍ່ໄປ.


ກອງປະຊຸມສຸດຍອດຂອງສະມາຄົມອາຊ່ຽນແລະກອງປະຊຸມສຸດຍອດເອເຊຍຕາເວັນອອກ ທີ່ມີຂຶ້ນຕິດຕໍ່ກັນນັ້ນ ແມ່ນນຳເອົາພວກຜູ້ນຳ ຂອງປະເທດຕ່າງໆ ເຂົ້າມານັ່ງຢູ່ໃນຫ້ອງດຽວ
ກັນເພື່ອສົນທະນາຫາລືກ່ຽວກັບເລື່ອງຍຸດທະສາດ ພ້ອມທັງບັນຫາການເມືອງແລະເສດຖະ
ກິດ ທີ່ມີຄວາມເປັນຫ່ວງກັງວົນຮ່ວມກັນ.

ລັດຖະມົນຕີການຕ່າງປະເທດສະຫະລັດທ່ານ John Kerry ກ່າວຕໍ່ພວກນັກຂ່າວໃນມື້ວັນ ເສົາແລ້ວທີ່ກອງປະຊຸມສຸດຍອດຂອງພວກຜູ້ນໍາອົງການ APEC ທີ່ເກາະບາຫຼີ ປະເທດອິນ ໂດເນເຊຍວ່າ ເຖິງແມ່ນປະທານາທິບໍດີໂອບາມາ ບໍ່ສາມາດໄປຮ່ວມ ກອງປະຊຸມ APEC ແລະອາຊ່ຽນໄດ້ກໍຕາມ ແຕ່ທ່ານເຊື່ອວ່າ ສະຫະລັດຍັງສືບຕໍ່ມີຄວາມພາກພູມໃຈ ແລະຈະ
ບໍ່ສູນເສຍອິດທິພົນແມ່ນແຕ່ໜ້ອຍດຽວ ຫລືທິດທາງທີ່ພວກເຮົາພວມທຳການຕໍ່ສູ້ ເພື່ອຈະ ກ້າວໄປສູ່ນັ້ນ.

KERRY ASIA
please wait
Embed

No media source currently available

0:00 0:00:47 0:00


ອະດີດຜູ້ບັນຊາການ ກອງທັບສະຫະລັດ ໃນເຂດມະຫາສະມຸດປາຊີຟິກ ພົນເຮືອເອກເບ້ຍ
ບຳນານ Dennis Blair ກ່າວວ່າເອເຊຍບໍ່ຄວນມອງເບິ່ງການຍົກເລີກແຜນການເດີນທາງ ໄປຢ້ຽມຢາມເທື່ອຫຼ້າສຸດ ຂອງປະທານາທິບໍດີວ່າ ເປັນການບໍ່ໃຫ້ຄວາມສຳຄັນທ່າມກາງທີ່ ມີການປິດການປະຕິບັດງານຂອງລັດຖະບານລົງເປັນບາງສ່ວນນັ້ນ.

ພົນເຮືອເອກເບ້ຍບຳນານ Blair ເວົ້າວ່າ “ມັນບໍ່ໄດ້ມີຜົນສະທ້ອນ ຕໍ່ເຂດເອເຊຍ ແຕ່ ຢ່າງໃດ ທີ່ວ່າບັນຫາເຫຼົ່ານີ້ ໄດ້ເກີດຂຶ້ນ ໃນເວລາທີ່ປະທານາທິບໍດີພ ຽງແຕ່ບໍ່ສາ
ມາດຈະອອກໄປຈາກກຸງວໍຊິງຕັນ ເປັນເວລາດົນໆໄດ້ທໍ່ນັ້ນ.”


ພາຍໃນສະມາຄົມອາຊ່ຽນເອງ ກໍມີການແບ່ງແຍກ ກ່ຽວກັບບັນຫານຶ່ງທີ່ມີຄວາມຫຼໍ່ແຫຼມສຳ
ຄັນທີ່ສຸດ ນັ້ນກໍຄືວ່າຈະແກ້ໄຂບັນຫາການຂັດແຍ້ງທີ່ພົວພັນກັບຈີນແລະຫຼາຍໆປະເທດສະ ມາຊິກຂອງອາຊ່ຽນແບບໃດ ກ່ຽວກັບເລື່ອງໝູ່ເກາະຫີນ ໃນເຂດທະເລຈີນໃຕ້.

ທ່ານ Ian Storey ເປັນເຈົ້າໜ້າທີ່ຄົນສຳຄັນ ທີ່ສະຖາບັນການສຶກສາກ່ຽວກັບເຂດເອເຊຍ
ຕາເວັນອອກສຽງໃຕ້ ທີ່ສິງກະໂປ.

ທ່ານ Storey ເວົ້າວ່າ “ບາງປະເທດກໍອ້າງກຳມະສິດ ບາງປະເທດກໍບໍ່ໄດ້ອ້າງ. ບາງ ປະເທດມີຄວາມສຳພັນທີ່ໃກ້ຊິດກັບຈີນ ແລະພວກເຂົາເຈົ້າບໍ່ຢາກເຮັດໃຫ້ຄວາມ ສຳພັນກັບຈີນຊຸດໂຊມລົງ ແຕ່ກໍເອົາທ່າທີຢ່າງແຂງກະດ້າງ ກ່ຽວກັບທະເລຈີນໃຕ້. ບາງປະເທດ ຄືຟີລິບປິນແລະຫວຽດນາມ ຕ້ອງການຢາກໃຫ້ມີກົດການການປະພຶດ ປະຕິບັດທີ່ເຂັ້ມແຂງ ມີອຳນາດແລະຮອບດ້ານ ດັ່ງນັ້ນສະມາຄົມອາຊ່ຽນກໍຕ້ອງໄດ້ ບັນລຸຄວາມເຫັນທີ່ເປັນເອກກະສັນກັນທີ່ສຸດເພື່ອໃຫ້ສະມາຊິກທຸກປະເທດພໍໃຈ.”

ເວລາການສົນທະນາຫາລືຢ່າງເປັນທາງການກ່ຽວກັບກົດການປະພຶດປະຕິບັດລະຫວ່າງບັນ ດາຜູ້ຕາງໜ້າຂອງປະເທດ ໃນເຂດເອເຊຍຕາເວັນອອກສຽງໃຕ້ ແລະຈີນ ເລີ້ມຂຶ້ນໃນເດືອນ
ແລ້ວນີ້ ພວກເຈົ້າໜ້າທີ່ຈີນໄດ້ໃຊ້ອຸບາຍເອົາຊະນະອາຊ່ຽນ ອີງຕາມທ່ານ Storey.

ທ່ານ Storey ເວົ້າວ່າ “ເຖິງແມ່ນມີລາຍງານຢູ່ໃນອົງການຂ່າວຕ່າງໆວ່າ ໄດ້ມີຄວາມ ກ້າວໜ້າເກີດຂຶ້ນກໍຕາມ ແຕ່ຄວາມຈິງແລ້ວມັນເປັນໄຊຊະນະທາງດ້ານການທູດສຳ ລັບຈີນ ຊຶ່ງໃນນັ້ນພວກເຂົາເຈົ້າຈະສາມາດບົງການກ່ຽວກັບກຳນົດເວລາແລະຂອບ ເຂດ ຂອງການເຈລະຈາກັນ ໃນອະນາຄົດ. ຜົນຂອງມັນກໍຄືວ່າ ການປຶກສາຫາລືນີ້ ແມ່ນຈະຍືດເຍື້ອຍາວນານ ໂດຍອາດຈະໃຊ້ເວລານຶ່ງຫາສອງຫລືອາດຮອດສາມປີ ກໍເປັນໄດ້.”

ທ່ານ Wang Dong ອາຈານສອນ ທີ່ສະຖາບັນການສຶກສານາໆຊາດ ຂອງມະຫາວິທະຍາ
ໄລປັກກິ່ງ ກ່າວວ່າ ຫາກມີຜູ້ໃດທີ່ຄາດວ່າ ຈະມີການຕົກລົງ ກັນໄດ້ໃນໄລຍະສັ້ນແລ້ວ ກໍຄົງ ເປັນຄົນທີ່ໄຮ້ດຽງສາ.

ທ່ານ Wang ເວົ້າວ່າ “ທ່ານສາມາດວາດພາບໄດ້ແນວໃດວ່າ ບັນຫາຂັດແຍ້ງ ນີ້ຈະ ໄດ້ຮັບການແກ້ໄຂພາຍ ໃນປີໜ້າ ສອງປີ ຫຼືສາມປີ? ມັນເປັນໄປບໍ່ໄດ້ຍ້ອນວ່າມັນ ຫຍຸ້ງຍາກຫຼາຍແລະມັນກໍພົວພັນກັບຫລາຍໆຝ່າຍຄືມີທັງຈີນແລະບາງປະເທດໃນ ກຸ່ມອາຊ່ຽນ ແລະແມ່ນກະທັງບາງປະເທດໃນຂົງເຂດອື່ນເຊັ່ນວ່າຍີ່ປຸ່ນ ຕ່າງກໍຕ້ອງ ການທີ່ຈະສວຍໂອກາດກ່ຽວກັບບັນຫາຂັດແຍ້ງລະຫວ່າງຈີນກັບຟີລິບປິນລະຫວ່າງ ຈີນກັບຫວຽດນາມ ແລະໃນທໍານອງດຽວກັນ ສະຫະລັດກໍມີສ່ວນໄດ້ສ່ວນເສຍຢູ່ໃນ ນັ້ນດ້ວຍ.”

ສ່ວນໄດ້ສ່ວນເສຍກໍຄື 80 ເປີເຊັນ ຂອງທະເລຈີນໃຕ້ ຊຶ່ງອ້າງກຳມະສິດໂດຍຈີນ.

ໃນຕອນປິດກອງປະຊຸມອາຊ່ຽນ ຢູ່ກຳປູເຈຍໃນປີກາຍນີ້ ການຂັດແຍ້ງກັນພາຍ ໃນກ່ຽວກັບ ວ່າຈະແກ້ໄຂແບບໃດຕໍ່ບັນຫາຂັດແຍ້ງກ່ຽວກັບເລື່ອງເຂດນໍ້າແດນດິນທາງທະເລໄດ້ພາໃຫ້ ກຸ່ມດັ່ງກ່າວ ບໍ່ສາມາດອອກຖະແຫຼງການຮ່ວມໄດ້ ເປັນເທື່ອທຳອິດ ໃນປະຫວັດສາດ 45 ປີ ຂອງສະມາຄົມອາຊ່ຽນ.

ສ່ວນສາດສະດາຈານ Wang Jianwei ຫົວໜ້າຄະນະທີ່ສຶກສາກ່ຽວກັບເລື່ອງລັດຖະບານ ແລະພາກລັດ ທີ່ມະຫາວິທະຍາໄລ Macau ໃຫ້ຂໍ້ສັງເກດວ່າ ປະທານປະເທດຈີນ ທ່ານສີ ຈິ້ນຜິງ ໄດ້ກ່າວວ່າ ຈີນ ແລະບັນດາປະເທດອາຊ່ຽນ ມີເອກກະລັກ ແລະຊະຕາກຳຮ່ວມກັນ. ທ່ານເວົ້າວ່ານີ້ແມ່ນຢໍ້າໃຫ້ເຫັນວ່າຄວາມສຳພັນຂອງປັກກິ່ງກັບບັນດາປະເທດອາຊ່ຽນແມ່ນ ກວ້າງໄກໄປກວ່າບັນຫາຂັດແຍ້ງ ໃນເຂດທະເລຈີນໃຕ້.

ໃນຂະນະທີ່ປະເທດຕ່າງໆພວມເຂົ້າຮ່ວມການເຈລະຈາໃນອາທິດນີ້ ບັນຫາທີ່ສຳຄັນກໍແມ່ນ ວ່າ ບັນຫາຂັດແຍ້ງທາງທະເລ ຂອງປະເທດເຫຼົ່ານີ້ ຈະພິສູດໃຫ້ເຫັນອີກເທື່ອນຶ່ງວ່າ ຍັງເປັນ ເລື່ອງທີ່ຕົກລົງກັນບໍ່ໄດ້ຫຼືບໍ່ ທັງໆທີ່ບັນດາປະເທດເຫຼົ່ານີ້ມີຜົນປະໂຫຍດຮ່ວມ ໃນເລື່ອງການ ຄ້າແລະການເຕີບໂຕທາງດ້ານເສດຖະກິດ.

ASEAN Summit
please wait
Embed

No media source currently available

0:00 0:01:03 0:00

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG