ເຈົ້າໜ້າທີສັນຕິບານກາງ FBI ກໍາລັງທໍາການສືບສວນວ່າ ເປັນຫຍັງເວັບໄຊທ໌ຂອງ
ອົງການ FBI ຂອງກະຊວງຍຸຕິທໍາສະຫະລັດແລະຂອງອຸສາຫະກຳໃຫ້ຄວາມບັນເທີງ
ຫລາຍບ່ອນ ໃຊ້ການບໍ່ໄດ້ຫຼືຢຸດສະງັກລົງ ໃນວັນພະຫັດວານນີ້ຫລັງຈາກລັດຖະບານ
ໄດ້ປິດເວັບໄຊທ໌ຂອງບໍລິສັດ ນຶ່ງທີ່ມີການຊົມໃຊ້ຟາຍລ໌ຮ່ວມກັນໃຫ່ຍທີສຸດຂອງໂລກນັ້ນ.
ກູ່ມໂຈມຕີລະບົບຄອມພີວເຕີທີ່ຮ້ອງຕົນເອງວ່າ “ລຶກລັບ” ນັ້ນໄດ້ອ້າງເອົາຄວາມຮັບ
ຜິດຊອບໃນການໂຈມຕີຊຶ່ງເຮັດໃຫ້ເວັບໄຊທ໌ເຫຼົ່າໃຊ້ການ ບໍ່ໄດ້ເປັນເວລາຫຼາຍໆຊົ່ວ
ໂມງ ໃນຕອນແລງຂອງວັນພະຫັດວານນີ້. ຕົກມາເຖິງວັນສຸກມື້ນີ້ ການບໍລິການທັງ
ໝົດໄດ້ກັບຄືນມາແລ້ວຮວມທັງເວັບໄຊທ໌ຂອງພະແນກການຕ່າງໆຂອງລັດຖະບານ
ກາງສະຫະລັດ.
ໃນຕອນເຊົ້າຂອງວັນພະຫັດວານນີ້ເຈົ້າໜ້າທີລັດຖະບານກາງສະຫະລັດໄດ້ປິດເວັບໄຊທ໌
ທີຜູ້ຄົນເຂົ້າໄປໃຊ້ຟາຍລ໌ຮ່ວມກັນນັ້ນ ທີຮູ້ກັນໃນນາມ Megaupload ແລະໄດ້ກ່າວຫາ
ຜູ້ກໍຕັ້ງເວັບໄຊທ໌ ພ້ອມດ້ວຍອີກຫົກຄົນວ່າ ເປັນຜູ້ຝ່າຝືນກົດໝາຍລັກຂະໂມຍຊັບສິນ
ປັນຍາ.
ຜູ້ກໍ່ຕັ້ງເວັບໄຊທ໌ Megauplaod ນາຍ Kim Dotcom (ຫລືວ່າ Kim Schmitz) ໄດ້
ຖືກຈັບຢູ່ນີວຊີແລນ ໃນວັນພະຫັດວານນີ້ ພ້ອມກັບຫົວຄະນະບໍລິຫານຊັ້ນນຳອີກ
3 ຄົນ ຕາມການຂໍຮ້ອງຂອງເຈົ້າໜ້າທີລັດຖະບານສະຫະລັດ. ສ່ວນອີກສາມຄົນທີ່ຖືກ
ຂໍ້ຫານັ້ນ ຍັງຈັບໂຕບໍ່ໄດ້ເທື່ອ.
