ລິ້ງ ສຳຫລັບເຂົ້າຫາ

ບັນດາຜູ້ສະໝັກເລືອກຕັ້ງ ຈາກພັກຣີພັບບລິກັນ ແຂ່ງກັນ ຫາສຽງ ໃນລັດຟລໍຣີດາ (ເບິ່ງວີດີໂອ)

  • ສິງ ບູຣົມມະວົງ

ທ່ານ Mitt Romney ອະດີດຜູ້ປົກຄອງລັດ Massachusetts ແລະທ່ານ Newt Gingrich ອະດີດປະທານສະພາຕໍ່າສະຫະລັດ ໂອ້ລົມກັນ ໃນລະຫວ່າງຢຸດພັກການໂຕ້ວາທີ ຂອງພັກ Republican ທີ່ລັດ ຟລໍຣີດາ, ວັນທີ 27 ມັງກອນ 2012.

ທ່ານ Mitt Romney ​ແລະ​ທ່ານ Newt Gingrich ທີ່​ຫວັງ​ວ່າ​ຈະ​ໄດ້​ເປັນ​ຜູ້​ສະໝັກ​ຮັບ​
ເລືອ​ກຕັ້ງປະທານາທິບໍດີ​ສະຫະລັດຕາງ​ໜ້​າ​ພັກ Republican ກໍາລັງ​ຫາ​ສຽງ​ແຂ່ງ​ກັນ
ເພື່ອ​ຊອກ​ຫາ​ສຽງ​ສະໜັບສະໜຸນ​ໃນ​ລັດ​ຟລໍຣີດາ ໃນ​ພາກ​ຕາ​ເວັນ​ອອກສຽງ​ໃຕ້​ຂອງ​
ສະຫະລັດ ຊຶ່ງຈະ​ມີ​ການເລືອກ​ຕັ້ງ​ຂັ້ນຕົ້ນ​ຂອງ​ພັກ​ ໃນ​ວັນ​ທີ 31 ມື້ຮືນີ້.

ຜູ້​ສະມັກ​ເລື້ອກຕັ້ງ​ທີ່​ມີ​ສຽງ​ນໍາ​ໜ້າ​ທັງ​ສອງ​ທ່ານ ທີ່​ກໍາລັງເເຂ່ງຂັນ​ກັນ ເພື່ອໃຫ້​ໄດ້​ເປັນ​ຜູ້
ສະ​ໝັກ​ເລືອກ​ຕັ້ງ ແຂ່ງກັບ​ປະທານາທິບໍດີ ບາຣັກ ​ໂອ​ບາ​ມາ ​ໃນ​ເດືອນ​ພະຈິກ​ປີ​ນີ້ ​ໄດ້​ພາ
ກັນ​ຫາ​ສຽງໃນ​ທົ່ວລັດ​ຟລໍຣີດາ​ ໃນ​ວັນ​ເສົາ​ວານ​ນີ້.

ທ່ານຣອມນີ ​ນັກ​ລົງທຶນເສດ​ຖີເງິນລ້ານ ແລະ​ເປັນ​ອະດີດ​ຜູ້​ປົກຄອງ​ລັດ Massachu-
setts ມີ​ຄະ​ແນນ​ນໍາ​ໜ້າ ​ຕາມ​ການ​ຢັ່ງ​ຫາງ​ສຽງ​ປະຊາຊົນຄັ້ງ​ຫລ້າ​ສຸດ​. (ເບິ່ງວີດີໂອ)

ທ່ານ Newt Gingrich ອະດີດ​ປະທານ​ສະພາ​ຕໍ່າ​ສະຫະລັດ ​ໄດ້​ຮັບ​ການ​ສະໜັບສະໜຸນ
ໃນ​ວັນ​ເສົາ​ວານ​ນີ້​ຈາກອະດີດ​ຄູ່​ແຂ່ງຄົນ​ນຶ່ງ ຄື ​ທ່ານ Herman Cain ​ເສດຖີ​ນັກທຸລະກິດ
pizza ຊຶ່ງ​ໄດ້​ຖອນ​ໂຕ​ອອກ​ຈາກ​ການແຂ່ງຂັນ​ໃນ​ຕົ້ນ​ເດືອນ​ທັນວາ​ຜ່ານ​ມາ ຫລັງ​ຈາກ​ທ່ານ
ຖືກ​ກ່າວ​ຫາ​ວ່າ​ ລວນ​ລາມ​ທາງ​ເພດຕໍ່​ແມ່ຍິງ​ຫລາຍ​ຄົນ​ແລະ​ບໍ່​ຊື່ສັດ​ຕໍ່​ພັນ​ລະຍາ.

ສ່ວນຜູ້​ສະມັກ​ເລືອກ​ຕັ້ງ​ອີກ 2 ທ່ານ ຄື: ທ່ານຣິກ ​ແຊນ​ທໍຣໍາ ອະດີດ​ສະມາຊິກ​ສະພາ​ສູງ
ສະຫະລັດ ຈາກ​ລັດ Pennsylvania ​ແລະ​ທ່ານRon Paul ສະມາຊິກ​ສະພາ​ຕໍ່າ​ສະຫະ
ລັດຈາກ​ລັດTexas ນັ້ນ ມີ​ຄະ​ແນນ​ນິຍົມລ້າ​ຫລັງຢ່າງ​ຫລວງຫລາຍ.

ເບິ່ງວີດີໂອລາຍງານທີ່ກ່ຽວຂ້ອງກັນ:

XS
SM
MD
LG