ພວກນັກເຄຶ່ອນໄຫວຢູ່ໃນປະເທດ Bahrain ກ່າວວ່າ ພວກເຈົ້າໜ້າທີ່ໄດ້ຈັບກຸມ ແລະກີດ
ກັນພວກປະທ້ວງ ບໍ່ໃຫ້ເຕົ້າໂຮມກັນຢູ່ໃນບໍລິເວນວົງວຽນໃຫຍ່ ທີ່ເມືອງຫຼວງ Manama
ຂອງບາເຣນ ໃນວັນຄົບຮອບນຶ່ງປີເທື່ອ ທໍາອິດ ຂອງການລຸກຮືຂຶ້ນຮຽກຮ້ອງເອົາປະຊາ
ທິປະໄຕຂອງປະເທດ.
ພວກກໍາລັງຕໍາຫຼວດແລະທະຫານຈໍານວນເພີ່ມຂຶ້ນ ທໍາການລາດຕະເວນໃນຕົວເມືອງ
Manama ແລະເຂດອ້ອມແອ້ມຕ່າງໆເມື່ອວັນອັງຄານວານນີ້ ໃນຂະນະທີ່ຖະນົນຫົນ
ທາງສາຍໃຫຍ່ຕ່າງໆຖືກປິດລົງ ເພື່ອປ້ອງກັນບໍ່ໃຫ້ພວກນັກເຄຶ່ອນໄຫວພາກັນເດີນຂະ
ບວນໄປຍັງເຂດວົງວຽນ Pearl ຊຶ່ງເປັນບ່ອນເລີ່ມຕົ້ນການເຄຶ່ອນໄຫວປະທ້ວງເມື່ອນຶ່ງ
ປີຜ່ານມານັ້ນ.
ເຂດວົງວຽນດັ່ງກ່າວໄດ້ຖືກກໍານົດໃຫ້ເປັນເຂດທະຫານຕັ້ງແຕ່ນັ້ນມາ ແລະໃນຕອນ
ແລງໆຂອງມື້ນີ້ພວກເຈົ້າໜ້າທີ່ຮັກສາຄວາມປອດໄພໄດ້ຂັດຂວາງ ການດຳເນີນຄວາມພະ
ຍາຍາມຫຼາຍໆຄັ້ງຂອງພວກປະທ້ວງທີ່ຈະບຸກໄປຍັງ ບໍລິເວນວົງວຽນດັ່ງກ່າວ.
ມີລາຍງານວ່າ ເກີດການປະທະກັນຫຼາຍບັ້ນໃນຄຸ້ມຕ່າງໆຂອງພວກນິກາຍ Shi’ite ບ່ອນ
ທີ່ມີການຍິງລະເບີດນໍ້າຕາ ຢູ່ຕາມຖະໜົນຫົນທາງນັ້ນ.
ທ່ານ Mahmood Mansour ກ່າວວ່າ ພວກຕໍາຫຼວດໄດ້ບຸກເຂົ້າກວດ ຄົ້ນເຮືອນຫຼາຍ
ຫຼັງ ໃນເຂດ Sanabis ໂຮມທັງເຮືອນຂອງລາວນໍາ.
ຊາວມຸສລິມນິກາຍ Shi’ite ເປັນກຸ່ມຝ່າຍຄ້ານສ່ວນໃຫຍ່ຂອງປະເທດບາເຣນ ໂດຍພວກ
ເຂົາເຈົ້າກ່າວວ່າ ພວກເຂົາເຈົ້າຖືກປະຕິບັດຕໍ່ຢ່າງເປັນ ພວກຄົນຊັ້ນສອງໂດຍພວກນິກາຍ
ຊຸນນີສ່ວນນ້ອຍ ທີ່ປົກຄອງປະເທດຢູ່ໃນເວລານີ້ ແລະໄດ້ຮຽກຮ້ອງໃຫ້ມີການປະຕິຮູບປະ
ຊາທິປະໄຕຕະຫຼອດ ມາ ໃນລາດຊະອານາຈັກທີ່ຕັ້ງຢູ່ໃນເຂດອ່າວເປີເຊຍແຫ່ງນີ້.