ລັດຖະບານມຽນມາ ໄດ້ເຊັນສັນຍາຢຸດຍິງກັບກຸ່ມກະບົດຊົນເຜົ່າທີ່ມີຊື່ສຽງກຸ່ມນຶ່ງ ໃນອັນ
ທີ່ປະກົດວ່າ ເປັນຄວາມກ້າວໜ້າທີ່ສຳຄັນໃນການດຳເນີນຄວາມພະຍາຍາມ ເພື່ອຍຸຕິການ
ກໍ່ກະບົດທີ່ຍືດເຍື້ອມາເປັນເວລາ 63 ປີແລ້ວນັ້ນ.
ພວກເຈົ້າໜ້າທີ່ລັດຖະບານມຽນມາໄດ້ເຊັນສັນຍາດັ່ງກ່າວໃນວັນພະຫັດມື້ນີ້ ກັບສະຫະ
ພາບແຫ່ງຊາດກະຫລ່ຽງ ຫລື KNU ໃນລະຫວ່າງກອງປະຊຸມ ບັ້ນນຶ່ງທີ່ Pa-an ເມືອງ
ຫລວງຂອງລັດກະຫລ່ຽງ.
ພວກກະບົດກະຫລ່ຽງ ທີ່ປະຕິບັດການຢູ່ເຂດຕາເວັນອອກສຽງໃຕ້ຂອງມຽນມາ ໄດ້ສູ້ລົບ
ກັບກໍາລັງທະຫານຂອງລັດຖະບານ ເພື່ອສ້າງຕັ້ງເຂດປົກຄອງຕົນເອງບໍ່ດົນຫລັງຈາກມຽນ
ມາໄດ້ຮັບເອກະລາດຈາກອັງກິດ ໃນປີ 1948.
ໃນຂະນະທີ່ພວກສະມາຊິກຂອງກຸ່ມ KNU ກ່າວວ່າ ການເຄື່ອນໄຫວ ດັ່ງກ່າວນີ້ເປັນໄປ
ໃນທາງບວກ ແຕ່ກໍເຕືອນວ່າກອງປະຊຸມພຽງບັ້ນດຽວ ແມ່ນບໍ່ສາມາດຈະຍຸຕິການສູ້ລົບທີ່
ມີມາເປັນເວລາຫລາຍສິບປີນັ້ນໄດ້.
ກຸ່ມ KNU ກ່າວວ່າ ການປຸກລະດົມຕໍ່ຕ້ານການກໍ່ກະບົດຂອງລັດຖະບານ ແມ່ນໄດ້ພາໃຫ້
ມີການຝ່າຝືນສິດທິມະນຸດ ໂຮມທັງການບັງຄັບໃຊ້ແຮງ ງານ ການປຸ້ນສະດົມ ການຂູ່ເຂັນ
ແລະການທໍາລາຍຊັບສິນຂອງພວກເຂົາເຈົ້າ. ຊາວບ້ານຈໍານວນຫລາຍພັນຄົນຖືກບັງຄັບ
ໃຫ້ຫລົບໜີອອກຈາກການສູ້ລົບ.
ປະຊາຊົນນຶ່ງສ່ວນສາມຂອງມຽນມາປະກອບດ້ວຍຫລາຍຊົນຊາດຊົນເຜົ່າກຸ່ມນ້ອຍ ແລະ
ອະດີດລັດຖະບານທະຫານມຽນມາ ໄດ້ໃຫ້ເຫດຜົນກ່ຽວກັບການກວາດລ້າງພວກກຸ່ມກະ
ບົດເພື່ອເປັນວິທີນຶ່ງທີ່ຈະສ້າງສະຖຽນລະພາບແລະຄວາມເປັນອັນນຶ່ງອັນດຽວກັນ.
ນັບຕັ້ງແຕ່ເຂົ້າມາບໍລິຫານປະເທດໃນເດືອນມີນາຜ່ານມານີ້ ລັດຖະບານພົນລະເຮືອນພຽງ
ແຕ່ໃນນາມຂອງປະທານາທິບໍດີ ເທນ ເຊນ ໄດ້ທໍາການປະຕິຮູບຫລາຍຢ່າງ ໂຮມທັງຟື້ນ
ການໂອ້ລົມສົນທະນາກັບຝ່າຍຄ້ານແລະກຸ່ມກະບົດຕ່າງໆ.
ເບິ່ງວີດິໂອລາຍງານຂ່າວພາສາລາວ ກ່ຽວກັບການປ່ຽນແປງໃນມຽນມາ:
