ເຈົ້າໜ້າທີ່ສືບລັບຂອງປາກິສຖານກ່າວວ່າ ການໂຈມຕີດ້ວຍລູກສອນໄຟຈາກເຮືອບີນ
ທີ່ບໍ່ມີຄົນຂັບຂອງສະຫະລັດ ໄດ້ສັງຫານພວກຫົວຮຸນ ແຮງຢ່າງນ້ອຍ 3 ຄົນແລະອີກ
2 ຄົນບາດເຈັບ ໃນເຂດພາກຕາເວັນຕົກສຽງເໜືອຂອງປະເທດ.
ເຈົ້າໜ້າທີ່ກ່າວວ່າ ລູກສອນໄຟສອງລູກ ໄດ້ຍິງຖືກເຮືອນຫລັງນຶ່ງໃນຕອນເຊົ້າວັນສຸກ
ນີ້ ທີ່ເມຶືອງ Miran Shah ຊຶ່ງເປັນຫົວເມືອງສຳຄັນໃນ Waziristan ເໜືອ ຊຶ່ງເປັນ
ບ່ອນຫຼົບລີ້ທີ່ສຳຄັນຂອງພວກຕາລີ ບານ ແລະພວກກໍ່ການຮ້າຍ al-Qaida.
ການໂຈມຕີອາດເຮັດໃຫ້ເກີດຄວາມຍຸ່ງຍາກແກ່ສະຫະລັດທີ່ພວມພະຍາ ຊັກຊວນໃຫ້
ປາກິສຖານ ເປີດດ່ານຂ້າມຊາຍແດນຂອງຕົນ ຄືນໃໝ່ອີກ ເພື່ອນໍາເອົາສຳພາລະຕ່າງໆ
ໄປໃຫ້ກອງທະຫານອົງການ NATO ໃນອັຟການິສຖານ. ປາກິສຖານໄດ້ປິດຊາຍແດນ
ຂອງຕົນໃນເດືອນພະຈິກ ປີກາຍ ເພື່ອຕອບໂຕ້ຕໍ່ການທີ່ສະຫະລັດ ໄດ້ຍິງລູກສອນໄຟ
ໂຈມຕີ ທີ່ເຮັດໃຫ້ທະຫານປາກິສຖານເສຍຊີວິດໄປ 24 ຄົນ.
ໃນວັນພຸດທີ່ຜ່ານມານີ້ ພວກນາຍພົນອະວຸໂສຂອງສະຫະລັດທີ່ຄວບຄຸມການເຮັດສົງຄາມ
ໃນອັຟການິສຖານຄືນາຍພົນ James Mattis ແລະນາຍພົນ John Allen ໄດ້ພົບປະ
ກັບຜູ້ບັນຊາການທະຫານສູງສຸດຂອງປາກິສຖານ ນາຍພົນ Ashfaq Parvez Kayani
ເປັນຄັ້ງ ທຳອິດນັບແຕ່ໄດ້ມີການໂຈມຕີທີ່ເຮັດໃຫ້ພວກທະຫານປາກິສຖານໄດ້ເສຍຊີວິດ
ໄປນັ້ນ.
ປະທານາທິບໍດີສະຫະລັດ ທ່ານ Barack Obama ແລະນາຍົກລັດຖະມົນຕີປາກິສຖານ
ທ່ານ Yousuf Raza Gilani ໄດ້ພົບປະກັນໃນວັນອັງຄານຜ່ານມາ ທີ່ກອງປະຊຸມສຸດ
ຍອດນີວເຄລຍ ທີ່ກຸງໂຊລ.
ລັດຖະມົນຕີການຕ່າງປະເທດປາກິສຖານກ່າວວ່າ ການພົບປະທີ່ວ່ານີ້ພາໃຫ້ມີການເຫັນ
ພ້ອມນຳກັນດີທັງສອງຝ່າຍ ເພື່ອຟື້ນຟູຄວາມສໍາພັນໃນບໍ່ຊ້ານີ້ ແລະເປີດເສັ້ນທາງການສົ່ງ
ສຳພາລະຂອງອົງການເນໂຕ້ໄປ ຍັງອັຟການິສຖານຄືນໃໝ່ ແຕ່ວ່າ ສະພາແຫ່ງຊາດຂອງ
ປາກິສຖານ ຕ້ອງໄດ້ເປັນຜູ້ອະນຸມັດຂັ້ນສຸດທ້າຍ ກ່ອນການເຈລະຈາຢ່າງເປັນທາງການລະ
ຫວ່າງສອງປະເທດຈະສາມາດເລີ່ມຂຶ້ນໄດ້.