ສະຫະລັດເຕືອນວ່າ ກໍລະນີພິພາດເລື່ອງດິນແດນຢູ່ໃນ
ນ່ານນໍ້າຂອງເອເຊຍ ພວມເປັນບັນຫາທ້າທາຍ ທີ່ທະວີ
ຂຶ້ນນັບມື້ ຕໍ່ສະເຖຍລະພາບແລະຄວາມວັດທະນາຖາ
ວອນຢູ່ໃນຂົງເຂດ.
ລັດຖະມົນຕີກະຊວງປ້ອງກັນປະເທດສະຫະລັດ ທ່ານ
Robert Gates ກ່າວຕໍ່ກອງປະຊຸມລັດຖະມົນຕີປ້ອງ
ກັນປະເທດຈາກ 18 ປະເທດ ທີ່ນະຄອນຫຼວງຮ່າໂນ່ຍ
ໃນວັນອັງຄານມື້ນີ້ວ່າ ການອ້າງກຳມະສິດເຫຼົ່ານີ້ຄວນ
ຈະໄດ້ຮັບການແກ້ໄຂຢ່າງສັນຕິ ໂດຍປາດສະຈາກບັງຄັບ
ຂູ່ເຂັນໃດໆ. ທ່ານໄດ້ກ່າວຢໍ້າເຖິງການຮຽກຮ້ອງຂອງ
ສະຫະລັດ ທີ່ຢາກໃຫ້ມີການເດີນເຮືອໄດ້ຢ່າງເສລີ ຢູ່ໃນ
ເຂດນ່ານນໍ້ານາໆຊາດ.
ເຖິງແມ່ນໄດ້ມີການເຕືອນດັ່ງກ່າວ ພວກຜູ້ແທນທີ່ໄປຮ່ວມ
ໃນກອງປະຊຸມ ເທື່ອທຳອິດ ຂອງລັດຖະມົນຕີປ້ອງກັນ
ປະເທດອາຊ່ຽນແລະ 8 ປະເທດຄູ່ເຈລະຈາ ກໍລາຍງານ
ວ່າ ໄດ້ມີການຫຼຸດລົງພຽງເລັກນ້ອຍເທົ່ານັ້ນ ໃນຄວາມເຄັ່ງຕຶງກ່ຽວກັບບັນຫາຂັດແຍ້ງ ໃນເຂດທະເລຈີນໃຕ້ນັ້ນ.
ລັດຖະມົນຕີກະຊວງປ້ອງກັນປະເທດຂອງຈີນ ທ່ານ Liang Quanglie ໃຫ້ການຄໍ້າປະກັນ
ຕໍ່ພວກຜູ້ແທນທີ່ໄປຮ່ວມປະຊຸມວ່າ ການພັດທະນາທາງທະຫານຂອງຈີນ ແມ່ນຢູ່ໃນຮູບຂອງ
ການປ້ອງກັນ ແລະບໍ່ໄດ້ມີເປົ້າໝາຍ ເພື່ອທ້າທາຍ ຫຼືຂົ່ມຂູ່ຕໍ່ປະເທດໃດທັງນັ້ນ.
ແລະຫວຽດນາມ ຊຶ່ງເປັນປະເທດເຈົ້າພາບ ໄດ້ປະກາດໃຫ້ຊາບວ່າ ຈີນໄດ້ປ່ອຍຊາວປະມົງ 9 ຄົນ ທີ່ຖືກຈີນຈັບຢູ່ໃກ້ໆໝູ່ເກາະທີ່ມີການອ້າງກຳມະສິດ ທັງຈີນແລະຫວຽດນາມນັ້ນແລ້ວ.
