ຈີນກ່າວວ່າ ຕົນແມ່ນເປີດກວ້າງຕໍ່ການທີ່ມຽນມາຈະຊອກຊ່ອງທາງເພື່ອໃຫ້ມີຄວາມສໍາ
ພັນອັນແໜ້ນແກ່ນຂຶ້ນກວ່າເກົ່າ ກັບຝ່າຍຕາເວັນຕົກນັ້ນ ແຕ່ຕ້ອງບໍ່ໃຫ້ໄປແຕະຕ້ອງເຖິງ
ຫລືເສຍຫາຍແກ່ຜົນປະໂຫຍດຂອງປັກກິ່ງ.
ທ່ານ ຮົງ ລີ ໂຄສົກກະຊວງຕ່າງປະເທດຈີນ ກ່າວເມື່ອວັນພຸດມື້ນີ້ວ່າ ປັກກິ່ງຍິນດີນໍາການ
ເຄຶ່ອນໄຫວຂອງມຽນມາ ເພື່ອຍົກລະດັບການຕິດຕໍ່ ແລະປັບປຸງຄວາມສໍາພັນກັບພວກປະ
ເທດຕາເວັນຕົກ.
ໜັງສືພິມ Global Times ຂອງລັດຖະບານຈີນ ທີ່ຮູ້ກັນດີວ່າມີຫົວຊາດນິຍົມສູງນັ້ນ ເວົ້າ
ໃນວັນພຸດມື້ນີ້ວ່າ ການເດີນທາງໄປຢ້ຽມຢາມມຽນມາຂອງລັດຖະມົນຕີການຕ່າງປະເທດ
ສະຫະລັດ ທ່ານນາງ ຮິລແລຣີ ຄລິນຕັນ ພາໃຫ້ມີການຄາດຄະເນກັນວ່າ ສະຫະລັດພວມ
ພະຍາຍາມທີ່ຈະເກ້ຍກ່ອມ ໃຫ້ມຽນມາ ຊຶ່ງເປັນປະເທດເພື່ອນບ້ານຂອງຈີນນັ້ນ ໄປເຂົ້າ
ຂ້າງກັບສະຫະລັດ ແທນທີ່ຈະແມ່ນຈີນ. ບົດບັນນາທິການທີ່ພິມເຜີຍແຜ່ໃນວັນພຸດມື້ນີ້
ເວົ້າວ່າ ຈີນຈະບໍ່ຮັບເອົາເລຶ່ອງນີ້ ຖ້າມອງເຫັນວ່າຜົນປະໂຫຍດຂອງຕົນກໍາລັງຖືກຢຽບຍໍ່າ
ທ່ານນາງ Monique Skidmore ນັກວິເຄາະຂ່າວກ່ຽວກັບມຽນມາ ປະຈໍາມະຫາວິທະຍາ
ໄລ Australian National University ກ່າວກັບວີໂອເອ ໃນວັນພຸດມື້ນີ້ ວ່າ ອິດທິພົນ
ຂອງອາເມຣິກັນຫລືຕາເວັນຕົກທີ່ມີເພີ່ມຂຶ້ນຢູ່ໃນມຽນມານັ້ນ ແມ່ນຈະເປັນການຂົ່ມຂູ່ຕໍ່ຜົນ
ປະໂຫຍດດ້ານການເມືອງ ພູມິສາດການເມືອງ ແລະເສດຖະກິດຂອງຈີນ ໃນທົ່ວຂົງເຂດເອ
ເຊຍ.
ທ່ານນາງ Monique ກ່າວວ່າ ຄໍາເວົ້າແນະຂອງວໍຊິງຕັນ ທີ່ວ່າການລົງໂທດຕ່າງໆຕໍ່ມຽນ
ມາ ອາດສາມາດຖືກຍົກເລີກໄດ້ ຖ້າຫາກວ່າມຽນມາສືບຕໍ່ສ້າງຄວາມກ້າວໜ້າດ້ານປະຊາ
ທິປະໄຕ ແມ່ນເຮັດໃຫ້ຄວາມເປັນຫ່ວງຂອງຈີນ ກ່ຽວກັບຄວາມສໍາພັນຂອງຕົນກັບມຽນມາ
ນັ້ນ ເພີ່ມທະວີຂຶ້ນ.
ຈີນເປັນຜູ້ໃຫ້ການສະໜັບສະໜູນແກ່ພວກຜູ້ນໍາມຽນມາ ມາເປັນເວລາອັນດົນນານ ທັງລັດ
ຖະບານພົນລະເຮືອນພຽງແຕ່ໃນນາມ ທີ່ປົກຄອງປະເທດໃນປັດຈຸບັນ ແລະລັດຖະບານທະ
ຫານ ທີ່ລັດຖະບານພົນລະເຮືອນເຂົ້າຮັບໜ້າທີ່ແທນໃນຕົ້ນປີນີ້.
