ບັນດາຜູ້ນໍາຢູໂຣບ ປະຊຸມກັນໃນວັນຈັນມື້ນີ້ ເພື່ອຫາລືກັນກ່ຽວກັບກົດລະບຽບໃໝ່
ສໍາລັບຄວບຄຸມການຂາດດຸນງົບປະມານ ແລະກອງທຶນຊ່ວຍເຫລືອໃນການກອບກູ້
ເສດຖະກິດຂອງບັນດາປະເທດສະມາຊິກ ທີ່ໄດ້ມີການສະເໜີຂຶ້ນມານັ້ນ ໃນຂະນະທີ່
ເຂົາເຈົ້າພາກັນຊອກຫາຊ່ອງທາງແກ້ໄຂວິກິດການໜີ້ສີນຂອງປະເທດຕ່າງໆໃນຂົງເຂດ.
ສະຫະພາບຢູໂຣບ ກ່າວວ່າ ຕົນຄາດວ່າບັນດາຜູ້ນໍາທີ່ປະຊຸມສຸດຍອດກັນຢູ່ທີ່ບຣຸກແຊລ
ໃນວັນຈັນນີ້ ຈະລົງນາມຮັບຮອງເອົາກອງທຶນຊ່ວຍເຫລືອຖາວອນ ສໍາລັບບັນດາປະເທດ
ທີ່ໃຊ້ເງິນຢູໂຣ.
ກອງທຶນດັ່ງກ່າວທີ່ມີຈໍານວນ 661 ລ້ານໂດລາ ເອີ້ນວ່າກົນໄກຄວາມຄວາມທຸ່ນທ່ຽງຂອງ
ຢູໂຣບ ແລະຈະຖືກນໍາມາໃຊ້ໃນເດືອນກໍລະກົດປີນີ້.
ສະຫະພາບຢູໂຣບ ກ່າວອີກວ່າ ການສົນທະນາກັນຈະສຸມໃສ່ເລື່ອງການສ້າງວຽກການ
ໂດຍສະເພາະໃຫ້ແກ່ຊາວໜຸ່ມນັ້ນນໍາ.
ການປະຊູ່ມສຸດຍອດນີ້ມີຂື້ນໃນຂະນະທີ່ ປະເທດກຣີສ ພະຍາຍາມໃຫ້ໄດ້ຮັບເງິນກູ້ຢືມ
ຈໍານວນ 169 ພັນລ້ານ ເພື່ອເອົາໄປຊໍາລະໜີ້ສິນທີ່ຍັງຄ້າງຄາຢູ່ນັ້ນ.
ນາຍົກລັດຖະມົນຕີ ກຣິກ ທ່ານ Lucas Papodemos ກ່າວໃນວັນອາທິດວານນີ້ວ່າ
ໄດ້ມີການຕົກລົງເຫັນດີນໍາກັນຢ່າງສິ້ນເຊີງແລ້ວ ກ່ຽວກັບມາດຕາການປະຫຍັດມັດທະຍັດ
ທີ່ຈໍາເປັນຕ່າງໆຫລັງຈາກການພົບປະກັນກັບ ບັນດາຜູ້ນໍາພັກການເມືອງຕ່າງໆ
ຂອງປະເທດ.
ການຕັດງົບປະມານ ແລະ ຂໍ້ຕົກລົງແລກປ່ຽນກັນເລື່ອງໜີ້ສິນ ກັບເຈົ້າໜີ້ຂອງກຣີສ ຈະອໍາ
ນວຍໃຫ້ກຣີສສາມາດໄດ້ຮັບການຊ່ວຍເຫລືອຄັ້ງໃໝ່ຈາກ ສະຫະພາບຢູໂຣບ ແລະ ກອງທຶນ
ສາກົນ ຫລື IMF.
ການປະທ້ວງຂອງພວກຕໍ່ຕ້ານທີ່ບຣຸກແຊລ ໄດ້ເຮັດໃຫ້ການຂົນສົ່ງມວນຊົນ ແລະການບໍລິ
ການອຶ່ນໆ ຕ້ອງອັດລົງໃນວັນຈັນມື້ນີ້ ກ່ອນໜ້າການປະຊຸມສຸດຍອດຂອງ EU ຈະໄຂຂື້ນ.
ບັນດາສະຫະພັນກໍາມະບານໃຫຍ່ໆຂອງແບລຢຽມ ພາກັນປະທ້ວງຕໍ່ມາດຕາການປະຫຍັດ
ຮັດເຂັມຄັດ ທີ່ສະຫະພາບຢູໂຣບກົດດັນໃຫ້ພວກປະເທດທີ່ຢາກໄດ້ການຊ່ວຍເຫລືອ ຕ້ອງຈັດຕັ້ງປະຕິບັດນັ້ນ.
