ພວກນັກເຄື່ອນໄຫວຊາວຊີເຣຍ ກ່າວວ່າ ໄດ້ມີການພົບເຫັນຊາກສົບຂອງ ແມ່ຍິງແລະເດັກນ້ອຍ ຢ່າງນ້ອຍ 45 ຄົນ ໃນເມືອງ Homs.
ພວກນັກເຄື່ອນໄຫວຍັງກ່າວອີກວ່າ ສົບເຫລົ່ານັ້ນບາງສົບໄດ້ຖືກທໍາລາຍຢ່າງຮ້າຍກາດ ແລະວ່າແມ່ຍິງບາງຄົນໄດ້ຖືກຂົ່ມຂືນຊໍາເລົາ. ພວກເຂົາເຈົ້າຖີ້ມໂທດໃສ່ພວກກໍາລັງທີ່ສະໜັບສະໜູນລັດຖະບານ ວ່າເປັນໂຕການ.
ທາງການຊິເຣຍໄດ້ຢືນຢັນເຖິງການຕາຍດັ່ງກ່າວ ແຕ່ຖີ້ມໂທດໃສ່ ພວກທີ່ເຂົາເຈົ້າເອີ້ນວ່າ ພວກກໍ່ການຮ້າຍທີ່ຖືອາວຸດ.
ຍັງບໍ່ມີການຢືນຢັນຈາກສື່ຂ່າວອິດສະລະໃດໆ ກ່ຽວກັບການສັງຫານໝູ່ດັ່ງກ່າວນີ້.
ລາຍງານກ່ຽວກັບຄວາມໂຫດຮ້າຍປ່າເຖື່ອນ
ດັ່ງກ່າວນີ້ ມີຂຶ້ນໃນຂະນະທີ່ບັນດາລັດຖະ
ມົນຕີການຕ່າງປະເທດຂອງສະພາຄວາມ
ໝັ້ນຄົງສະຫະປະຊາຊາດ ກຽມຈະປະຊຸມ
ກັນ ຢູ່ນະຄອນນິວຢອກ ຫຼັງຈາກທີ່ການ
ເດີນທາງໄປໄກ່ເກ່ຍສັນຕິພາບ ຂອງທູດ
ພິເສດສະຫະປະຊາຊາດ ທີ່ຊິເຣຍ ໄດ້ລົ້ມ
ແຫຼວກັບມາ.
ອັງກິດໄດ້ຮຽກໃຫ້ມີການພົບປະກັນນີ້ ເພື່ອ
ສົນທະນາກ່ຽວກັບບັນຫາຂອງພາກຕາເວັນ
ອອກກາງ ນຶ່ງປີຫຼັງຈາກການລຸກຮືຂຶ້ນຂອງ
ຊາວອາຫຣັບ ແຕ່ພວກນັກການທູດຄາດ
ວ່າ ເລື່ອງຄວາມຮຸນແຮງໃນຊິເຣຍນັ້ນຈະ
ເປັນບັນຫາຫຼັກຂອງການປຶກສາຫາລືກັນ.
ລັດຖະມົນຕີຕ່າງປະເທດສະຫະລັດ
Hillary Clinton ຈະແມ່ນນຶ່ງໃນບັນດາຜູ້ນໍາສູງສຸດທີ່ຈະເຂົ້າຮ່ວມໃນກອງປະຊຸມຄັ້ງນີ້.
ຣັດເຊຍແລະຈີນ ໄດ້ຍັບຍັ້ງມະຕິຂອງອົງການສະຫະປະຊາຊາດທີ່ປະນາມການກວດລ້າງປາບປາມຢ່າງຮຸນແຮງຂອງລັດຖະບານຊີເຣຍ ຕໍ່ຝ່າຍຄ້ານນັ້ນ. ທັງສອງປະເທດກ່າວວ່າ ມະຕິດັ່ງກ່າວຮຽກຮ້ອງໃຫ້ເຂົ້າໄປກ້າວກ່າຍແຊກແຊງບັນຫາພາຍໃນຂອງຊີເຣຍ. ການ
ເຄື່ອນໄຫວດັງກ່າວຂອງຈີນກັບຮັດເຊຍໄດ້ສ້າງຄວາມຂຸ່ນເຄືອງໃຈໃຫ້ທາງກຸງວໍຊິງຕັນ
ທີ່ຢາກໃຫ້ບັນດາພະນັກງານເຊື່ອເຫຼືອ ໄດ້ເຂົ້າໄປຊ່ອຍພວກພົນລະເມືອງໃນຊິເຣຍ.
ທາງການຂອງອົງການສະຫະປະຊາຊາດ ຄາດຄະເນວ່າ ໄດ້ມີປະມານ 7,500 ຄົນຖືກຂ້າ
ຕາຍ ໃນຄວາມຮຸນແຮງທີ່ມີມາເປັນເວລານຶ່ງປີແລ້ວນັ້ນ.
ທູດພິເສດຂອງອົງການສະຫະປະຊາຊາດແລະສັນນິບາດອາຫຣັບ ທ່ານ Kofi Annan
ໄດ້ເດີນທາງອອກຈາກຊີເຣຍໄປໃນວັນອາທິດວານນີ້ ໂດຍບໍ່ໄດ້ບັນລຸຂໍ້ຕົກກລົງໃດໆໃນ
ການຢຸດເຊົາການນອງເລືອດນັ້ນ.
