ພວກນັກການທູດກ່າວວ່າ ລັດຖະມົນຕີການຕ່າງປະເທດ
ຂອງມຽນມາ ໄດ້ແຈ້ງໃຫ້ບັນດາລັດຖະມົນຕີການຕ່າງປະ
ເທດຂອງສະມາຄົມອາຊ່ຽນຊາບວ່າ ຜູ້ນຳປະຊາທິປະໄຕ
ຂອງມຽນມາທ່ານນາງອອງຊານຊູຈີຈະຖືກປ່ອຍຫຼັງຈາກ
ການເລືອກຕັ້ງ ໃນເດືອນໜ້າ.
ພວກນັກການທູດເວົ້າວ່າທ່ານ Nyan Win ຍັງໄດ້ແຈ້ງ
ໃຫ້ບັນດາຄູ່ຕໍາແໜ່ງຂອງທ່ານ ຈາກອາຊ່ຽນຊາບຕື່ມວ່າ
ຜູ້ນຳຂອງມຽນມາ ນາຍພົນ Than Shwe ບໍ່ໄດ້ລົງ
ສະມັກເລືອກຕັ້ງ ໃນການປ່ອນບັດວັນທີ 7 ພະຈິກ.
ການໃຫ້ຄວາມເຫັນດັ່ງກ່າວ ຂອງທ່ານ Nyan Win
ມີຂຶ້ນໃນງານລ້ຽງອາຫານຄໍ່າສ່ວນໂຕ ຢູ່ທີ່ນະຄອນຫຼວງ
ຮ່າໂນ່ຍ ໃນມື້ວັນພຸດວານນີ້ ກ່ອນກອງປະຊຸມຂອງ
ພວກຜູ້ນຳ ໃນເຂດເອເຊຍຕາເວັນອອກສຽງໃຕ້.
ການກັກບໍລິເວນທ່ານນາງອອງຊານຊູຈີຮອບປັດຈຸບັນ ຈະໝົດອາຍຸໃນວັນທີ 13 ພະຈິກ 6
ມື້ລຸນຫຼັງການເລືອກຕັ້ງ. ແຕ່ຄວາມເຫັນຂອງທ່ານ Nyan Win ທີ່ວ່າທ່ານນາງຈະຖືກປ່ອຍ
ຖ້າຫາກທ່ານນາງຈະບໍ່ລະເມີດກົດໝາຍນັ້ນ ແມ່ນການຢືນຢັນ ຢ່າງເປັນທາງການເທື່ອທຳ
ອິດ ທີ່ວ່າທ່ານນາງອາດຈະຖືກປ່ອຍ ເວລາກຳນົດການກັກບໍລິເວນທ່ານນາງ ໝົດອາຍຸລົງ.
