ເຈົ້າໜ້າທີ່ອາວຸໂສຂອງກຸ່ມເອເຊຍຕາເວັນອອກສຽງໃຕ້ກ່າວວ່າ ASEAN ຈະເລັ່ງການເຈລະຈາຫາລືກັບຈີນກ່ຽວກັບກົດລະບຽບ ເພື່ອຫຼຸດຜ່ອນຄວາມສ່ຽງຂອງການຂັດແຍ້ງຢູ່ບໍລິເວນທະເລຈີນໃຕ້ ທີ່ມີການປະທະກັນຢ່າງຮຸນແຮງ, ເຊິ່ງມີເປົ້າໝາຍຈະເຮັດໃຫ້ສຳເລັດພາຍໃນປີ 2026 ນີ້.
ແຕ່ວ່າ ການທີ່ລະບຽບການດັ່ງກ່າວຈະມີຜົນບັງຄັບໃຊ້ຕາມກົດໝາຍນັ້ນ ແມ່ນຍັງຢູ່ພາຍໃຕ້ການປຶກສາຫາລືກັນຢູ່.
ທ່ານ ເກົາ ກິມ ຮວນ (Kao Kim Hourn), ເລຂາທິການໃຫຍ່ຂອງສະມາຄົມ ປະຊາຊາດແຫ່ງເອເຊຍຕາເວັນອອກສຽງໃຕ້ ຫຼື ASEAN ກ່າວຕໍ່ບັນດານັກ ຂ່າວລະຫວ່າງກອງປະຊຸມໂຕະມົນໃນວັນພຸດວານນີ້ວ່າ “ພວກເຮົາຍັງຄົງສືບຕໍ່ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງຈົ່ງໃຊ້ຄວາມອົດທົນ, ພວກເຮົາບໍ່ສາມາດປະຕິ ເສດຄວາມຈິງທີ່ວ່າ ສະຖານະການຕ່າງໆຍັງຄົງສືບຕໍ່ຮຸນແຮງຂື້ນ.”
ທ່ານ ເກົາ ຢູ່ທີ່ນະຄອນຫຼວງວໍຊິງຕັນໃນອາທິດນີ້ ສໍາລັບການຢ້ຽມຢາມໃນໜ້າ ທີ່ຄັ້ງທໍາອິດຂອງທ່ານ ເພື່ອຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ລະຫວ່າງກຸ່ມພາກພື້ນ ແລະ ສະຫະລັດ.
ໃນລະຫວ່າງກອງປະຊຸມສໍາມະນາຢູ່ທີ່ສູນ Stimson ໃນມື້ວັນພຸດວານນີ້, ຮອງລັດຖະມົນຕີການຕ່າງປະເທດສະຫະລັດ ທ່ານເຄີດ ແຄັມເບລ (Kurt Campbell) ໄດ້ຮຽກຮ້ອງໃຫ້ ASEAN ຈົ່ງ “ສົ່ງຂໍ້ຄວາມທີ່ບໍ່ມີຄວາມຜິດພາດ ກ່ຽວກັບຄວາມກັງວົນ ພ້ອມດ້ວຍການເກາະຜິດໃນສິ່ງທີ່ເປັນນ່ານນ້ໍາຂອງ ຟີລິບປິນຢ່າງຈະແຈ້ງ.”
ຟໍຣັມສະແດງຄວາມຄິດເຫັນ