ລິ້ງ ສຳຫລັບເຂົ້າຫາ

ຍີ່ປຸ່ນຍັງບໍ່ຕັດສິນໃຈ ກ່ຽວກັບວ່າ ຈະເຂົ້າຮ່ວມ ພາຄີການຄ້າເສລີຂ້າມປາຊີຟິກ ຫລືບໍ່?


ລັດຖະມົນຕີຕ່າງປະເທດຍີ່ປຸ່ນ Koichiro Gemba ອະພິປາຍກັບພວກນັກຊ່ຽວຊານ ກ່ຽວກັບວ່າ ຄວນຈະເຂົ້າຮ່ວມ ພາຄີການຄ້າຂ້າມປາຊີຟິກ ທີ່ສະຫະລັດເປັນຜູ້ລິເລີ່ມນັ້ນຫລືບໍ່?, ວັນທີ 4 ພະຈິກ 2011(AP Photo/Koji Sasahara)

ນາຍົກລັດຖະມົນຕີຍີ່ປຸ່ນ ທ່ານ Yoshihiko Noda ​ໄດ້​ເລື່ອນ​ແຜນການ​ຖະ​ແຫລ​ງ​ຂ່າວ
​ຢ່າງ​ກະທັນຫັນ​ໃນ​ວັນ​ພະຫັດ​ມື້​ນີ້ ຊຶ່ງ​ໄດ້​ມີ​ການ​ຄາດ​ຄະ​ເນ​ກັນໄວ້​ວ່າ​ ທ່ານຈະ​ປະກາດ​
ໃຫ້​ຮູ້​ວ່າ ລັດຖະບານ​ຂອງ​ທ່ານ​ຈະ​ເຂົ້າ​ຮ່ວມ ໃນ​ການ​ເຈລະຈາ​ເຮັດ​ສັນຍາ​ການ​ຄ້າ​ເສລີ​
ຂ້າມ​ມະຫາ​ສະມຸດປາຊີຟິກ ຫລື TTP ນັ້ນ.

ພວກ​ລາຍ​ງານ​ຂ່າວ​ຍີ່ປຸ່ນ​ກ່າວ​ວ່າ ນາຍົກລັດຖະມົນຕີ​ໄດ້​ວາງ​ແຜນ​ທີ່ຈະ​ປະກາດ​ໃຫ້​ຮູ້​
ການ​ຕັດສິນ​ໃຈ​ຂອງ​ຕົນ​ຕໍ່​ປະຊາຊົນ​ຍີ່ປຸ່ນ​ໃນ​ວັນ​ພະຫັດມື້​ນີ້ ​ແລະຈະ​ແຈ້ງດ້ວຍ​ຕົນ​ເອງ
​ໃຫ້​ປະທານາທິບໍດີ​ບາຣັກ​ ໂອ​ມາ​ບາ ​ຊາບ ເວລາ​ພວກ​ທ່ານ​ພົບ​ປະກັນ​ທີ່​ລັດ​ຮາ​ວາຍ​ໃນ​
ວັນ​ເສົາ​ຈະ​ມາ​ນີ້​ໃນ​ກອງ​ປະຊຸມ​ເອ​ເປັກ. ​ແຕ່​ບັນດາ​ເຈົ້າ​ໜ້າ​ທີ່​ປະກາດ​ໃຫ້​ຮູ້​ໃນ​ແລງ​ວັນ
​ພະຫັດ​ມື້​ນີ້​ວ່າ ກອງ​ປະຊຸມ​ຖະ​ແຫລ​ງຂ່າວ​ທີ່​ກຸງ​ໂຕ​ກຽວ ໄດ້ເລື່ອນ​ໄປ​ໃສ່​ວັນ​ສຸກ​ມື້​ອື່ນ​.

ການ​ເຂົ້າ​ຮ່ວມ​ໃນ​ການ​ເຈລະຈາເຮັດສັນຍາ​ການ​ຄ້າ​ດັ່ງກ່າວ​ ​ແມ່ນ​ເປັນ​ບັນຫາ​ໂຕ້​ແຍ່ງກັນ
​ຢ່າງ​ສູງ​ຢູ່​ໃນ​ຍີ່ປຸ່ນ ບ່ອນ​ທີ່ພວກ​ຊາວ​ກະສິກອນແລະ​ຊາວ​ປະມົງຫລາຍ​ພັນ​ຄົນໄດ້​ພາກັນ
ເດີນ​ຂະ​ບວນ​ໃນ​ທ້າຍ​ສັບປະດາ​ຜ່ານ​ມາ ​ເພື່ອ​ຄັດຄ້ານ​ຕໍ່​ການ​ເຂົ້າ​ເປັນ​ສະມາຊິກ​ຂອງ​ພາຄີ
​ການ​ຄ້າ​ຂ້າມ​ປາຊີ​ຟິກ ຫລື TPP ນັ້ນ. ພວກ​ຊາວ​ກະສິກອນ​ປູກ​ເຂົ້າ​ທີ່​ມີ​ອໍານາດ​ອິດ​ທິພົນ
​ຢ່າງ​ຫລວງຫລາຍ​ທາງ​ດ້ານ​ເມືອງ ທ່ີ​ບໍ່​ໄດ້​ໃຫ້​ເຂົ້າ​ຮ່ວມ​ໃນຂໍ້ຕົກລົງ​ການ​ຄ້າເສລີ​ຂອງຍີ່ປຸ່ນ
​ສະບັບ​ກ່ອນໆ​ນັ້ນ ​ໄດ້​ຄັດຄ້ານ​ຢ່າງ​ແຂງ​ແຮງ.

XS
SM
MD
LG