ລິ້ງ ສຳຫລັບເຂົ້າຫາ

ພວກກໍ່ການຮ້າຍໂຈມຕີ ເຂດ Kohat ຂອງປາກິສະຖານ ເປັນມື້ທີສອງລຽນຕິດ

  • Dara Baccam

ຕຳຫລວດ​ປາ​ກິ​ສະຖານ​ກ່າວ​ວ່າ ​ໄດ້​ມີ​ການ​ໂຈມ​ຕີ​ສະລະ​ຊີບ​ດ້ວຍ​ລະ​ເບີດ​ລົດ ຕໍ່​ສະຖານີ​ຕຳຫລວດ​ແຫ່ງ​ນື່ງ ​ໃນ​ພາກ​ຕາ​ເວັນ​ຕົກ​ສ່ຽງ​ເໜືອ​ຂອງ​ປະ​ເທດ​ໃນ​ວັນ​ອາທິດ​ມື້​ນີ້ ​ເຮັດ​ໃຫ້​ມີ​ຄົນ​ຕາຍ 7 ຄົນ​ໂຮມ​ທັງ​ເດັກ ນ້ອຍຄົນ​ນຶ່ງ ​ແລະມີ 26 ຄົນ​ໄດ້​ຮັບ​ບາດ​ເຈັບ ໃນນັ້ນເປັນ​ຕຳຫລວດ ຢ່າງ​ນ້ອຍ 6 ຄົນ. ເຈົ້າໜ້າ​ທີ່​ເວົ້າວ່າ ມີ​ວັດຖຸ​ລະ​ເບີດ​ຮອດ 200 ກິ​ໂລ ຖືກ​ໃຊ້​ໃນ​ການ​ໂຈມ​ຕີຄັ້ງນີ້ ​ຢູ່​ໃນ​ເຂດ Kohat ຊຶ່ງເປັນ​ການ​ໂຈມ​ຕີ​ເທື່ອ ທີ່​ສອງ​ໃນ​ສອງ​ມື້​ລຽນຕິດ ​ໃນ​ເຂດ​ດັ່ງກ່າວ.

ວັນ​ເສົາວານ​ນີ້ ຄົນ​ວາງ​ລະ​ເບີດ​ສະລະ​ຊີບ​ສອງ​ຄົນ​ໄດ້​ທຳ​ການ​ໂຈມ​ຕີຢູ່​ສູນ​ອົບ​ພະຍົບ​ແຫ່ງ​ນຶ່ງ ​ໂດຍ​ໄດ້​ສັງຫານ 41 ຄົນ​ແລະ​ເຮັດ​ໃຫ້​ບາດ​ເຈັບ​ 60 ກ່ວາ​ຄົນ. ຕຳຫລວດ​ເວົ້າວ່າ ຄົນ​ຮ້າຍ​ທຳ​ການລະ​ເບີດຕົນ​ເອງ ຫ່າງ​ກັນ​ບໍ່​ເທົ່າ​ໃດ​ນາທີຢູ່​ສູນ​ອົບ​ພະ​ຍົບ Kacha Pukka ຂະນະ​ທີ່​ພວກ​ອົບ​ພະຍົບກຳລັງ​ພາກັນ​ລຽນ​ແຖວ ​ເພື່ອ​ຈົດ​ຊື່​ຂໍ​ການ​ຊ່ວຍ​ເຫລືອ.

ອົງການ​ຂ່າວ​ເອພີລາ​ຍງານ​ວ່າ ຄົນ​ຮ້າຍ​ຜູ້​ຊາຍ​ສອງ​ຄົນ​ນັ້ນປອມ​ໂຕ ເປັນ​ຜູ້ຍິງ ​ໂດຍ​ໃສ່​ຊຸດ​ກະ​ໂປງ​ທີ່​ປົກ​ຄຸມ​ໝົດ​ໂຕ​ແລະ​ໜ້າ ນອກຈາກ ຕາ ທີ່​ພວກ​ແມ່ຍິງ​ມຸສລິ​ມນຸ່ງ​ກັນນັ້ນ.

XS
SM
MD
LG