ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພວກປະທ້ວງອີຈິບ ບໍ່ຍອມຮັບເອົາ ຂໍ້ສະເໜີຂອງ ສະພາປົກຄອງທະຫານ (ເບິ່ງວີດີໂອ)


ພວກປະທ້ວງແລະຕໍາຫລວດແກວ່ງກ້ອນຫິນໃສາກັນ ໃນລະຫວ່າງການ
ປະທະກັນທີ່ຈຸຕຸລັດ Tahrir ໃນໃຈກາງກຸງໄຄໂຣ, ອີຈິບ.
ວັນທີ 23 ພະຈິກ 2011.
ພວກປະທ້ວງແລະຕໍາຫລວດແກວ່ງກ້ອນຫິນໃສາກັນ ໃນລະຫວ່າງການ ປະທະກັນທີ່ຈຸຕຸລັດ Tahrir ໃນໃຈກາງກຸງໄຄໂຣ, ອີຈິບ. ວັນທີ 23 ພະຈິກ 2011.

ວິ​ກິດ​ການ​ດ້ານ​ການ​ເມືອງ​ໃນ​ອີ​ຈິບຍິ່ງ​ໜັກຂຶ້ນ​ອີກ ຫລັງ​ຈາກ​ພວກ​ປະ​ທ້ວງ​ຫລາຍ​ໝື່ນ​ຄົນ​
ທີ່​ຈະຕຸ​ລັດ Tahrir ທວງ​ໃຫ້​ນາຍ​ພົນທະຫານ​ສູງ​ສຸດ​ຂອງ​ປະ​ເທດ​ລາ​ອອກ​ຈາກ​ຕໍາ​ແໜ່​ງ​
ແລະ​ບໍ່​ຍອມຮັບ​ເອົາ​ຂໍ້​ສະ​ເໜີ​ຂອງສະພາ​ປົກຄອງ​ທະຫານ​ເພື່ອ​ເລັ່ງລັດການ​ໂອນ​ອໍານາດ​
ໃຫ້​ຢູ່​ພາຍໃຕ້​ການ​ປົກຄອງ​ຂອງ​ພວກ​ພົນລະ​ເຮືອນ​ນັ້ນ.

ການເດີນ​ຂະ​ບວນປະ​ທ້ວງ​ແລະ​ການ​ປະ​ທະ​ກັນ ​ຍັງດຳເນີນຢູ່ຕໍ່ມາໃນ​ຫລາຍ​ຫົວ​ເມືອງ​ໃນ
ວັນ​ພຸດ​ມື້​ນີ້ ຊຶ່ງ​ພວກ​ກໍາລັງ​ຮັກສາ​ຄວາມ​ສະຫງົບ​ໄດ້​ຍິງ​ຜູ້​ຊາຍ​ຄົນ​ນຶ່ງ​ຕາຍ​ໃນ​ເມືອງ​ທ່າ
Alexandria ​ໃນ​ພາກ​ເໜືອ​ຂອງ​ປະ​ເທດ. ພວກ​ຕໍາຫລວດ​ໄດ້​ປະຕິ​ເສດ​ວ່າ​ ພວກ​ຕົນ​ບໍ່​
ໄດ້ໃຊ້​ລູກ​ກະ​ສູນແທ້​ແຕ່ພວກ​ທີ່​ເສຍ​ຊີວິດ​ໄປ 30 ຄົນ​ສ່ວນ​ຫລາຍ​ໃນ​ທົ່ວ​ປະ​ເທດ​ໃນລະ
ຫວ່າງ​ເກີດ​ຄວາມ​ວຸ້ນວາຍບັ້ນ​ຫລ້າ​ສຸດ​ໄດ້​ຮັບ​ບາດ​ແຜ​ຍ້ອນ​ລູກປືນ.

ຫົວໜ້າ​ສະພາ​ປົກຄອງ​ທະຫານ ຄື​ນາຍ​ພົນ Mohamed Tantawi ໃຫ້​ຄໍາ​ໜັ້ນສັນຍາ
ຕໍ່​ປະຊາຊົນ​ຊຶ່ງ​ບໍ່​ສູ້​ມີ​ຂຶ້ນໃນ​ວັນ​ອັງຄານ​ມື້ວານ​ນີ້​ວ່າຈະ​ຈັດ​ໃຫ້​ມີ​ການ​ເລືອກ​ຕັ້ງ​ປະທານາ
ທິບໍດີ​ຂຶ້ນ​ໃນ​ເດືອນ​ກໍລະກົດ​ປີ 2012.

ນາຍ​ພົນ Tantawi ສະ​ເໜີ​ແນະ​ວ່າ​ທ່ານ​ເຕັມ​ໃຈ​ທີ່​ຈະ​ຈັດ​ໃຫ້​ມີ​ການ​ລົງປະຊາ​ມະຕິ​ວ່າຈະ
ຄວນ​ໃຫ້ການ​ປົກຄອງ​ຂອງ​ພວກ​ທະຫານຢຸດ​ເຊົາ​ກ່ອນ​ກໍານົດ​ຫລື​ບໍ?.

ເບິ່ງວີດິໂອລາຍງານຂ່າວພາສາອັງກິດທີ່ກ່ຽວຂ້ອງກັນ

ຜູ້​ຄົນ​ຫລາຍ​ຄົນ​ມອງ​ເຫັນຂໍ້​ສະ​ເໜີ​ທີ່​ວ່າ​ນີ້ ​ເປັນ​ລູກ​ໄມ້ຫລື​ວິທີ​ການ​ອັນ​ນຶ່ງ​ທີ່​ມີ​ວັດຖຸ​ປະສົງ
ເພື່ອ​ຂໍ​ຮ້ອງ​ໄປ​ຍັງ​ປະຊາຊົນ​ອີ​ຈິບ​ຫລາຍ​ຄົນ​ທີ່​ພາກັນຢ້ານຈະ​ເກີດ​ການ​ລຸກ​ຮື​ຂຶ້ນ​ອີກ ​ແລະ
ເພື່ອ​ຈະ​ແຍກ​ພວກ​ເຂົາ​ເຈົ້າ​ອອກ​ຈາກ​ພວກ​ນັກ​ເຄື່ອນ​ໄຫວ​ທີ່​ຍັງ​ໝຸ່ມ​ແໜ້ນ​ນັ້ນ.

ການ​ເລືອກ​ຕັ້ງ​ລັດຖະສະພາ​ອີ​ຈິບ​ໄດ້​ກະກຽມກັນ​ຢ່າງ​ຟ້າວ​ຟັ່ງ​ໂດຍ​ພວກ​ທະຫານ. ​ໃນ​ຂະ
ນະ​ທີ່​ນາຍ​ພົນ Tantawi ​ໃຫ້​ຄໍາ​ໜັ້ນສັນຍາ​ໃນວັນ​ອັງ ຄານ​ວານ​ນີ້​ວ່າ ການ​ເລືອກ​ຕັ້ງ​ນີ້​ຈະ
ດໍາ​ເນີນ​ໄປ​ຕາມ​ທີ່​ໄດ້​ວາງແຜນ​ເອົາ​ໄວ້ ຊຶ່ງ​ພວກ​ຜູ້​ນໍາ​ຝ່າຍ​ຄ້ານ​ຫລາຍ​ຄົນ​ເຊື່ອ​ວ່າ ການ​
ເລືອກ​ຕັ້ງທີ່​ວ່າ​ນີ້ເຮັດ​ໃຫ້​ມີຄວາ​ມສົງ​ໄສ​ເພີ່ມ​ຂຶ້ນ​ນັບ​ມື້.

ນອກ​ນີ້​ນາຍ​ພົນ Tantawi ຍັງ​ກ່າວ​ຕໍ່​ປະ​ເທດ​ຊາດ​ໃນ​ວັນ​ອັງຄານ​ວານນີ້​ວ່າ ທ່ານ​ໄດ້​ຮັບ
ເອົາ​ການ​ລາ​ອອກ​ຂອງ​ນາຍົກລັດຖະມົນຕີ Essam Sharaf ລັດຖະບານ​ພົນລະເຮືອນ
ນັ້ນແຕ່ທ່ານຍັງຄົງຈະດໍາລົງຕໍາແໜ່ງໄປຈົນຮອດເວລາໃດມີການປະກອບຄະນະລັດຖະ
ບານໃໝ່ຂຶ້ນ.

ພວກປະທ້ວງປະກາດວ່າຈະບໍ່ພາກັນໜີອອກຈາກຈະຕຸລັດ Tahrir ໃນໃຈກາງກຸງໄຄໂຣ
ຈົນກວ່າຄະນະສະພາປົກຄອງທະຫານລາອອກຈາກຕໍາແໜ່ງ.

ເບິ່ງວີດິໂອລາຍງານຂ່າວພາສາອັງກິດທີ່ກ່ຽວຂ້ອງກັນ

XS
SM
MD
LG