ລິ້ງ ສຳຫລັບເຂົ້າຫາ

ຫລາຍໝື່ນຄົນ ລະນຶກເຖິງ ວັນຄົບຮອບປີທີ່ສອງ ຂອງການກວາດລ້າງ ພວກເສື້ອແດງ (ວີດີໂອ)

  • ທອງປານ ເທບວົງສາ

ພວກ​ປະ​ທ້ວງ​ຫລາຍ​ສິບ​ພັນ​ຄົນ ​ໄດ້​ເຕົ້າ​ໂຮມ​ກັນ​ຢູ່​ທີ່​ເມືອງ​ຫລວງ​ບາງກອກ ​ເພື່ອເປັນຂີດ
ໝາຍ​ວັນ​ຄົບຮອບ​ປີ​ທີ່​ສອງ​ຂອງ​ເຫດການ​ປະ​ທະ​ກັນ​ເຖິງ​ຂັ້ນ​ເສຍຊີວິດ ລະຫວ່າງ​ຝ່າຍ
​ທະຫານ ​ແລະ​ພວກ​ປະ​ທ້ວງ​ທີ່​ເອີ້ນ​ວ່າ ​ກຸ່ມ​ເສື້ອ​ແດງ​ນັ້ນ.

​ໃນ​ປີ 2010 ມີຫລາຍກວ່າ 90 ຄົນ ເສຍ​ຊີວິດ​ແລະບາດ​ເຈັບ​ອີກ 2,000 ຄົນ ​ເວລາ​ພວກ​
ທະຫານ​ໄດ້​ເຄຶ່ອນ​ໄຫວ​ເພື່ອ​ທັບ​ມ້າງ ​ການໂຮມ​ຊຸມນຸມປະ​ທ້ວງ​ຕໍ່ຕ້ານ​ລັດຖະບານເປັນ​
ເວລາ​ຫລາຍ​ອາທິດ​ນັ້ນ ຊຶ່ງພວກປະ​ທ້ວງ​ສ່ວນ​ໃຫຍ່​ແມ່ນ​ຄົນ​ຈົນ ຈາກ​ຊົນນະບົດທີ່​ໃສ່
ເສື້ອ​ແດງ.

​ນຶ່ງໃນ​ຈໍານວນ​ພວກ​ປະ​ທ້ວງ​ໃນ​ວັນ​ເສົາ​ວານ​ນີ້ ຄື ນ້ອງ​ສາວ​ຂອງນັກ​ຂ່າວ​ອິຕາ​ລີ Fabio Polenghi ​ທີ່​ຖືກ​ຍິງ​ຕາຍ​ ໃນ​ລະຫວ່າງ​ການກວາດ​ລ້າງ​ການ​ປະ​ທ້ວງ​ນັ້ນ.

ອະດີດ​ນາຍົກລັດຖະມົນຕີ ທັກສິນ ຊິ​ນນະວັດ ​ໄດ້ມີ​ຄວາມ​ເຫັນຕໍ່ພວກ​ປະ​ທ້ວງທາງ​ວິ​ດີ​ໂອ ​ໃນວັນ​ເສົານັ້ນ. ທ່ານ​ທັກສິນໄດ້​ໜີ​ອອກ​ໄປ​ອາໄສພັດ​ຖິ່ນ​ຢູ່​ນອກ​ປະ​ເທດ ຫຼັງຈາກ​ຖືກ​ໂຄ່ນ​ລົ້ມ​ໃນ​ປີ 2006 ​ໂດຍການ​ກໍ່​ລັດຖະປະ ຫານ​ຂອງ​ທະຫານ ​ແລະ​ຖືກ​ສານ​ຕັດສິນ​ລັບ​ຫລັງວ່າ​ມີ​ຄວາມຜິດ ​ໃນ​ຂໍ້​ຫາ​ສໍ້​ລາດ​ບັງ​ຫຼວງ.

ພວກ​ປະ​ທ້ວງ​ ປີ 2010 ຫລາຍໆ​ຄົນ​ເປັນ​ຜູ້​ສະໜັບສະໜຸນ​ທ່ານ​ທັກສິນ.

ພວກ​ເສື້ອ​ແດງ​ໄດ້​ທວງ​ໃຫ້​ລັດຖະບານ​ຊຸດ​ໃໝ່​ທີ່​ນໍາ​ໂດຍ​ນ້ອງ​ສາວ​ຂອງ​ທັກ ສິນ ຄືທ່ານ​ນາງ ຢິ່ງລັກ ​ດໍາ​ເນີນ​ຄະດີ​ພວກ​ທະຫານ ​ແລະ​ເຈົ້າໜ້າ​ທີ່ ທີ່​ພວກ​ເຂົາ​ກ່າວ​ວ່າ ​ເປັນ​ຜູ້ຮັບຜິດ​ຊອບຕໍ່​ການ​ເສຍ​ຊີວິດ​ແລະ​ບາດ​ເຈັບ​ຂອງ​ພວກ​ປະ​ທ້ວງ​ນັ້ນ.

XS
SM
MD
LG