ບັນດາລັດຖະມົນຕີການຕ່າງປະເທດຂອງກຸ່ມປະເທດເອເຊຍຕາເວັນອອກສຽງໃຕ້ ຫລືອາຊ່ຽນ
ໄດ້ໄຂກອງປະຊຸມ 5 ວັນ ທີ່ຄາດວ່າຈະຖືກຄອບງໍາໂດຍບັນຫາການຜິດຖຽງກັນເລື້ອງການ
ອ້າງເອົາກໍາມະສິດໃນດິນແດນ ຢູ່ໃນເຂດທະເລຈີນໃຕ້ນັ້ນ.
ພວກເຈົ້າໜ້າທີ່ຈາກ 10 ປະເທດອາຊ່ຽນ (ASEAN) ໄດ້ເລີ່ມທໍາການໂອ້ລົມກັນ ຢູ່ນະຄອນ
ຫຼວງພະນົມເປັນ ຂອງກໍາປູເຈຍ ໃນວັນຈັນມື້ນີ້.
ທະເລຈີນໃຕ້ເປັນແຫຼ່ງຫາປາທີ່ອຸດົມສົມບູນ ແລະອາດມີບໍ່ນໍ້າມັນແລະເເກ໊ສທໍາມະຊາດຢ່າງ
ຫລວງຫລາຍອີກດ້ວຍ. 6 ປະເທດ ອັນມີ: ຈີນ, ໄຕ້ຫວັນ, ຟິລິບປີນ, ຫວຽດນາມ, ບູລໄນ
ແລະມາເລເຊຍ ຕ່າງກໍໄດ້ອ້າງເອົາກໍາມະສິດໃນດິນແດນ ໃນເຂດທະເລຈີນໃຕ້ນັ້ນ.
ລັດຖະມົນຕີການຕ່າງປະເທດສະຫະລັດ ທ່ານນາງ ຮິລລາຣີ ຄລິນຕັນ ໄດ້ຮຽກຮ້ອງ ໃນ
ວັນອາທິດວານນີ້ ຂໍໃຫ້ບັນດາສະມາຊິກກຸ່ມອາຊ່ຽນ ຈົ່ງຫາທາງແກ້ໄຂບັນຫາກັນຢ່າງສັນ
ຕິວິທີ. ທ່ານນາງມີກໍານົດຈະໄປຮ່ວມປະຊຸມກັບກຸ່ມອາຊ່ຽນ ທີ່ກໍາປູເຈຍ ໃນທ້າຍອາທິດນີ້
ຫລັງຈາກຢ້ຽມຢາມປະເທດລາວ ໃນມື້ວັນພຸດ.
ເບິ່ງວີດິໂອກ່ຽວກັບເລື້ອງນີ້ ເປັນພາສາອັງກິດ
