ເບິ່ງວີດີໂອກ່ຽວກັບການໂຄສະນາຫາສຽງໃນໃມື້ສຸດທ້າຍຂອງບັນດາຜູ້ສະມັກ
ຈາກພັກຣີພັບບລິກັນ:
ບັນດາຜູ້ສະມັກແຂ່ງຂັນປະທານາທິບໍດີສັງກັດພັກ Republican ທີ່ຫວັງວ່າ ຈະໄດ້ເຂົ້າໄປຢູ່ໃນທໍານຽບຂາວໃນເດືອນພະຈິກປີນີ້ ຍັງມີເວລາພຽງ 1 ມື້ເຕັມເພື່ອໂຄສະນາຫາສຽງ ກ່ອນການລົງຄະແນນສຽງຂອງພັກໃນວັນອັງຄານມື້ອື່ນທີ່ລັດ Iowa ຊຶ່ງເປັນການທົດສອບສໍາຄັນຄັ້ງທໍາອິດຂອງການເລືອກຕັ້ງປະທານາທິບໍດີໃນປີ 2012 ນີ້.
ການສໍາຫລວດຫາງສຽງໂດຍໜັງສືພິມທີ່ມີຊື່ສຽງທີ່ສຸດຂອງລັດຄື ໜັງສືພິມ Des Moines Register ເຮັດໃຫ້ເປັນການຍາກສໍາລັບພວກນັກຊ່ຽວຊານທີ່ຈະທໍານາຍໄດ້ວ່າ ຜູ້ໃດຈະເປັນຜູ້ຊະນະ.
ໜັງສືພິມດັ່ງກ່າວເວົ້າວ່າ ອະດີດຜູ້ວ່າການລັດ Massachusetts ທ່ານ Mitt Romney ມີຄະແນນນໍາໜ້າ ຄືມີສຽງສະໜັບສະໜຸນ 24 ເປີເຊັນ. ຕິດຕາມມາຢ່າງໃກ້ຊິດແມ່ນທ່ານ Ron Paul ສະມາຊິກສະພາຕໍ່າສະຫະລັດຈາກລັດ Texas ຊຶ່ງໄດ້ຮັບສຽງສະໜັບສະໜຸນ 22 ເປີເຊັນ. ອະດີດສະມາຊິກສະພາສູງ ຫົວນິຍົມແນວທາງເດີມໃນດ້ານສັງຄົມທ່ ານ Rick Santorum ໄດ້ກະໂດດຂຶ້ນມາເປັນອັນດັບ 3 ຄືໄດ້ຮັບສຽງສະໜັບສະໜຸນ 15 ເປີເຊັນ ຫລັງຈາກຕົກຢູ່ໃນລະດັບ ຕໍ່າສຸດ ເປັນເວລາຫລາຍເດືອນ ຂອງການສໍາຫລວດຫາງສຽງພວກຜູ້ປ່ອນບັດເລືອກຕັ້ງນັ້ນ.
ພວກສະມັກອີກ 4 ທ່ານ ທີ່ມີສຽງລ້າຫລັງ ຄື ອະດີດປະທານສະພາຕໍ່າສະຫະລັດ ທ່ານ Newt Gingrich, ທ່ານ Rick Perry ຜູ້ວ່າການ ລັດ Texas, ທ່ານນາງ Michele Bachmann ສະມາຊິກສະພາຕໍ່າສະຫະລັດ ແລະທ່ານ Jon Huntsman ອະດີດເອກອັກຄະລັດຖະທູດສະຫະລັດປະຈໍາປະເທດຈີນ ທັງໝົດນັ້ນ ນອກຈາກທ່ານ Huntsman ແລ້ວ ແມ່ນເຄີຍມີສຽງສະໜັບສະໜຸນເກືອບນໍາໜ້າມາເທື່ອນຶ່ງ ຕາມການສໍາຫລວດຫາງສຽງຂອງຜູ້ປ່ອນບັດເລືອກຕັ້ງ.
ແຕ່ໜັງສືພິມ Des Moines Register ກ່າວວ່າ 41 ເປີເຊັນຂອງ ພວກທີ່ວາງແຜນຈະໄປຮ່ວມໃນກອງປະຊຸມຂອງພັກ ຍັງບໍ່ທັນຕັດສິນ ໃຈ ຫລືບໍ່ກໍກ່າວວ່າ ເຂົາເຈົ້າອາດສາມາດປ່ຽນໃຈໄດ້ກ່ອນການປ່ອນ ບັດໃນວັນອັງຄານມື້ອື່ນນີ້ ຊຶ່ງເຮັດໃຫ້ຜົນຂອງການເລືອກຕັ້ງຍັງບໍ່ແນ່ນອນເລີຍ.
ເຖິງແມ່ນວ່າການໄດ້ຮັບໄຊຊະນະໃນການເລືອກຕັ້ງຂອງພັກໃນລັດ Iowa ນັ້ນ ບໍ່ເປັນບາດ ກ້າວທີ່ແນ່ນອນໄປສູ່ການເຂົ້າໄປຢູ່ໃນທໍານຽບຂາວກໍຕາມ ແຕ່ການໄດ້ຮັບສຽງສະໜັບສະໜຸນຢ່າງແຂງແຮງກໍສາ ມາດອໍານວຍໂອກາດໃຫ້ຜູ້ສະມັກກ້າວໄປສູ່ການເລືອກຕັ້ງຂັ້ນຕົ້ນໄດ້ ແລະການທີ່ໄດ້ສຽງສະໜັບສະໜຸນໜ້ອຍໃນລັດ Iowa ນີ້ ກໍສາມາດເຮັດໃຫ້ການໂຄສະນາຫາສຽງຂອງຜູ້ສະມັກ ຍຸດຕິລົງໄດ້ເຊ່ນກັນ.
ເບິ່ງວີດີໂອລາຍງານທີ່ກ່ຽວຂ້ອງກັບລັດໄອໂອວາ:
