ເຫຼືອພຽງແຕ່ 3 ວັນເທົ່ານັ້ນກໍຈະຮອດວັນທີ 11 ກັນຍາຫຼື September 11 ທີ່ທຸກໆ
ຄົນເອີ້ນກັນນັ້ນ ເພື່ອສະດຸດດີ ແລະໄຫວ້ອາໄລ ເຖິງດວງວິນຍານ ຂອງບັນດາຜູ້ເຄາະ
ຮ້າຍ ເນື່ອງໃນວັນວິນາດສະກໍາທີ່ໄດ້ເກີດຂຶ້ນ 10 ປີກ່ອນນັ້ນ. ທາງລາຍການຊີວິດຊາວ
ລາວໃນຕ່າງແດນຂອງ VOA ຈຶ່ງຢາກຈະນໍາສະເໜີເລື່ອງລາວໃນອະດີດ ທີ່ໜ້າສົນໃຈ,
ໜ້າຮຽນຮູ້ແລະສຶກສາຈາກປະສົບການຂອງຄົນລາວ ທີ່ໄດ້ປະສົບກັບເຫດຮ້າຍເຫຼົ່ານີ້ມາ ສະເໜີທ່ານ.
ເຊົ້າຂອງວັນ 11 ກັນຍາໄດ້ໄດ້ມີເຮືອບິນ ສາຍການບິນ United Airline ແລະ ສາຍ
ການບິນ American Airlines ສອງລໍາ ໄດ້ບິນມຸ້ງເຂົ້າຕໍາຕຶກແຝດ ຫຼື Twin Tower
ສູນກາງຄ້າໂລກຫຼື World Trade Center ໃນນະຄອນ New York ໃນເວລາໄລ່ເລ່ຍ
ກັນຄື ປະມານ 8:45 ແລະຫຼັງ 9 ເຊົ້າໜ້ອຍນຶ່ງ ຫຼັງຈາກໄດ້ມີໄຟໄໝ້ຢູ່ຕຶກແລ້ວ ອີກບໍ່
ດົນ ຕຶກທັງສອງຫຼັງກໍພັງທະລາຍລົງ ເຮັດໃຫ້ມີຜູ້ເສຍຊີວິດ 2, 753 ຄົນ.
ໃນຂະນະທີ່ສົນລະວົນ, ສັບສົນ, ງົງງັນກັນໃນເຫດການເຮືອບິນຕໍາຕຶກແລ້ວ ໃນເວລາ
ທີ່ໃກ້ຄຽງກັນ ທ່ຽວບິນ 77 ຂອງອະເມຣິກັນ ແອລາຍ ກໍໄດ້ບິນ ເຂົ້າຕໍາທໍານຽບຫ້າແຈ
ຫຼື Pantagon ແລະລໍາທີ 4 United Airlines ທ້ຽວບິນ 93 ກໍໄດ້ຕົກໃສ່ພື້ນດິນ ທີ່
ເມືອງ Shanksville, Pennsylvania ໃນເວລາ 10:03 ຕອນເຊົ້າ ຊຶ່ງຈິງໆແລ້ວ ເຮືອບິນ
ລໍາດັ່ງກ່າວແມ່ນໄດ້ແນ່ເປົ້າໝາຍ ໃສ່ລັດຖະສະພາ ຫຼືບໍ່ ກໍທໍານຽບຂາວ ແຕ່ຖືກພວກຜູ້
ໂດຍສານຊ່ອຍກັນ ສະກັດກັ້ນໄວ້ໂດຍພາກັນບຸກເຂົ້າໄປໃນຫ້ອງນັກບິນ ຈົນພາໃຫ້ເຮືອ
ບິນຕົກລົງໃສ່ພື້ນດິນໃນທີ່ສຸດ.
ມື້ນີ້ທາງລາຍການບີວິດຊາວລາວໃນຕ່າງແດນ ໄດ້ສໍາພາດກັບ ນິກອນ ອົງແກ້ວ ນັກ
ທຸລະກິດ ເຈົ້າຂອງຮ້ານອາຫານລາວ ເອເຊຍທີ່ມີຊື່ວ່າ "Manger Avec Moi," ທີ່
ຕັ້ງຢູ່ຫ່າງຈາກຕຶກ World Trade Center ພຽງແຕ່ 2-3 ຮ່ອມເທົ່ານັ້ນ ຊຶ່ງລາວໄດ້
ໂອ້ລົມສູ່ຟັງດັ່ງນີ້:
/ການສໍາພາດ/
ເຖິງແມ່ນວ່າ ການເວລາຈະລ່ວງ
ເລີຍມານານເປັນສິບປີແລ້ວກໍ
ຕາມ ແຕ່ພວກເຮົາທຸກຄົນກໍຍັງ
ອົດອ່ອນໄຫວບໍ່ໄດ້ ທີ່ຈະຈົດຈໍາ
ວັນວິນາດສະກໍາມື້ນັ້ນໄດ້ເປັນ
ຢ່າງດີ. ຜົນຮ້າຍກໍຄືສູນເສຍຜູ້
ຄົນໄປສາມພັນກ່ວາຄົນ ຊຶ່ງ
ພວກທີ່ເຄາະຮ້າຍ ມີໂຮມທັງ
ນັກດັບເພິງ, ຕໍາຫຼວດ, ແລະ
ຫຼາຍໆບຸກຄົນທີ່ເຂົ້າໄປຊ່ອຍ
ກູ້ໄພນໍາ. ຜົນດີທີ່ຕາມມາຈາກ
ເຫດຮ້າຍຄັ້ງນີ້ ໜ້າຈະແມ່ນການ
ມີຄວາມຕື່ນຕົວ, ຮອບຄອບ ລະມັດລະວັງ ແລະກໍທໍາໃຫ້ສະຫະລັດມີຄວາມລະວັງຕົວ
ຫຼາຍຂຶ້ນ ແລະສຶກສາ ເຈາະເລິກເພື່ອນໍາເອົາພວກທີ່ກ່ຽວຂ້ອງມາຮັບໂທດໃຫ້ໄດ້, ໄດ້
ຮຽນຮູ້ກຸ່ມກໍ່ການຮ້າຍ al-Qaida ແລະໃນທີ່ສຸດ ສະຫະລັດກໍສາມາດສັງຫານຫົວໜ້າ
ກໍ່ການຮ້າຍ Osama bin Laden ໄດ້ ໃນເດືອນພຶດສະພາ ປີນີ້.
ຊາວອະເມຣິກັນ ໂດຍສະເພາະ ໃນ New York ນັ້ນແມ່ນເຫັນອົກເຫັນໃຈ ເອົາໃຈໃສ່ ຊ່ວຍເຫຼືອຊຶ່ງກັນແລະກັນເພີ່ມຂຶ້ນ ແລະສະຖານທີ່ບ່ອນເກີດເຫດ ທີ່ເອີ້ນວ່າ Ground
Zero ກໍຈະໄດ້ຈັດສ້າງໃຫ້ເປັນສວນສາທາລະນະ ຫຼື ສະຖານທີ່ໄວ້ອາໄລເຖິງດວງວິນ
ຍານຜູ້ເຄາະຮ້າຍໃນເຫດການ 9/11 ນີ້.
ອາທິດໜ້າ ທາງລາຍການຊີວິດຊາວລາວໃນຕ່າງແດນ ກໍຈະນໍາເອົາປະສົບການຂອງ
ຄົນລາວອະເມຣິກັນອື່ນໆມາສະເໜີທ່ານຜູ້ຟັງອີກ. ກະລຸນາຄອຍຕິດຕາມຮັບຟັງ.
