ລິ້ງ ສຳຫລັບເຂົ້າຫາ

ສານສູງສຸດຂອງປາກີສຖານ ຟ້ອງ​ຮ້ອງ ນາຍົກ ລມຕ Gilani ໃນ​ຂໍ້​ຫາໝິ່ນປະໝາດສານ

  • ວັນນະສອນ ແກ້ວດາຣາ

ນາຍົກລັດຖະມົນຕີປາກິສຖານ ທ່ານ Yusuf Raza Gilani

ໃນວັນຈັນມື້ນີ້ ສານສູງສຸດຂອງປາກີສຖານໄດ້ຟ້ອງ​ຮ້ອງນາຍົກລັດຖະມົນຕີ Yusuf
Raza Gilani ໃນ​ຂໍ້​ຫາໝິ່ນປະໝາດສານ ຊຶ່ງ​ທ່ານ Gilani ​ໄດ້​ໃຫ້ການ​ວ່າ ທ່ານບໍ່ຜິດ.

ຖ້າຫາກທ່ານ Gilani ໄດ້ຖືກພົບ​ເຫັນວ່າ ມີຄວາມຜິດ​ແລ້ວທ່ານກໍ​ອາດ​ສາມາດຖືກປົດ
ອອກຈາກຕໍາແໜ່ງແລະຈໍາຄຸກ​ໄດ້.

ນີ້ແມ່ນ​ເຫດການຜັນ​ຂະຫຍາຍອັນຫຼ້າສຸດ ​ໃນການຕໍ່ສູ້ກັນທີ່ດໍາເນີນຢູ່​ຕໍ່ມາ ລະຫວ່າງ
ສານສູງສຸດ ກັບທ່ານ​ Gilani ກ່ຽວ​ກັບຄະດີສໍ້ລາດບັງຫຼວງ ທີ່ ຍ້ອນຫຼັງກັບໄປຫາຊຸມປີ
1990 ພຸ້ນ. ຄະນະໄອຍະການສານໄດ້ກ່າວຫາ ປະທານາທິບໍດີປາກີສຖານ ທ່ານ
Asif Ali Zardari ກັບອະດີດນາຍົກລັດຖະມົນຕີ Benazir Bhutto ແລະອີກຫຼາຍໆ
ຄົນ ວ່າຟອກເງິນຈໍານວນ​ຫລາຍ​ລ້ານ​ໂດ​ລາ ຜ່ານບັນຊີຈາກທະນາຄານ Swiss ນັ້ນ.
ທ່ານນາງ Bhutto ພັນລະຍາປະທານາທິບໍດີ Zardari ໄດ້ຖືກລອບສັງຫານໃນປີ 2007.

ຂໍ້​ກ່າວ​ຫາຕ່າງໆຕໍ່ທ່ານ Zardari ແລະຄົນ​ອື່ນໆ ໄດ້ຍົກເລີກ​ໃນ​ເບື້ອງ​ຕົ້ນ ຫຼັງຈາກມີ
ການ​ບັນລຸຂໍ້ຕົກລົງ​ໃຫ້ອະໄພຍະໂທດ ​ໃນປີ 2007 ແຕ່ສານສູງ​ສຸດໄດ້ປະກາດລົບ​ລ້າງ
ຂໍ້​ຕົກລົງດັ່ງກ່າວໃນປີ 2009 ແລະນັບຕັ້ງແຕ່ນັ້ນມາ ກໍໄດ້ພະຍາຍາມໃຫ້​ມີ​ການໃຫ້
ເປີດຄະດີຄືນມາໃໝ່ອີກ.

ນາຍົກລົດຖະມົນຕີ Gilani ໄດ້ປະຕິເສດບໍ່​ຍອມ​ໃຫ້ການຮ່ວມມື ແລະ ໂຕ້ແຍ້ງວ່າ​
ທ່ານ Zardari ມີ​ສິດ​ຖືກຍົກເວັ້ນຈາກ​ການ​ດໍາ​ເນີນ​ຄະດີ​ໃດໆ ໃນຂະນະທີ່ທ່ານ​ຍັງ
ກໍາອໍານາດຢູ່ນັ້ນ.

XS
SM
MD
LG