ຄະນະກໍາມະການ ດ້ານສິດທິມະນຸດຂອງລັດຖະສະພາອາຊ່ຽນ
ແລະຢູໂຣບ ຈະເພີ່ມມາດຕະການກົດດັນລັດຖະບານລາວຫຼາຍ
ຂຶ້ນ ໃນກໍລະນີ ການຫາຍຕົວໄປຂອງທ່ານສົມບັດ ສົມພອນ ນັກ
ພັດທະນາດີເດັ່ນຂອງລາວ.
ທ່ານ Walden Bello ຮອງປະທານຄະນະກໍາມະການດ້ານສິດທິມະນຸດ ຂອງລັດຖະ ສະພາອາຊ່ຽນ ໄດ້ຖະແຫຼງການໃນໂອກາດທີ່ຄະນະຜູ້ແທນຂອງລັດຖະສະພາຢູໂຣບ ຢ້ຽມຢາມ ສປປ.ລາວ ຢ່າງເປັນທາງການ ໃນວັນທີ 28 ຕຸລານີ້ວ່າ ຖືເປັນອີກໂອກາດນຶ່ງທີ່ຈະໄດ້ທວງຖາມທາງການລາວ ເຖິງຄວາມຄືບໜ້າ ຂອງການສືບສວນຫາຄວາມຈິງກ່ຽວກັບກໍລະນີຂອງ ທ່ານສົມບັດ ສົມພອນ ນັກພັດທະນາລາວຜູ້ດີເດັ່ນຂອງອາຊ່ຽນ ທີ່ໄດ້ຫາຍຕົວໄປນັບຕັ້ງແຕ່ວັນທີ 15 ທັນວາ ປີ 2012 ເປັນຕົ້ນມາ.
ຄະນະຜູ້ແທນລັດຖະສະພາ ຢູໂຣບ ຂະນະເຈລະຈາກັບ ເຈົ້າໜ້າທີ່ລາວ ກໍລະນີ ສົມບັດ ສົມພອນ
ຄະນະຜູ້ແທນ ຂອງລັດຖະສະພາຢູໂຣບ ທີ່ຢ້ຽມຢາມລາວ ໃນ
ຄັ້ງນີ້ ນໍາໂດຍທ່ານWerner Langen ປະທານລັດຖະສະພາ
ຢູໂຣບ ຊຶ່ງຄະນະຂອງທ່ານກໍໄດ້ພົບປະເຈລະຈາຮ່ວມກັນ ກັບ
ຄະນະຜູ້ແທນຂອງສະພາແຫ່ງຊາດລາວທີ່ມີທ່ານ ໄຊສົມພອນ
ພົມວິຫານ ຮອງປະທານສະພາແຫ່ງຊາດລາວເປັນຫົວໜ້າຄະ
ນະ ໂດຍທັງສອງຝ່າຍກໍໄດ້ແລກປ່ຽນທັດທະນະຄວາມເຫັນທັງ
ໃນດ້ານການພັດທະນາເສດຖະກິດ ສັງຄົມ ແລະສິດທິມະນຸດທັງ
ທີ່ເປັນການຮ່ວມມື ລະຫວ່າງສະພາແຫ່ງຊາດລາວ ກັບລັດຖະ
ສະພາ ຢູໂຣບ ແລະລັດຖະສະພາອາຊ່ຽນອີກດ້ວຍ.
ແຕ່ຢ່າງໃດກໍຕາມ ສະມາຊິກລັດຖະສະພາຢູໂຣບ ກໍເຄີຍພົບປະເຈລະຈາກັບຄະນະເຈົ້າ ໜ້າທີ່ຂອງທາງການລາວ ຢູ່ນະຄອນວຽງຈັນ ມາແລ້ວຄັ້ງນຶ່ງ ເມື່ອເດືອນສິງຫາປີນີ້ ໂດຍຄະນະຜູ້ແທນຂອງລັດຖະສະພາຢູໂຣບຢືນຢັນວ່າຈະດໍາເນີນມາດຕະການກົດດັນລັດຖະບານລາວຫຼາຍ ຂຶ້ນໃນກໍລະນີການຫາຍຕົວໄປຂອງທ່ານສົມບັດ ສົມພອນ ເພາະເຫັນວ່າທາງການລາວບໍ່ໄດ້ ດໍາເນີນການຢ່າງຈິງຈັງ ໃນການສືບສວນ ເພື່ອຄົ້ນຫາຄວາມຈິງ.
ຊາວລາວ ຕ່າງປະເທດ ປະທ້ວງ ໃຫ້ຊ່ວຍຊອກຫາ ທ່ານສົມບັດ ສົມພອນ
ທັງນີ້ໂດຍກໍລະນີທີ່ສະທ້ອນ ໃຫ້ເຫັນເຖິງຄວາມບໍ່ຈິງຈັງຂອງທາງການລາວໄດ້ຢ່າງຊັດເຈນ ກໍຄືການທີ່ບໍ່ໄດ້ໃຊ້ປະໂຫຍດ ຈາກພາບທີ່ກ້ອງວົງຈອນປິດຂອງທາງການລາວບັນ ທຶກໄວ້ໄດ້ໃນ ຕອນແລງຂອງວັນທີ 15 ທັນວາ 2012 ຊຶ່ງເປັນມື້ທີ່ທ່ານສົມບັດ ຖືກລັກພາຕົວໄປຈາກປ້ອມຕໍາຫຼວດໃນເຂດນະຄອນວຽງຈັນ.
ກ່ອນໜ້ານີ້ ພັນເອກ ເພັງສະຫວັນ ທິບພະວົງໄຊ ຮອງຫົວໜ້າກົມໃຫຍ່ຕໍາຫຼວດ ກະ ຊວງ ປ້ອງກັນຄວາມສະຫງົບພາຍໃນ ໄດ້ໃຫ້ການຢືນຢັນໃນໂອກາດການຖະແຫຼງຂ່າວຢ່າງເປັນທາງການຄັ້ງທີ 3 ກ່ຽວກັບກໍລະນີການຫາຍຕົວໄປຂອງທ່ານສົມບັດ ວ່າທາງການຕໍາຫຼວດລາວໄດ້ດໍາເນີນການສຶບສວນສອບສວນເພື່ອຄົ້ນຫາຄວາມຈິງກ່ຽວກັບກໍລະນີດັ່ງກ່າວນີ້ຢູ່ເລື້ອຍມາ.
ໂດຍທາງການລາວກໍໄດ້ເຮັດໜັງສື ສະເໜີໄປເຖິງອົງການຕໍາຫຼວດສາກົນ ເພື່ອຂໍໃຫ້ອອກໃບ ແຈ້ງຄົນຫາຍສາບສູນ ຊຶ່ງອົງການຕໍາຫຼວດສາກົນກໍໄດ້ອອກເອກກະສານເປັນໃບແຈ້ງການ ວ່າທ່ານສົມບັດ ເປັນຄົນຫາຍສາບສູນຢ່າງເປັນທາງການໃນວັນທີ 23 ເມສາທີ່ຜ່ານມາ ແລະ ໃນລະຍະດຽວກັນ ທາງການລາວກໍໄດ້ສົ່ງໜັງສື ເຖິງທາງການຕໍາຫຼວດສາກົນຂອງສະຫະລັດອາເມຣິກາ ອິນເດຍ ເກົາຫຼີໃຕ້ ຍີ່ປຸ່ນ ຝຣັ່ງ ແລະສະເປນ ເພື່ອຂໍໃຫ້ຊ່ວຍຊອກຫາຕົວທ່ານ ສົມບັດ ອີກດ້ວຍ.
ທາງດ້ານທ່ານນາງ ອັງຄະນາ ນີລະໄພຈິດ ປະທານຄະນະທໍາງານຍຸຕິທໍາເພື່ອສັນຕິ ພາບໃນ ໄທກໍໃຫ້ທັດສະນະວ່າ ການຫາຍຕົວໄປຂອງທ່ານສົມບັດ ເກີດຈາກສາເຫດອັນດຽວກັນກັບການຫາຍຕົວໄປຢ່າງບໍ່ມີຮ່ອງຮອຍຂອງທ່ານ ສົມຊາຍ ນີລະໄພຈິດ ທະ ນາຍຄວາມຊື່ດັງຂອງ ໄທ ໂດຍສາເຫດທີ່ວ່ານີ້ ກໍຄືການໃຊ້ອໍານາດລັດຄຸກຄາມສິດທິຂັ້ນພື້ນຖານຂອງປະຊາຊົນ ດັ່ງທີ່ທ່ານນາງ ໄດ້ກ່າວວ່າ:
“ກໍລະນີສົມບັດນີ້ ມີຮູບພາບທີ່ອອກມາ ແລະເຫັນຢ່າງຊັດເຈນວ່າເກີດຫຍັງຂຶ້ນ ຂະໜາດມີ ຫຼັກຖານແບບນີ້ແລ້ວ ສປປ.ລາວ ກໍຍັງໃຫ້ຄໍາຕອບວ່າ ເຈົ້າໜ້າທີ່ຕໍາຫຼວດລາວນີ້ ບໍ່ມີສ່ວນກ່ຽວ ຂ້ອງ ໃນຂະນະດຽວກັນກັບໃນກໍລະນີຂອງສົມຊາຍ ນີລະໄພຈິດ ນີ້ ກໍມີຫຼັກຖານ ການໃຊ້ໂທລະສັບ ມີຄົນບອກໄດ້ວ່າ ເປັນເຈົ້າໜ້າທີ່ຕໍາຫຼວດ ແຕ່ສຸດທ້າຍ ຂໍ້ມູນຕ່າງໆ ກໍຖືກລຶບຖິ້ມໄປ ໃນ ເວລາອັນວ່ອງໄວ.”
ທ່ານນາງ ອັງຄະນາ ເປັນພັນລະຍາໝ້າຍຂອງທ່ານສົມຊາຍ ທະນາຍຄວາມທີ່ໄດ້ໃຫ້ ການຊ່ວຍເຫຼືອແກ່ບັນດາຊາວໄທມຸສລິມ ທີ່ຖືກກ່າວຫາວ່າກໍ່ການຮ້າຍໃນເຂດພາກໃຕ້ຂອງໄທ ຈົນໃນສຸດທ້າຍທີ່ສຸດ ຕົວຂອງທ່ານເອງກໍຖືກລັກພາຕົວໄປ ນັບຕັ້ງແຕ່ປີ 2004 ເປັນຕົ້ນມາ.
ແລະຢູໂຣບ ຈະເພີ່ມມາດຕະການກົດດັນລັດຖະບານລາວຫຼາຍ
ຂຶ້ນ ໃນກໍລະນີ ການຫາຍຕົວໄປຂອງທ່ານສົມບັດ ສົມພອນ ນັກ
ພັດທະນາດີເດັ່ນຂອງລາວ.
ທ່ານ Walden Bello ຮອງປະທານຄະນະກໍາມະການດ້ານສິດທິມະນຸດ ຂອງລັດຖະ ສະພາອາຊ່ຽນ ໄດ້ຖະແຫຼງການໃນໂອກາດທີ່ຄະນະຜູ້ແທນຂອງລັດຖະສະພາຢູໂຣບ ຢ້ຽມຢາມ ສປປ.ລາວ ຢ່າງເປັນທາງການ ໃນວັນທີ 28 ຕຸລານີ້ວ່າ ຖືເປັນອີກໂອກາດນຶ່ງທີ່ຈະໄດ້ທວງຖາມທາງການລາວ ເຖິງຄວາມຄືບໜ້າ ຂອງການສືບສວນຫາຄວາມຈິງກ່ຽວກັບກໍລະນີຂອງ ທ່ານສົມບັດ ສົມພອນ ນັກພັດທະນາລາວຜູ້ດີເດັ່ນຂອງອາຊ່ຽນ ທີ່ໄດ້ຫາຍຕົວໄປນັບຕັ້ງແຕ່ວັນທີ 15 ທັນວາ ປີ 2012 ເປັນຕົ້ນມາ.
ຄະນະຜູ້ແທນ ຂອງລັດຖະສະພາຢູໂຣບ ທີ່ຢ້ຽມຢາມລາວ ໃນ
ຄັ້ງນີ້ ນໍາໂດຍທ່ານWerner Langen ປະທານລັດຖະສະພາ
ຢູໂຣບ ຊຶ່ງຄະນະຂອງທ່ານກໍໄດ້ພົບປະເຈລະຈາຮ່ວມກັນ ກັບ
ຄະນະຜູ້ແທນຂອງສະພາແຫ່ງຊາດລາວທີ່ມີທ່ານ ໄຊສົມພອນ
ພົມວິຫານ ຮອງປະທານສະພາແຫ່ງຊາດລາວເປັນຫົວໜ້າຄະ
ນະ ໂດຍທັງສອງຝ່າຍກໍໄດ້ແລກປ່ຽນທັດທະນະຄວາມເຫັນທັງ
ໃນດ້ານການພັດທະນາເສດຖະກິດ ສັງຄົມ ແລະສິດທິມະນຸດທັງ
ທີ່ເປັນການຮ່ວມມື ລະຫວ່າງສະພາແຫ່ງຊາດລາວ ກັບລັດຖະ
ສະພາ ຢູໂຣບ ແລະລັດຖະສະພາອາຊ່ຽນອີກດ້ວຍ.
ແຕ່ຢ່າງໃດກໍຕາມ ສະມາຊິກລັດຖະສະພາຢູໂຣບ ກໍເຄີຍພົບປະເຈລະຈາກັບຄະນະເຈົ້າ ໜ້າທີ່ຂອງທາງການລາວ ຢູ່ນະຄອນວຽງຈັນ ມາແລ້ວຄັ້ງນຶ່ງ ເມື່ອເດືອນສິງຫາປີນີ້ ໂດຍຄະນະຜູ້ແທນຂອງລັດຖະສະພາຢູໂຣບຢືນຢັນວ່າຈະດໍາເນີນມາດຕະການກົດດັນລັດຖະບານລາວຫຼາຍ ຂຶ້ນໃນກໍລະນີການຫາຍຕົວໄປຂອງທ່ານສົມບັດ ສົມພອນ ເພາະເຫັນວ່າທາງການລາວບໍ່ໄດ້ ດໍາເນີນການຢ່າງຈິງຈັງ ໃນການສືບສວນ ເພື່ອຄົ້ນຫາຄວາມຈິງ.
ທັງນີ້ໂດຍກໍລະນີທີ່ສະທ້ອນ ໃຫ້ເຫັນເຖິງຄວາມບໍ່ຈິງຈັງຂອງທາງການລາວໄດ້ຢ່າງຊັດເຈນ ກໍຄືການທີ່ບໍ່ໄດ້ໃຊ້ປະໂຫຍດ ຈາກພາບທີ່ກ້ອງວົງຈອນປິດຂອງທາງການລາວບັນ ທຶກໄວ້ໄດ້ໃນ ຕອນແລງຂອງວັນທີ 15 ທັນວາ 2012 ຊຶ່ງເປັນມື້ທີ່ທ່ານສົມບັດ ຖືກລັກພາຕົວໄປຈາກປ້ອມຕໍາຫຼວດໃນເຂດນະຄອນວຽງຈັນ.
ກ່ອນໜ້ານີ້ ພັນເອກ ເພັງສະຫວັນ ທິບພະວົງໄຊ ຮອງຫົວໜ້າກົມໃຫຍ່ຕໍາຫຼວດ ກະ ຊວງ ປ້ອງກັນຄວາມສະຫງົບພາຍໃນ ໄດ້ໃຫ້ການຢືນຢັນໃນໂອກາດການຖະແຫຼງຂ່າວຢ່າງເປັນທາງການຄັ້ງທີ 3 ກ່ຽວກັບກໍລະນີການຫາຍຕົວໄປຂອງທ່ານສົມບັດ ວ່າທາງການຕໍາຫຼວດລາວໄດ້ດໍາເນີນການສຶບສວນສອບສວນເພື່ອຄົ້ນຫາຄວາມຈິງກ່ຽວກັບກໍລະນີດັ່ງກ່າວນີ້ຢູ່ເລື້ອຍມາ.
ໂດຍທາງການລາວກໍໄດ້ເຮັດໜັງສື ສະເໜີໄປເຖິງອົງການຕໍາຫຼວດສາກົນ ເພື່ອຂໍໃຫ້ອອກໃບ ແຈ້ງຄົນຫາຍສາບສູນ ຊຶ່ງອົງການຕໍາຫຼວດສາກົນກໍໄດ້ອອກເອກກະສານເປັນໃບແຈ້ງການ ວ່າທ່ານສົມບັດ ເປັນຄົນຫາຍສາບສູນຢ່າງເປັນທາງການໃນວັນທີ 23 ເມສາທີ່ຜ່ານມາ ແລະ ໃນລະຍະດຽວກັນ ທາງການລາວກໍໄດ້ສົ່ງໜັງສື ເຖິງທາງການຕໍາຫຼວດສາກົນຂອງສະຫະລັດອາເມຣິກາ ອິນເດຍ ເກົາຫຼີໃຕ້ ຍີ່ປຸ່ນ ຝຣັ່ງ ແລະສະເປນ ເພື່ອຂໍໃຫ້ຊ່ວຍຊອກຫາຕົວທ່ານ ສົມບັດ ອີກດ້ວຍ.
ທາງດ້ານທ່ານນາງ ອັງຄະນາ ນີລະໄພຈິດ ປະທານຄະນະທໍາງານຍຸຕິທໍາເພື່ອສັນຕິ ພາບໃນ ໄທກໍໃຫ້ທັດສະນະວ່າ ການຫາຍຕົວໄປຂອງທ່ານສົມບັດ ເກີດຈາກສາເຫດອັນດຽວກັນກັບການຫາຍຕົວໄປຢ່າງບໍ່ມີຮ່ອງຮອຍຂອງທ່ານ ສົມຊາຍ ນີລະໄພຈິດ ທະ ນາຍຄວາມຊື່ດັງຂອງ ໄທ ໂດຍສາເຫດທີ່ວ່ານີ້ ກໍຄືການໃຊ້ອໍານາດລັດຄຸກຄາມສິດທິຂັ້ນພື້ນຖານຂອງປະຊາຊົນ ດັ່ງທີ່ທ່ານນາງ ໄດ້ກ່າວວ່າ:
“ກໍລະນີສົມບັດນີ້ ມີຮູບພາບທີ່ອອກມາ ແລະເຫັນຢ່າງຊັດເຈນວ່າເກີດຫຍັງຂຶ້ນ ຂະໜາດມີ ຫຼັກຖານແບບນີ້ແລ້ວ ສປປ.ລາວ ກໍຍັງໃຫ້ຄໍາຕອບວ່າ ເຈົ້າໜ້າທີ່ຕໍາຫຼວດລາວນີ້ ບໍ່ມີສ່ວນກ່ຽວ ຂ້ອງ ໃນຂະນະດຽວກັນກັບໃນກໍລະນີຂອງສົມຊາຍ ນີລະໄພຈິດ ນີ້ ກໍມີຫຼັກຖານ ການໃຊ້ໂທລະສັບ ມີຄົນບອກໄດ້ວ່າ ເປັນເຈົ້າໜ້າທີ່ຕໍາຫຼວດ ແຕ່ສຸດທ້າຍ ຂໍ້ມູນຕ່າງໆ ກໍຖືກລຶບຖິ້ມໄປ ໃນ ເວລາອັນວ່ອງໄວ.”
ທ່ານນາງ ອັງຄະນາ ເປັນພັນລະຍາໝ້າຍຂອງທ່ານສົມຊາຍ ທະນາຍຄວາມທີ່ໄດ້ໃຫ້ ການຊ່ວຍເຫຼືອແກ່ບັນດາຊາວໄທມຸສລິມ ທີ່ຖືກກ່າວຫາວ່າກໍ່ການຮ້າຍໃນເຂດພາກໃຕ້ຂອງໄທ ຈົນໃນສຸດທ້າຍທີ່ສຸດ ຕົວຂອງທ່ານເອງກໍຖືກລັກພາຕົວໄປ ນັບຕັ້ງແຕ່ປີ 2004 ເປັນຕົ້ນມາ.
